Sélimɛ 26:24 - Cebaara Bible 2010

²⁴ A Yawe wiyɛɛ dɛ̀ɛn wi na yébiligi bee ni níì wi pye: «Mii wi nyɛ mɔ tóow Abirahami Kolocɔlɔw. Mɔ a kɔ́ fyáa í. Níì cán mii i nyɛ ní mɔ ní. Mii a dùbaw taʔa mɔ na. Mii a mɔ yodaʔayi yaʔa yi nɛʔɛ mii falipyew Abirahami kéeli na.»

Sélimɛ 26:24 Iomraidhean Croise

Yirile 3:6

Ní níì jo: «Mii wi nyɛ mɔ tóow Kolocɔlɔɔ, wi lè Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw.» A Mowizi wi yɛ́ɛgi làriga, níì cán wi maa ni fɛ̀ɛgí bàā Kolocɔlɔɔ wéle.

Sélimɛ 17:7

Mii a mii joogaanni yaʔa li kòro mii ní mɔ níngi ni, si wɔ́ɔ ba kòro mii ní mɔ yodaʔayi nínge ni mɔ kadoʔo ma. Li a kòro mii ní be làrigèle myɛ syɛ̀ɛnnɛ nínge ni bàā syée yaà làla o làla. Kánmi bee na mii a pye mɔ Kolocɔlɔw, si wɔ́ɔ ba pye mɔ yodaʔayi Kolocɔlɔɔ mɔ kadoʔo ma.

Sélimɛ 15:1

Kérigèle bee kàdoʔo ma, a Yawe joo ní Abirami ní yanyaʔa ni, wi n jo: «Abirami, ki ga yɛlɛ mɔ í da fɛ̀ɛgí í. Mii wi nyɛ mɔ tunmɔzige-yárigi. Mii a tɔ̀nɔ́ tɔ̀nɔkpɔɔɔ kaan mɔ ma.»

Kapyegèle 7:32

‹Mii wi nyɛ mɔ tóolɛɛbèle Kolocɔlɔɔ, wee wi lè Abirahami, ní Izaaki, ní Zyakɔbi Kolocɔlɔw.› A Mowizi i cɛ̀lɛ́, wi ga níì soro bi gi wéle í.

Sélimɛ 24:12

A wi nyɛ́ɛrigi naa nyɛ́ɛri níì jo: «Yawe, mɔ wi lè mii kàfɔw Abirahami Kolocɔlɔw, mii i mɔ nyɛ́ɛri, mi mii yaʔa mii í gi fàrá taa níjanʔa, gee mii caa lè, nyɔɔ kánmi bee na mii kàfɔw Abirahami na.

Tɛ̀ɛnnɛ 1:17

Lǎli ni mii wi nyaa lè, a mii fala n too wi láari ni n pye àmɛɛ kpóo nyɛ lè. A wi wi kàliige kɔ́gi taʔa mii na níì jo: «Mɔ a kɔ́ ra fɛ̀ɛgí í! Mii wi nyɛ Yɛɛ̀kiniw ní Kàdotɔnw,

Sélimɛ 28:13

Yawe si i nyɛ woyéreo ní ki ǹjogi ni. A Yawe wi pye: «Mii wi nyɛ Yawe, mɔ tóolɛɛgi Abirahami Kolocɔlɔw, ní mɔ tóow Izaaki Kolocɔlɔw. Táree na mɔ sínɛ lè dee, mii a di kaan mɔ ní mɔ yodaʔayi ma.

Sélimɛ 13:16

Mii a mɔ yodaʔayi kpéʔele yi nɛʔɛ bi pye àmɛɛ támiigi nyɛ lè. Syɔɔn ga pye bi gbǎn támiigi córo, pe a wɔ́ɔ gbǎn mɔ yodaʔayi córo.

Heburubèle 13:6

Koro na wolo a gbǎn gi joo ní nànzorodo ní si jo: «Kàfɔw wi nyɛ mii dɛ̀ɛmɛfɔw, mii a tée fyáa í. Nyàʔá syɔɔn a gbǎn kpéʔele mii na?»

Luki 12:32

«Yele bele ye nyɛ lè bàala cɛɛri, yele a kɔ́ ra fɛ̀ɛgí í. Níì cán ki n yele Tóow dɛ́nɛ bi fǎngi kaan yele ma.

Matye 22:32

‹Mii wi nyɛ Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw.› Kúbèle wóo ban wi nyɛ Kolocɔlɔɔ í, niweebèle wóo wi nyɛ Kolocɔlɔɔ.»

Ezayi 44:2

Yawe wi mɔ kpéʔele lè, woro wi syɛ́ɛnri naa joo, woro wee wi mɔ sámaga yaà mɔ nɔ́ɔw láʔa ni lè, ní i nyɛ mɔ dɛɛmɛfɔw, wi n jo: «Mɔ a kɔ́ ra fɛ̀ɛgí í, mii falipyew Zyakɔbi, Yesyurun, mɔ wee mii nyɛ́nɛ n wòlo lè.

Ezayi 41:10

Mɔ a kɔ́ ra fɛ̀ɛgí í, níì cán mii i nyɛ ní mɔ ní. Mɔ a kɔ́ ra wéle da máari ní funjurugoro ní i, níì cán mii wi nyɛ mɔ Kolocɔlɔw. Mii i nìrimɛ nii mɔ ni, mii i mɔ dɛ̀ɛmɛ́, mii i mɔ tɔʔɔ ni yéregi ní mii fàndaari kàliige kɔ́lɔ ní.

Ezayi 12:2

Ye mii syɔɔli Kolocɔlɔɔ wéle wee, mii sɔ̀ngumi n tɛ́ɛn, mii a ra fɛ̀ɛgí í. Níì cán Yawe, Yawe tiimaa wi nyɛ mii bárigaw, ní mii ŋúnugi. Woro wi nyɛ mii syɔɔli.»

Sélimɛ 31:5

A wi baa be pye: «Mii n yele tóow yɛ́ʔɛ kɔ̀rɔsíi n gi nyaa ki ní o nyɛ gi kanlɛɛmi na mii kàbangi na í. Kàjáa Kolocɔlɔɔ wi lè mii tóow wóo, woro wi da pye ní mii ní.

Ezayi 51:12

Mii si na, mii wi nyɛ mɔ kpɛʔɛlɛfɔw. Wìí wi nyɛ mɔ, á mɔ si i fɛ̀ɛgí syɔɔn na wi nyɛ lè yakuugo, syɔɔn pya na, wee kwɔ́ɔganma bi nyɛ àmɛɛ nyàā nyɛ lè?

Ezayi 51:7

Ye lóʔo mii ma, yele bele ye sínni cán lè, syɛ́ɛnbèle, yele bele fúnyo ni mii làlwaw nyɛ lè! Yele a kɔ́ ra fɛ̀ɛgí syɛ́ɛnbèle faʔara na í, yele a kɔ́ ra cɛ̀lɛ́ be tɛʔɛlɛyi na í.

Sélimɛ 22:19

A Abirahami lúru n pan wi falipye-nìgɔcaribèle ma, a be náa baa pínɛ n kólogi láa n lúru n pan Bɛɛri-Syeba ma. A Abirahami baa kòro beè Bɛɛri-Syeba ni.

Heburubèle 11:16

Kàjáa pe maa ni táraa caa, dee di nyɔɔ n sɔ̀lɔ lè, ti lè nyɛ̀ʔɛni wóro. Koro na àmɛɛ pe da ni Kolocɔlɔɔ yiri lè be Kolocɔlɔw, gee bee da pye wi na fɛ̀ɛrɛ í. Níì cán wi maa kèkpɔʔɔ sámaga be ma.

Sélimɛ 17:8

Kanaan tári ni mɔ tɛ́ɛn lè dee n pye nibɔɔn, mii a ti myɛ kaan mɔ ní mɔ yodaʔayi ma, ti a pye mɔ yodaʔayi wóro làla o làla. Mii si pye be Kolocɔlɔw.»

Sélimɛ 21:17

A Kolocɔlɔɔ pìíw sùpile lóʔo. A Kolocɔlɔɔ tundunw kòro yaà nyɛ̀ʔɛni na níì Agari yeri níì jo: «Agari, nyàʔá gi mɔ taa? Mɔ a kɔ́ ra fɛ̀ɛgí í. N pìíw yaʔa yaà mɛ̀ɛ wodɛ́ɛɔn ní, Kolocɔlɔɔ n wi sùpili lóʔo.

Sélimɛ 22:17

níì jo mii a tɔ̀nɔ́ dùbaw taʔa mɔ na. Mii a mɔ yodaʔayi pye yi nɛʔɛ àmɛɛ nyɛ̀ʔɛni ŋɔ́ripiigéle nyɛ lè, ní àmɛɛ sólomi lɔ̀ʔɔ nyɔ́ɔ táminyɔɔ nyɛ lè. Mɔ yodaʔayi a yi nigoobèle kèye fáliga syɔɔ taa.

Sélimɛ 28:3

Kolocɔlɔɔ wi lè Séew Myɛ Kàfɔlɔ, ki n yɛlɛ woro í dùbaw taʔa mɔ na, mɔ í pìinɛʔɛrɛ taa bi pye syɛɛnnɛʔɛmɛ.

Sélimɛ 28:15

Wéle, mii i nyɛ ní mɔ ní. Tɛʔɛ o tɛʔɛ ni mɔ ga kári lè, mii a ra mɔ kɔ̀rɔsíi bi ní mɔ lúrugo pan tári naa ma. Níì cán mii a tée mɔ yaʔa í, fwɔɔ bi taa gee mii joo mɔ ma lè, mii í gi foro.»

Sélimɛ 30:27

A Laban jo: «Mii i caa mɔ í nyɔɔ mii na si lóʔo mii ma. Mii kolocɔlɔbèle n gi tɛ̀ɛn mii na ncan Yawe n tɔ̀nɔ n dùbaw taʔa mii kɔ́lɔ yáriri na mɔ kéeli na.

Sélimɛ 46:1

A Isirayɛli kólogi láa ni syée ní yáriri myɛ ní ti da pye wi ma lè. A wi ga sáà nan Bɛɛri-Syeba na, a wi sáriga wòlo wi tóow Izaaki Kolocɔlɔw ma.

Làlwaw Kaanziin 13:17

Mɔ a gi yakoliri myɛ kpoʔolo kěgi kadàlaga nínge ni, si naà tɛ́ʔɛ bi kěgi ní gi yakoliri myɛ sórigo àmɛɛ sáriga-sórigoo nyɛ lè Yawe mɔ Kolocɔlɔw ma. Ki a kòro làla o làla kataʔa, ki a ní faan nyáana í.

Sélimɛ 39:2

Yawe maa pye ní Zyozɛfu ní, a wi kérigèle myɛ i nyɔɔgi. A wi pye wi kàfɔw kpaʔa ni, wi lè Ezyipiti ye nǎnw.

Sélimɛ 39:3

A wi kàfɔw gi nyaa Yawe i nyɛ ní wi ní. Keele o keele wi kpéʔele lè, a Yawe i ke myɛ nyɔɔgi wi kɔ́gi ni.

Yirile 14:13

A Mowizi gi joo syɛ́ɛnbèle ma níì be pye: «Yele a kɔ́ ra fɛ̀ɛgí í. Ki n yɛlɛ ye yére sági, yele a gi nyaa kánmee na Yawe a yele syɔɔ lè níjanʔa. Níì cán Ezyipiti ye yele nyaagi lè bele níjanʔa, yele a ní be nyaa nyáana í.

Levii ye sáriga-wòlori 26:42

Mii a sɔ̀ngi mii joogaanni na, lee mii kpéʔele ní Zyakɔbi ní lè, si wɔ́ɔ sɔ̀ngi mii joogaanni na, lee mii kpéʔele ní Izaaki ní lè, ní mii joogaanni na, lee mii kpéʔele ní Abirahami ní lè. Mii a wɔ́ɔ sɔ̀ngi tári kéele na.

Levii ye sáriga-wòlori 26:45

Mii a sɔ̀ngi be kéeli na, si nyɔɔ be na joogaanni kéele na mii kpéʔele ní be toolɛɛbèle ní lè, poro bele mii yirige Ezyipiti tári ni lè syɛɛnfeleyi nyɛ́nɛ na, koro ga pye mii í pye be Kolocɔlɔw. Mii wi nyɛ Yawe.› »

Làlwaw Kaanziin 31:6

Ye nìrimɛ le, yé lòmaana le! Yele a kɔ́ ra fɛ̀ɛgí sáā cɛ̀lɛ́ pe yɛʔɛ̀ ma í. Níì cán Yawe mɔ Kolocɔlɔw tiimaa i táanri ní mɔ ní. Wi a tée mɔ yaʔa í, wi a mɔ cée í.»

Wuruti 3:11

Tɔ́ɔliw ni, ni pyà, mɔ a kɔ́ ra fɛ̀ɛgí í. Gee myɛ mɔ ga joo lè, mii a gi kpéʔele mɔ ma. Níì cán kěgi syɛ̀ɛnnɛ myɛ n gi cán ncan mɔ i nyɛ báriga cɔ́ɔ.

1 Fànʔafɔbèle 17:13

A Elii wi pye: «Mɔ a kɔ́ ra fɛ̀ɛgí í, jée mi sa gi kpéʔele àmɛɛ mɔ gi joo lè. Kàjáa ki n yɛlɛ mɔ í sa séli gbɛnʔɛnɛ bi bi pàa sámaga mii ma kàgbalaga mi ba kaan mii ma, koro kàdoʔo ma mɔ a náa pàa sámaga mɔ ní mɔ piiw ma.

Kayaagi Nyɛnigɛ 3:57

Cángee na mii mɔ yeri lè, a mɔ nùuni mii na. Mɔ n jo: «Mɔ a kɔ́ ra fɛ̀ɛgí í.»