Sélimɛ 26:18 - Cebaara Bible 2010

¹⁸ Kɔ̀lɔ́bèle bele pe da túgu wi tóow Abirahami lǎli ni lè, a wi bele bee wòlo, ní níì mɛ́ɛnijanyi le be na, yee wi tóow Abirahami da le be na lè. Níì cán Abirahami kùúli kàdoʔo ma Filisitini syɛ́ɛnbèle maa kɔ̀lɔ́bèle bee sɔ́ɔ.

Sélimɛ 26:18 Iomraidhean Croise

Sélimɛ 21:25

A Abirahami joo Abimelɛki na kɔ̀lɔ́ kéele na wee wi falipyebèle da syɔɔ Abirahami ma lè fànʔa na.

Sélimɛ 21:30

A Abirahami wi yari: «Ki n yɛlɛ mi fɔ̀lɔ mi bǎbèle naa kɔrɔsiin syɔɔ mii ma pe pye mɔ ma sɔ̀ngudaara yáriga bàā gi tèé mɔ na ncan mii wi kɔ̀lɔ́w naa túgu.»

Sélimɛ 21:31

Koro na be tɛ́ɛgi bee mɛ́ʔɛ le ni gi yiri Bɛɛri-Syeba, níì cán pe siinw n kàli yaà beè.

Sélimɛ 26:17

A Izaaki yiri yaà beè n kári Gerari ma n sáà bùguro kpúmɔn jǐnlɔgi ni n tɛ́ɛn yaà.

Sélimɛ 26:19

Cangaa a Izaaki falipyebèle kɔ̀lɔ́waa túgu jǐnlɔgi ni n púloweejànna taa.

2 Cányi kèlē 26:10

A wi kpaataʔa-tɔ́nɔyɔ faan fìími tára ni, níì lɔ̀ʔɔ tɛɛkɔnyɔ saʔa túgu, níì cán yaweere saʔa maa pye wi ma tɛɛfiigi, ní tɛɛ̀fala-falagi na. Tèfalabéle, ní ɛrɛzɛn sefalabéle si i nyɛ wi ma nyanbeleyi kúlo, ní Karimɛli na. Níì cán vàláw kéele maa wi dɛ́nɛ.

Ŋúnuyi 16:4

Pe i be yasunyi nɛʔɛgi, pe i fé ni syée kolocɔlɔbèle pèle nikwɔɔlɔ kurugo. Mii a be sìsyaanw sáriga-yólogoo wòlo í, mii a be mɛ́ɛyi yeri mii nyɔ́ɔgi ni í.

Oze sɛ́bɛw 2:17

Mii a wi ɛrɛzɛn séyi kaan wi ma yaà, bi Akɔri jǐnlɔgi kaan wi ma gi pye sɔ̀ngumɔ tɛɛtaʔaga kpaanweele, wi a ra ŋúu yaà àmɛɛ ki da pye wi cárimi làla ni lè, ní àmɛɛ ki da pye cángee na wi da ni yirigi Ezyipiti tári ni lè.»

Zakarii 13:2

Yawe wi lè Nyɛ̀ʔɛni Sùlasiibéle Kafɔlɔ, wi n jo: «Cángi bee na mii a yasunyi mɛ́ɛyɛ kwɔ́ɔ bi yirige tári ni, koro ga pye syɔɔn a ní kɔ́ sɔ̀ngí taa yi na í. Mii a wɔ́ɔ kanyaajoobèle ní nɔ́nʔɔri pìle yirige tári ni,

Córolo 32:38

ní Nebo, ní Baali-Meyɔn, ní Sibima faan. Kěyee be faan lè, a be mɛ́ɛyaa nikwɔɔ le yi na.