Sélimɛ 26:14 - Cebaara Bible 2010

¹⁴ Wi maa yaweeyiligēle ní yaweekpologèlē gboogéle taa n fàra pulobèlē saʔa na. A wi nyabɛɛnni pye Filisitini syɛ́ɛnbèle na.

Sélimɛ 26:14 Iomraidhean Croise

Sélimɛ 12:16

A wi fala ni kacàngēle kpéʔele Abirami na Sarayi kéeli na. Wi maa yaweeyiligēle, ní yaweekpologèlē kaan Abirami ma, n fàra pulonànbēle ní pulocabala na, ní wɔ́ɔ̀ jòfanipaliya ní jòfanicaaya, ní fàlibaaya kaan wi ma.

Sélimɛ 13:2

Abirami lɔ́ri si maa tɔ̀nɔ n nɛʔɛ gbanʔama, ti lè yaweeri, ní wálifiiw, ní tɛ́ɛw.

Sélimɛ 24:35

Yawe n tɔ̀nɔ n dùbaw taʔa mii kàfɔw na, a wi tɔ̀nɔ n lɔrɔ saʔa taa. Níì cán Yawe n yaweeyiligēle, ní yaweekpologèlē kaan wi ma, n fàra wálifiio, ní tɛɛ̀ na. Ní wɔ́ɔ̀ pulonànbēle ní pulocaala kaan wi ma, n fàra fàlibaaya, ní jòfanibēle na.

Sélimɛ 25:5

Abirahami maa wi kɔlɔ̀ yáriri myɛ kaan Izaaki ma.

Sélimɛ 30:43

A Zyakɔbi tɔ̀nɔ n lɔrɔ taa gbanʔama, yaweeyiligēle saʔa maa pye wi ma. A falipyecabala, ní falipyenànbēle wɔ́ɔ̀ pye wi ma, n fàra fàlibaaya, ní jòfanibēle na.

Sélimɛ 37:11

A wi nyabɛɛnni pye wi yɛʔɛfɔbèle na, kàjáa wi tóow maa kòro ni sɔ̀ngí ni taagi ŋúnɔyi bee kèlē na làla o làla.

Zyɔbi 1:3

Wi yaweeri n pye bàala selebingéle taanri ní saala kagunɔ, ní fàlibaaya selebinnɛ ní saala kagunɔ, ní nìpɛ́ɛribéle saala siin ní dabata, ní jòfanicaaya saala siin ní dabata, á wi falipyebèle wɔ́ɔ̀ nɛʔɛ gbanʔama. Nǎnw bee maa kpɔ́ʔɔ n sɔ̀lɔ canʔafolomɔ syɛ́ɛnbèle myɛ na.

Zyɔbi 42:12

A Yawe dùba taʔa Zyɔbi sìíw wozaɔn na n sɔ̀lɔ wozeliw na. A wi bàala selebingéle kɔrɔsiin taa, ní fàlibaaya selebingéle taanri, ní nìpɛ́ɛribéle saala kagunɔ, ní jòfanicaaya saala kagunɔ.

Zyɔbi 5:2

Kányɛʔɛ na fundanʔagbɔɔri i nidoligo kúu, nyabɛɛnni si i kanaa-sìnjáɔn kúu.

Ŋúnuyi 112:10

Syɛɛnpeew i gee bee nyaagi níì fúngi tanʔa, wi i gǎngèle kúru, wi a nyan bi kwɔ́ɔ, syɛɛnpeebèle yanidaanmara a kálagi.

Ŋúnuyi 112:3

Kɔlɔ̀ yárira saʔa, ní lɔnɛʔɛrɛ i nyɛ wi kpáagi ni, wi sínni a kòro beè làla o làla.

Kàseegèle 10:22

Yawe dùbaw wi syɔɔn kpéʔele yarigaa fɔ́lɔ, wi o fɔ̀rɔgɔ faala fàrá wi na í.

Kàseegèle 27:4

Fundanʔagbɔɔri i nyɛ nyinimɛ fun, fundanʔari i nyɛ lòcoologo gee gi kabi ni fóo lè, wìí si wi a gbǎn yére nyabɛɛnni sige?

Syɛɛnjóow 4:4

Mii n gi nyaa ncan faligbanw myɛ, ní falinyɔɔgwɔɔw myɛ i nyɛ syɔɔn nyabɛɛnni wi syɛɛnnyɛnw kánma na. Koro wɔ́ɔ i nyɛ gbanzan, ní bi taʔa Káfalaga na da nɛnɛ.

1 Samyɛli 18:9

Nlaa cángi bee na a Sawuli kòro ni Davidi wéle ní nyapiikagbɛɛnnɛ ní.