Sélimɛ 27:13 - Cebaara Bible 2010

¹³ Kàjáa wi nɔ́ɔw maa wi pye: «Mɔ dángaw bee n yɛlɛ wi lúru kòro mii na, dóō. Ki n yɛlɛ mɔ í tɛ́nɛ mii syɛ́ɛnri lóʔo. Máā syée mi sa kapiiyi cò maa maa.»

Sélimɛ 27:13 Iomraidhean Croise

Sélimɛ 25:23

A Yawe wi yari: «Syɛɛnfeleye siin yi nyɛ mɔ fícɛnni ni, mɔ a syɛɛnfeleye siin see. Syɛɛnfeleyi bee a ba wàli bi láʔa yiyɛɛ na. Syɛɛnfelegaa nibin fànʔa a ba kpɔ́ʔɔ bi sɔ̀lɔ kàa wóʔo na. Yɛʔɛfɔw a ba wiyɛɛ gaan cɔnɔvɔw ma.»

Sélimɛ 25:33

A Zyakɔbi wi pye: «Ki n yɛlɛ mi kàli mii ma gbɛnʔɛnɛ.» A Ezau kàli wi ma níì wi lɛ́ɛgi tɔ̀nɔ pára wi ma.

Sélimɛ 27:14

A Zyakɔbi kári n sáà yi cò n pan wi nɔ́ɔw ma. Sɔʔɔganmee pi wi tóow dɛ́nɛ lè, a wi nɔ́ɔw baa káari sɔʔɔ kánmi bee na.

Sélimɛ 27:43

Tɔ́ɔliw ni, dóō, ki n yɛlɛ mi mii syɛ́ɛnri lóʔo. Mí yìri mi yiri nɛɛ naa mi kári mii yɛʔɛfɔw Laban ma Karan ma,

Sélimɛ 27:8

Tɔ́ɔliw ni, dóō, ki n yɛlɛ mi mii syɛ́ɛnri lóʔo, dee mii a joo gbàn mɔ ma lè.

Sélimɛ 43:9

Mii a niyɛɛ gaan wi larigi ni. Mii ga pye mii ga lúru n pan ní wi ní n baa kaan mɔ ma í, kolomi bee n yɛlɛ bi pye mii na mɔ ma làla o làla kwɔ́ɔmɔ fun.

2 Samyɛli 14:9

A Tekowa ye céw fànʔafɔw pye: «Ni kàfɔlɔ, mɔ wi lè fànʔafɔw, kolomi bee n yɛlɛ bi kòro mii ní mii tóow kpaʔa wòolo na, fànʔafɔw ní wi fàngoli si pye kolomɔ fun.»

2 Cányi kèlē 22:3

A woro wɔ́ɔ i táanri Akabi kpáagi wòolo kôdanʔaya ni, níì cán wi nɔ́ɔw wi da wi tama n lége kapeeyi pyele ni.

Matye 27:25

A syɛ́ɛnbèle myɛ gi joo wi ma níì jo: «Wi sìsyaanw yàkɛɛ n yɛlɛ wi kòro wolo ní wolo pìíbèle na.»

1 Samyɛli 25:24

Wi n baa too wi tɔ́lɔyi taana níì jo: «Mii wi kolo, ni kàfɔlɔ. Ki yaʔa mɔ pulocew í joo ní mɔ ní líiye taana, mɔ pulocew syɛ́ɛnrɛ lóʔo.