Sélimɛ 26:12 - Cebaara Bible 2010

¹² A Izaaki yaliire fála yɛ́ɛli bee tári bee ni. Yaliiree wi lùgu lè, a wi di feleye dabata-daa taa. Níì cán Yawe maa dùbaw taʔa wi na.

Sélimɛ 26:12 Iomraidhean Croise

Sélimɛ 24:1

Abirahami maa tɔ̀nɔ n baa lɛɛ gbanʔama. Yawe si maa wɔ́ɔ̀ dùbaw taʔa wi na kérigèle myɛ ni.

Sélimɛ 24:35

Yawe n tɔ̀nɔ n dùbaw taʔa mii kàfɔw na, a wi tɔ̀nɔ n lɔrɔ saʔa taa. Níì cán Yawe n yaweeyiligēle, ní yaweekpologèlē kaan wi ma, n fàra wálifiio, ní tɛɛ̀ na. Ní wɔ́ɔ̀ pulonànbēle ní pulocaala kaan wi ma, n fàra fàlibaaya, ní jòfanibēle na.

Sélimɛ 25:11

Abirahami kùúli kàdoʔo ma, a Kolocɔlɔɔ dùbaw taʔa Izaaki na. Izaaki maa sáà kòro Lahayi-Woroyi kɔ̀lɔ́w taana.

Sélimɛ 26:29

Mɔ í gi tɛ̀ɛn ncan mɔ a tée kapeʔe kpéʔele wolo na í, bi yɛlɛ ní gi ní àmɛɛ gi nyɛ lè wolo ga wɔ́ɔ̀ tánga mɔ na í. Wolo ga kapeele faala kpéʔele mɔ na í, fwɔɔ kacàngēle. Wolo n wɔ́ɔ̀ mɔ yaʔa a mɔ kári yɛɛ̀nyinge na. Tɔ́ɔliw ni mɔ i nyɛ Yawe dùba pyà.»

Sélimɛ 26:3

Tɛ́ɛn tári naa ni mi làlaa kwɔ́ɔ. Mii a pye ní mɔ ní si wɔ́ɔ dùbaw taʔa mɔ na. Níì cán mɔ ní mɔ yodaʔayi má mii a tátɛɛyi naa myɛ kaan. Nyɔɔfaligee mii da kpéʔele mɔ tóow Abirahami ma lè, mii a gee bee foro.

Sélimɛ 30:30

Yáriri di pye mɔ ma sáni mii í pan lè, ti da nɛʔɛ í. Toro si ti baa nɛʔɛ dee. Nlaa mii baa nyɔ̌nnɔ cáan mɔ tɛ́ɛgi ni lè, a Yawe tɔ̀nɔ n dùbaw taʔa mɔ na. Tɔ́ɔliw ni doò, làlìí ni mii a kɔ́ mii tiimaa kpáagi fáli kpéʔele?»

Zyɔbi 42:12

A Yawe dùba taʔa Zyɔbi sìíw wozaɔn na n sɔ̀lɔ wozeliw na. A wi bàala selebingéle kɔrɔsiin taa, ní fàlibaaya selebingéle taanri, ní nìpɛ́ɛribéle saala kagunɔ, ní jòfanicaaya saala kagunɔ.

Ŋúnuyi 67:6

Ee Kolocɔlɔɔ, syɛɛnfeleyi n yɛlɛ yaa mɔ kpɔ̀ʔɔrɔ́! Syɛɛnfeleyi myɛ n yɛlɛ bàā mɔ kpɔ̀ʔɔrɔ́.

Ŋúnuyi 72:16

Bilew a tɔ̀nɔ́ nɛʔɛ tári ni. Wi a see bàā fíigi da máari nyanbeleyi na àmɛɛ Liban tíiri nyɛ lè. Syɛ́ɛnbèle a nɛʔɛ kěgi ni bi pye àmɛɛ tári nyàā nyɛ lè.

Kàseegèle 10:22

Yawe dùbaw wi syɔɔn kpéʔele yarigaa fɔ́lɔ, wi o fɔ̀rɔgɔ faala fàrá wi na í.

Syɛɛnjóow 11:6

Da mɔ luguri lúru nyǐngi nyɔ́ɔ na, cângwɔɔgi nyɔ́ɔ na, mɔ a kɔ́ mɔ kɔ́gi yaʔa ki ŋɔ́n daa í. Níì cán dee ti a ba nyɔɔ lè, nyǐngi nyɔ́ɔ wóro yoo, cângwɔɔgi nyɔ́ɔ wóro yoo, mɔ ga di cán í, wàlá kapye ti myɛ siinw a ba nyɔɔ.

Zakarii 8:12

«Níì cán yɛɛ̀nyingi lùguro di nyɛ dee naa: Ɛrɛzɛn tíriri a ra sangi, tári yafálara a ra nyɔɔgi, nyɛ̀ʔɛni a ra li kásagi kaangi. Mii a syɛ́ɛnbèle naa wogorobéle yaʔa be yacanri naa myɛ taa di pye be worò.

Matye 13:23

Kàjáa dee di too lè tácǎnri tɛ́ʔɛ ni, toro di nyɛ wee wi syɛ́ɛnri sámagi ni lúro lè, ní i di kɔ́rɔw cángi, ní i sangi, tàa dabata, tàa togoye taanri, tàa toko ní kpɔrigɔ.»

Matye 13:8

A dee too tácànra tɛ́ʔɛ ni, a toro baa san, tàa dabata, tàa togoye taanri, tàa toko ní kpɔrigɔ.

Mariki 4:8

A dee too tácànra tɛ́ʔɛ ni, a toro fìin n baa tɔnɔ, ní baa san n taa, tàa toko ní kpɔrigɔ, tàa togoye taanri, tàa dabata.

1 Korɛnti ye 3:6

Mii wi lùguri lùgu, á Apolɔsi si di fɔɔn, kàjáa Kolocɔlɔɔ wi di kaan ti i leegi.