Sélimɛ 26:3 - Cebaara Bible 2010

³ Tɛ́ɛn tári naa ni mi làlaa kwɔ́ɔ. Mii a pye ní mɔ ní si wɔ́ɔ dùbaw taʔa mɔ na. Níì cán mɔ ní mɔ yodaʔayi má mii a tátɛɛyi naa myɛ kaan. Nyɔɔfaligee mii da kpéʔele mɔ tóow Abirahami ma lè, mii a gee bee foro.

Sélimɛ 26:3 Iomraidhean Croise

Sélimɛ 12:7

A Yawe wiyɛɛ dɛ̀ɛn Abirami na níì wi pye: «Mii a tári naa kaan mɔ yodaʔagi ma.» Tɛ́ɛgee ni Yawe wiyɛɛ dɛ̀ɛn Abirami na lè, a Abirami sáriga-wòlo-yafanʔa faan Yawe ma tɛ́ɛgi bee ni.

Sélimɛ 13:15

Táree myɛ mɔ nyaa lè, mii a di kaan mɔ ní mɔ yodaʔayi ma di pye yele wóro làla o làla.

Sélimɛ 13:17

Ki n yɛlɛ mi yìri mi tári nyaari mi foro, mi di tɔnɔganmi, ní di kpɔ́ʔɔganmi cán, níì cán mɔ má mii a di kaan.»

Sélimɛ 15:18

Cángi bee na a Yawe joogaanna kpéʔele ní Abirami ní níì jo: «Mii n tári naa kaan mɔ yodaʔayi ma, nlaa yaà Ezyipiti cábigi na n kári fwɔɔ n sáà nan cábikpɔɔgi na, gi lè Ufurati.

Sélimɛ 17:19

A Kolocɔlɔɔ jo: «Ɛɛn, mɔ céw Sara si a nànbile see mɔ ma, mɔ a ra wi yiri Izaaki. Mii a mii joogaanni yaʔa li kòro wi ma, ní wi yòdaʔayi ma wi kàdoʔo ma li pye bàngwɔɔ joogaanna.

Sélimɛ 17:8

Kanaan tári ni mɔ tɛ́ɛn lè dee n pye nibɔɔn, mii a ti myɛ kaan mɔ ní mɔ yodaʔayi ma, ti a pye mɔ yodaʔayi wóro làla o làla. Mii si pye be Kolocɔlɔw.»

Sélimɛ 20:1

A Abirahami yìri yaà beè n kári wòrogulo tári ma ní sáà tɛ́ɛn Kadɛsyi, ní Syuri níngi ni, ní náa baa kári n sáà kòro Gerari ni.

Sélimɛ 25:11

Abirahami kùúli kàdoʔo ma, a Kolocɔlɔɔ dùbaw taʔa Izaaki na. Izaaki maa sáà kòro Lahayi-Woroyi kɔ̀lɔ́w taana.

Sélimɛ 26:12

A Izaaki yaliire fála yɛ́ɛli bee tári bee ni. Yaliiree wi lùgu lè, a wi di feleye dabata-daa taa. Níì cán Yawe maa dùbaw taʔa wi na.

Sélimɛ 26:14

Wi maa yaweeyiligēle ní yaweekpologèlē gboogéle taa n fàra pulobèlē saʔa na. A wi nyabɛɛnni pye Filisitini syɛ́ɛnbèle na.

Sélimɛ 26:24

A Yawe wiyɛɛ dɛ̀ɛn wi na yébiligi bee ni níì wi pye: «Mii wi nyɛ mɔ tóow Abirahami Kolocɔlɔw. Mɔ a kɔ́ fyáa í. Níì cán mii i nyɛ ní mɔ ní. Mii a dùbaw taʔa mɔ na. Mii a mɔ yodaʔayi yaʔa yi nɛʔɛ mii falipyew Abirahami kéeli na.»

Sélimɛ 28:13

Yawe si i nyɛ woyéreo ní ki ǹjogi ni. A Yawe wi pye: «Mii wi nyɛ Yawe, mɔ tóolɛɛgi Abirahami Kolocɔlɔw, ní mɔ tóow Izaaki Kolocɔlɔw. Táree na mɔ sínɛ lè dee, mii a di kaan mɔ ní mɔ yodaʔayi ma.

Sélimɛ 28:15

Wéle, mii i nyɛ ní mɔ ní. Tɛʔɛ o tɛʔɛ ni mɔ ga kári lè, mii a ra mɔ kɔ̀rɔsíi bi ní mɔ lúrugo pan tári naa ma. Níì cán mii a tée mɔ yaʔa í, fwɔɔ bi taa gee mii joo mɔ ma lè, mii í gi foro.»

Sélimɛ 31:3

A Yawe gi joo Zyakɔbi ma níì wi pye: «Lúru maa syée mɔ tóobèle tára ma, mɔ kpaʔa wóbèle ma, mii a pye ní mɔ ní.»

Sélimɛ 35:12

Táree mii kaan Abirahami ní Izaaki ma lè, mii a di kaan mɔ ma, si wɔ́ɔ di kaan mɔ yodaʔayi ma naa mɔ kadoʔo ma.»

Sélimɛ 39:2

Yawe maa pye ní Zyozɛfu ní, a wi kérigèle myɛ i nyɔɔgi. A wi pye wi kàfɔw kpaʔa ni, wi lè Ezyipiti ye nǎnw.

Sélimɛ 39:21

A Yawe pye ní Zyozɛfu ní, níì kacànga kpéʔele wi na n gi yaʔa a wi kéeli kpɔ́ʔɔ kàsokpaagi kàfɔlɔ ma.

Sélimɛ 48:21

A Isirayɛli gi joo Zyozɛfu ma níì wi pye: «Wéle, mii wi a kùu wee kàjáa Kolocɔlɔɔ a pye ní yele ní bi ní yele lúrugo tórigo yele tóolɛɛbèle tára ma.

Sélimɛ 50:24

A Zyozɛfu gi joo wi senyɛnbèle ma níì be pye: «Mii a kùu, kàjáa Kolocɔlɔɔ a tɔ̀nɔ́ pan ba yele wéle si yele yirige tári naa ni. Táree nyɔ́ɔ wi fàli Abirahami, ní Izaaki, ní Zyakɔbi ma ní kàliya ní lè, wi a sa yele lége di ni.»

1 Cányi kèlē 16:16

gee bee n jo joogaanni wi kpéʔele ní Abirahami ní lè, ní wi kàligi wi kpéʔele Izaaki ma lè.

Ŋúnuyi 105:8

Wi i sɔ̀ngí ni taagi làrigèle myɛ ni wi joogaanni na, ní wi syɛ́ɛnri na yìrigèle saala kagunɔ syɛ̀ɛnnɛ ma.

Ŋúnuyi 105:9

Gee bee n jo joogaanni wi kpéʔele ní Abirahami ní lè, ní wi kàligi wi kpéʔele Izaaki ma lè,

Ŋúnuyi 32:8

Mii a mɔ tama si kólogi tɛ̀ɛn mɔ na, gee mɔ yɛlɛ bi láa lè. Mii a ra mɔ yaragi, mii nyɛ́nɛ si pye mɔ na.

Ŋúnuyi 39:12

Mɔ i wɔʔɔlɔ téeri ni syɔɔn kóro wi kolomi kéele na, kánmee na fyɛnʔɛ yasanra líi ni kálagi lè, kánmi bee na mɔ wi fúngi yanidaanmaga kálagi. Kányɛʔɛ na syɔɔn o syɔɔn i nyɛ nyɔɔ káfalaga. Ŋɔ́ndaala

Yirile 2:24

A Kolocɔlɔɔ be sùpiigèle lóʔo, níì sɔ̀ngi joogaanni kéele na wi da kpéʔele Abirahami, ní Izaaki, ní Zyakɔbi ma lè.

Yirile 3:12

A Kolocɔlɔɔ jo: «Mii i nyɛ ní mɔ ní. Wéle, gee ki a pye lè fɛ̀ɛ́w bi gi tɛ̀ɛn mii wi mɔ tun, koro gi nyɛ, mɔ ga sáà syɛ́ɛnbèle yirige Ezyipiti ni, yele a ba Kolocɔlɔɔ kpɔ̀ʔɔrɔ nyanbelegi naa na.»

Yirile 6:4

A mii wɔ́ɔ̀ mii joogaanni kpéʔele ní be ní níì jo mii a Kanaan tári kaan be ma, tári bee ni be pye lè wodɛ́ɛnbéle ní, beè be pye lè nibɔndɛ́ɛnbéle.

Yirile 6:7

Mii a yele láa yele í pye mii syɛ́ɛnbèle, mii si pye yele Kolocɔlɔw. Yele a gi cán bi cán mii wi nyɛ Yawe yele Kolocɔlɔw, wee wi yele yirigi lè Ezyipiti ye faligbanw ni.

Yirile 6:8

Táree nyɔ́ɔ mii da fàli Abirahami, ní Izaaki, ní Zyakɔbi ma ní kàliga ní lè, níì jo mii a di kaan be ma, mii a sa yele lége di ni. Mii Yawe a di kaan yele ma di pye yele kɔ́rigɔ.› »

Ezayi 43:2

Mɔ ga ni lǒyi jeligi lǎli ni lè, mii a pye ní mɔ ní, ní cábiyi, yi a tée mɔ wáa í. Mɔ ga ni táanri náagi ni, mɔ a miyɛɛ sórigo gi ni í, naanyǐngi a mɔ sórigo í.

Ezayi 43:5

Mɔ a kɔ́ ra fɛ̀ɛgí í, níì cán mii i nyɛ ní mɔ ní. Mii a mɔ yodaʔayi yìrige yaà canʔafolomɔ ma bi pan, mii a mɔ wóbèle yìrige yaà canʔajeemɛ ma bi kpóʔoro.

Misye 7:20

Mɔ a gi tɛ̀ɛn Zyakɔbi na àmɛɛ mɔ nyɛ lè tágala syɔ́ɔn, bi gi tɛ̀ɛn Abirahami na àmɛɛ mɔ nyɛ lè funjàngafɔlɔ, àmɛɛ mɔ da gi joo ní kàliga ní wolo tóolɛɛbèle ma lè booma ni yaà.

Córolo 23:19

Kolocɔlɔɔ o nyɛ syɔɔn bi finɛ í. Wi o nyɛ Adami pyà bi kɔ́ mii-ga-ra-cán joo keele na í. Gee wi joo lè, a wi a gi yaʔa lé sìngbeʔele ni? Wi ga syɛɛnrɛ joo, a wi a di yaʔa lé sìnvoro ni?

Làlwaw Kaanziin 1:8

Ye wéle, mii n tári tɛ́ʔɛ yele yɛ́ʔɛ ma. Táree kéele na mii Yawe da kàli yele tóolɛɛbèle Abirahami ní Izaaki, ní Zyakɔbi ma lè, níì jo mii a di kaan be ma, si wɔ́ɔ di kaan be yòdaʔayi ma naa pe kàdoʔo ma lè, yaa syée ye sa di syɔɔ ye taa.›

Làlwaw Kaanziin 34:4

A Yawe wi pye: «Tári dii dee bee, dee nyɔɔfaliga mii kpéʔele ní kàliga ní lè Abirahami, ní Izaaki, ní Zyakɔbi ma níì jo: ‹Mii a di kaan mɔ yodaʔayi ma.› Mii n gi yaʔa mɔ í di nyaa ní mɔ nyapiigèle ní, kàjáa mɔ a jée di ni í.»

Filipikaʔa ye 4:9

Gee yele tama mii ma lè, ní gee yele taa mii ma lè, ní gee yele lóʔo ní wɔ́ɔ̀ gi nyaa mii ma lè, ye kòro yaa gee bee kpéʔele. Koro ga pye Kolocɔlɔɔ wi lè fûnnyingi kaanfɔlɔ, wi a pye ní yele ní.

Heburubèle 11:9

Tágali báriga ni wi da tɛ́ɛn nyɔɔfaligi tára ni àmɛɛ nibɔɔn nyɛ lè, fànikpaaya ni wi da ni kòró, ànbée si Izaaki ní Zyakɔbi da wɔ́ɔ baa gi kpéʔele, be pye lè wi kɔriliinyɛnbèle nyɔɔfaligi bee wonijanga ni.

Heburubèle 6:17

Kolocɔlɔɔ si maa tɔ̀nɔ ni caa bi gi fílige tɛ̀ɛn syɛ́ɛnbèle na poro bele má woro nyɔ́ɔgi fàli lè, jàngó pe gi cán woro kakɔrirɔli a gbǎn sàa í, koro na wi kàligi fàra wi nyɔɔfaligi na,