Sélimɛ 26:7 - Cebaara Bible 2010

⁷ A tɛ́ɛgi bee syɛ̀ɛnnɛ i wi yíbe wi céw kéele na. A wi i gi nyuu be ma níì jo: «Mii senyɛnnɛ̀ wii.» Wi maa ni fɛ̀ɛgí bi jo woro cɔ́ɔ wii, jàngó tɛ́ɛgi bee syɛ̀ɛnnɛ a kɔ́ woro kpóo í. Níì cán Erebeka maa tɔ̀nɔ n nyɔɔ.

Sélimɛ 26:7 Iomraidhean Croise

Sélimɛ 12:11

A pe ga sáà nan bi jée Ezyipiti tári ni, a wi gi joo wi céw Sarayi ma níì jo: «Wéle, mii n gi cán mɔ tɔ̀nɔ́ i nyɛ cecàndeleo.

Sélimɛ 12:13

Koro na ki n yɛlɛ mi be pye mɔ i nyɛ mii senyɛnnɛ, koro ga pye pe mii sámaga be cò mɔ kéeli na, mii si wɔ́ɔ kòro sìi na mɔ bárigaw ni.»

Sélimɛ 12:15

A Faraɔnw syɛɛnkpolobéle wɔ́ɔ̀ wi nyaa, a be sáà wi kéeli joo n kpɔ́ʔɔ Faraɔnw ma. Lǎli bee ni a be céw kɔ́ri n kári Faraɔnw fànʔafɔ-gbaʔa ma.

Sélimɛ 20:11

A Abirahami jo: «Mii maa gi tímana n jo Kolocɔlɔɔ yɛ́ɛgi fyáara a pye tɛ́ɛgi naa ni í. Pe a mii kpóo mii céw kéele na.

Sélimɛ 20:2

Abirahami maa ni gi nyuu wi céw Sara kéeli na níì jo: «Wi i nyɛ mii senyɛnnɛ.» A Gerari fànʔafɔw Abimelɛki fala n tun a be sáà Sara láa n pan.

Sélimɛ 20:5

Nǎnw bee tiimaa wi gi joo mii ma níì jo woro senyɛnnɛ wii. A céw wɔ́ɔ̀ gi joo mii ma níì jo woro senyɛnnɛ wii. Mii fúngi n tɔ̀nɔ n fílige, a mii kɔ́yi wɔ́ɔ i nyɛ fɔɔnrɔ fun kéeli naa pyele na.»

Sélimɛ 24:16

Wi maa pye pìcaacàndeleo. Wi maa pye nàngeele sinján ni. Nàɔn faala da kɔ́ɔ̀ wi cán wi cɔɔ̀ í. A wi tìgi kɔ̀lɔ́w ma n sáà wi kasǎnni nyìn n lúru ni syée.

Sélimɛ 26:6

A Izaaki tɛ́ɛn Gerari ni.

Sélimɛ 26:8

Izaaki maa tɔ̀nɔ n tɛ́ɛn n mɔn yaà tɛ́ɛgi bee ni. Cangaa Abimelɛki wi lè Filisitini ye fànʔafɔw, wi maa pye yaà wi kpáagi ni níì wéle fɛ̀nɛtiriw na n Izaaki ní wi céw Erebeka nyaa pe i kɔ̀nʔɔ́.

Sélimɛ 29:17

Leya nyapiigèle si maa lága, á Arasyɛli si tɔ̀nɔ n nyɔɔ cere na.

Kàseegèle 29:25

Syɛ́ɛnbèle yɛ́ʔɛ fyáara i karinyanga nii, wee si wi wiyɛɛ daʔa Yawe na lè, yafyɛn a nan wi na í.

Matye 10:28

Bele be céri kúu lè, pe si a gbǎn pǐli kpóo í, yele a kɔ́ ra fɛ̀ɛgí bele bee na í. Kolocɔlɔɔ na yele yɛlɛ bàā fɛ̀ɛgí, woro wee wi a gbǎn pǐli ní céri myɛ pínɛ kálagi lè tɛɛwɔʔɔgi ni.

Efɛzi ye 5:25

Nǎnbèle, ki n yɛlɛ ye yele cébèle kéele yaʔa li yele dɛ́nɛ àmɛɛ Egiliziw kéele Kirisi dɛ́nɛ lè a wi wiyɛɛ gaan wi kéeli na,

Kɔlɔsi ye 3:9

Ki ga yɛlɛ yele í kɔ́ ra finɛ yeyɛɛ ma í, àmɛɛ yele kanlɛɛmi ní bi kapyegèle wòlo yeyɛɛ na lè,