Sélimɛ 26:5 - Cebaara Bible 2010

⁵ Níì cán Abirahami maa mii jóomi lóʔo níì mii tundunri, ní mii kajoogèle, ní mii nyɛ́nɛ kérigèle, ní mii làlwaw kèlē sámaga n cò.»

Sélimɛ 26:5 Iomraidhean Croise

Sélimɛ 12:4

A Abirami kári n yɛlɛ ní gi ní àmɛɛ Yawe gi joo wi ma lè. A Lɔti wɔ́ɔ̀ kári ní wi ní. Lǎli ni Abirami yiri Karan ni ni syée lè, wi maa taa yɛ̀ʔɛlɛ togoye taanri ní kpɔrigɔ ní kagunɔ.

Sélimɛ 17:23

A Abirahami fala n wi pìíw Isimayɛli kɛ́nɛ n fàra bele myɛ na be see wi kpáagi ni lè, ní bele myɛ wi syɔɔ wáli na lè, gee bee n jo nàɔn o nàɔn wi pye wi kpáagi ni lè. A wi bele bee kɛ́nɛ cángi bee wonijanga n yɛlɛ ní gi ní àmɛɛ Kolocɔlɔɔ da gi joo wi ma lè.

Sélimɛ 18:19

Níì cán mii n wi nyɛ́nɛ n wòlo koro ga pye wi gi joo wi gbàn wi kàdoʔomaw ma, pe lè wi pìíbèle ní wi yòdaʔayi, si be pye pe Yawe kólogi sámaga be cò, páā síngi, sáā kérigèle cɔɔnri kányɛɛgi na, koro ga pye gee mii Yawe joo Abirahami kéeli na lè níì jo mii a gi kpéʔele wi ma lè, mii í gi foro.»

Sélimɛ 22:16

níì wi pye: «Yawe n jo: Amɛɛ mɔ gee naa kpéʔele lè, mɔ ga cée mii ma mɔ piinibingi na í, koro na mii n kàli niyɛɛ na,

Sélimɛ 22:18

Mɔ yodaʔayi kéele ní tári syɛɛnfeleye myɛ a ba ra dùbaw kpéʔele yiyɛɛ ma, níì cán mɔ n lóʔo mii ma.»

Sélimɛ 26:6

A Izaaki tɛ́ɛn Gerari ni.

Matye 5:19

Koro na syɔ́ɔnwee faala ga kajoodɛɛngèle naa làa wobile faʔa lè, ní i syɛ́ɛnbèle tama li céeganmi na, wee bee a pye pe myɛ wobile nyɛ̀ʔɛni fànʔa ni. Kàjáa syɔ́ɔnwee faala wi ga ni ge kpéʔele lè, ní i syɛ́ɛnbèle tama ge kpéʔeleganmi na, wee bee a pye syɛɛnkpɔɔɔ nyɛ̀ʔɛni fànʔa ni.

Matye 7:24

«Syɔɔn o syɔɔn wi mii syɛ́ɛnri naa lúro lè, ní i gi kpéʔele àmɛɛ mii jo lè, wi a pye àmɛɛ sícilio nyɛ lè, wee wi wi kpáagi faan lè fálaga njoʔo ni.

1 Korɛnti ye 15:58

Gee bee na, mii senyɛn-nidaanmabèle, ki n yɛlɛ ye nìrimɛ le, ye a kɔ́ ra yeyɛɛ gábala í, yaa syée yɛʔɛ ma làla o làla Kàfɔw fáli ni, ye gi cán fáliwee yele kpéʔele lè Kàfɔw báriga ni, wi a gbǎn yiri gbanzan í.

Galasi ye 5:6

Níì cán syɔɔnwaa ga pye Kirisi Zyezu ni, kɛ́nɛkpeʔeleri yoo, kɛ́nɛnaa-sìngbeʔeleri yoo, tàa faala o nyɛ ní tɔ̀nɔ ní í, fwɔɔ tágali li báara lè tàmagi báriga ni.

Heburubèle 11:8

Tágali báriga ni Abirahami da Kolocɔlɔɔ kayeli lóʔo níì kári tɛɛgaa ma, gee wi a kɔ́ ba taa lè gi pye wi kɔ́rigi. Wi maa yiri ni syée bi gi taa wi da wi kàbangárigi cán í.

Zyaki 2:21

Wolo tóolɛɛw Abirahami kapyegèle ban ge wi yaʔa a Kolocɔlɔɔ wi córo syɛɛnsiɔn ì, àmɛɛ wi da wi jáaw Izaaki kaan lè, Kolocɔlɔɔ ma sáriga sáriga-wòlo-yafaangi na lè ì?