Sélimɛ 27:24 - Cebaara Bible 2010

²⁴ Izaaki si maa níì wi yíbe níì jo: «Mɔ lé wi nyɛ mii jáaw Ezau kányɛʔɛ ni?» A Zyakɔbi wi yari: «Ɛɛn.»

Sélimɛ 27:24 Iomraidhean Croise

Sélimɛ 27:23

Wi ga gbàn n wi cán í. Níì cán Zyakɔbi kɔ́yi maa pye yi myɛ síige àmɛɛ wi yɛʔɛfɔw Ezau wóyi nyɛ lè. A wi dùbaw kpéʔele wi ma.

Sélimɛ 27:25

A Izaaki níì jo: «Káari kaan naa mii ma, dóō, dee mɔ sáà caa lè, jàngó mii í di káa, koro ga pye mii í mii dùbaw kpéʔele mɔ ma ní mii fúngi ní.» A Zyakɔbi pan ní lìíli ní wi tóow ma, a wi baa lìi, ní wɔ́ɔ̀ dùvɛɛn kaan wi ma a wi gbaa.

2 Samyɛli 14:5

A fànʔafɔw wi pye: «Nyàʔá gi mɔ taa?» A wi wi yari: «Ee! Lɔgucaa mii nyɛ. Mii nǎnw n kùu.

1 Fànʔafɔbèle 13:18

A wi wi pye: «Jo mii wɔ́ɔ i nyɛ kanyaajoowaa àmɛɛ mɔ nyɛ lè. Yawe n nyɛ̀ʔɛni tundunwaa tun a wi baa gi joo mii ma níì jo: ‹Sa wi yeri mi lúrugo waa maa ní mɔ ní mɔ kpaʔa ma jàngó wi ba yaliire lìi si lɔ̀ʔɔ gbaa.› » Bi gi taa a wi da finɛ wi ma wii.

Zyɔbi 15:5

Níì cán mɔ kolomi pi mɔ nyɔ́ɔgi kàragí, námarafɔbèle jooganma mɔ nyɛ́nɛ n wòlo.

Kàseegèle 12:19

Kányɛɛjo-nyɔɔwari a báriga bi kòro beè làla o làla, jànvaa-joo-nyínni si a kwɔ́ɔ nyapiikololo nibin na.

Kàseegèle 12:22

Jànvaa-joo-nyɔɔwari i nyɛ yanɔnʔɔgɔ Yawe ma, bele si be kérigèle kpéʔele kányɛɛgi na lè, poro kéeli n wi dɛ́nɛ.

Kàseegèle 30:8

Námaraw ní jànvaaw léeli mii na. Mɔ a kɔ́ fóomi wàlá taali yaʔa li nan mii na í, lìíli li a mii yɛlɛ lè, da loro kaangi mii ma,

Zakarii 8:16

Syɛ́ɛnri naa ti lè dee, ki n yɛlɛ yele í da táanri di na, toro di nyɛ: Yele myɛ nibin nibin n yɛlɛ bàā kányɛʔɛ nyuu yeyɛɛ ma, yaa kútiiw nyuu yele kpàánweegèle na bi yɛlɛ ní kányɛɛgi ní, wi pye bɛ̀ɛlɛ kútii.

Efɛzi ye 4:25

Gee bee na gi yɛlɛ yele í jànvaaw yaʔa, syɔɔn o syɔɔn n yɛlɛ yele ni waa kányɛʔɛ nyuu wi syɛɛnnyɛnnɛ ma. Níì cán wolo i nyɛ woyɛɛ céri tɛ́ɛyɛ.

Kɔlɔsi ye 3:9

Ki ga yɛlɛ yele í kɔ́ ra finɛ yeyɛɛ ma í, àmɛɛ yele kanlɛɛmi ní bi kapyegèle wòlo yeyɛɛ na lè,

1 Samyɛli 21:13

A Davidi syɛ́ɛnri bee cò fúngi ni níì fyáa Gati fànʔafɔw Akisyi na gbanʔama.

1 Samyɛli 21:2

A Davidi kári Nɔbi ma sáriga-wòlow Ahimelɛki ma, a woro i cɛ̀lɛ́ ni maa n baa wi fàra, níì wi pye: «Mɛ̀ɛ́ gi nyɛ mɔ si i nyɛ mɔ nibin, syɔɔn faala o nyɛ ní mɔ ní í?»

1 Samyɛli 27:10

Akisyi n si baa jo: «Kàbangìí wòolo na ye sáà too níjanʔa?» Davidi n si wi yari: «Zyuda wòrogulo kàbangi wòolo na,» wàlá «Yerameyɛli ye wòrogulo kàbangi wòolo na,» wàlá «Kenii ye wòrogulo kàbangi wòolo na.»