Sélimɛ 26:22 - Cebaara Bible 2010

²² A Izaaki yìri yaà beè n ní sáà kɔ̀lɔ́waa nikwɔɔ túgu. Wàa ga níì kàsii caa wi ma kɔ̀lɔ́w bee kéele na í. A wi kɔ̀lɔ́w bee mɛ́ʔɛ le ni wi yiri Erehobɔti, ncan wi maa jo: «Yawe n wolo télege tɛɛkpɔʔɔ ni koro ga pye wolo í tɛ́ɛn bi fuguri tári ni.»

Sélimɛ 26:22 Iomraidhean Croise

Sélimɛ 17:6

Mii a gi yaʔa mɔ piibèle í tɔ̀nɔ́ nɛʔɛ, bi pye syɛɛnfeleyaa, àlí fànʔafɔɔlɔ a yiri mɔ ni.

Sélimɛ 26:21

A wi falipyebèle níì kɔ̀lɔ́waa nikwɔɔ túgu, a kàsii níì yìri kɔ̀lɔ́w bee kéele na. A Izaaki níì mɛ́ɛgaa le kɔ̀lɔ́w bee na ni wi yiri Sitina.

Sélimɛ 28:3

Kolocɔlɔɔ wi lè Séew Myɛ Kàfɔlɔ, ki n yɛlɛ woro í dùbaw taʔa mɔ na, mɔ í pìinɛʔɛrɛ taa bi pye syɛɛnnɛʔɛmɛ.

Sélimɛ 41:52

A wi siin wów mɛ́ʔɛ le ni wi yiri Efirayimi, ncan wi maa jo: «Kolocɔlɔɔ n mii kaan pìibēle na tári naa ni, dee ni mii da pye lè fóomi ni.»

Ŋúnuyi 118:5

N mii yaʔa mii funjurugori ni, a mii Yawe mɛ́ɛgi yeri, a Yawe lóʔo mii ma, níì mii tɛ́ʔɛ ŋɔ́ndaala ni.

Ŋúnuyi 119:32

Mii i fé mɔ kajoodɛɛngèle kólogo ni, níì cán mɔ n mii fúngi télege ŋɔ́ndaala ni.

Ŋúnuyi 18:19

Pe maa too mii na mii wɔʔɔgi canʔa na. Kàjáa a mii télege Yawe na.

Ŋúnuyi 4:1

Ŋúnuŋùúbèle kùndigi wóʔo, gee be ŋúu ní kɔ̀ríbèle ní lè. Davidi ŋúnugi.

Yirile 1:7

A Isirayɛli ye tɔ̀nɔ n baa pìinɛʔɛrɛ see n pye saʔa, a be fǎngi i kpɔ́ʔɔgi ni syée gbanʔama. A tári tɔ̀nɔ n nyìn be na.

Ezayi 54:2

«Ki n yɛlɛ mi mɔ fanikpaagi tɛ́ʔɛ kpɔ́ʔɔ. Mɔ fanikpaagi fàniya kpólo, mɔ a kɔ́ yi cɛ́rɛ í. Ki mɛ́ɛngèle tɔnɔ, mí gi cèferigèle sámaga mi kóri.

Ezayi 54:3

Níì cán mɔ a cariga bi kári kàliige, ní kàmɔnɔ ma. Mɔ yodaʔayi a syɛɛnfeleyi kɔ́rigɔ lìi, si kěyi nyìn, yee yi nyɛ lè wowaaya ní.