Sélimɛ 24:7 - Cebaara Bible 2010

⁷ Yawe wi lè nyɛ̀ʔɛni Kolocɔlɔɔ, woro wee wi mii cò n yirige mii tóow kpaʔa ni lè, ní mii táseeri ni, ní wɔ́ɔ̀ joo ní mii ní níì kàli níì jo woro a tári naa kaan mii yòdaʔayi ma lè, woro tiimaa wi a wi nyɛ̀ʔɛni tunduɔn tórigo mɔ yɛ́ʔɛ ma jàngó mɔ í sa cɔlɔɔ láa yaà beè bi ba kaan mii jáaw ma.

Sélimɛ 24:7 Iomraidhean Croise

Sélimɛ 13:15

Táree myɛ mɔ nyaa lè, mii a di kaan mɔ ní mɔ yodaʔayi ma di pye yele wóro làla o làla.

Sélimɛ 15:18

Cángi bee na a Yawe joogaanna kpéʔele ní Abirami ní níì jo: «Mii n tári naa kaan mɔ yodaʔayi ma, nlaa yaà Ezyipiti cábigi na n kári fwɔɔ n sáà nan cábikpɔɔgi na, gi lè Ufurati.

Sélimɛ 16:7

A Yawe nyɛ̀ʔɛni tunduɔn sáà wi nyaa pùnweelaa nyɔ́ɔ na fìími tára ni. Pùnweeli bee li nyɛ lè Syuri kólogi na.

Sélimɛ 17:8

Kanaan tári ni mɔ tɛ́ɛn lè dee n pye nibɔɔn, mii a ti myɛ kaan mɔ ní mɔ yodaʔayi ma, ti a pye mɔ yodaʔayi wóro làla o làla. Mii si pye be Kolocɔlɔw.»

Sélimɛ 21:17

A Kolocɔlɔɔ pìíw sùpile lóʔo. A Kolocɔlɔɔ tundunw kòro yaà nyɛ̀ʔɛni na níì Agari yeri níì jo: «Agari, nyàʔá gi mɔ taa? Mɔ a kɔ́ ra fɛ̀ɛgí í. N pìíw yaʔa yaà mɛ̀ɛ wodɛ́ɛɔn ní, Kolocɔlɔɔ n wi sùpili lóʔo.

Sélimɛ 22:11

Lǎli bee ni a Yawe nyɛ̀ʔɛni tunduɔn kòro yaà nyɛ̀ʔɛni na níì wi yeri níì jo: «Abirahami, Abirahami.» A wi jo: «Cooì!»

Sélimɛ 24:3

mii si mɔ kɔ́ri mɔ í kàli mii ma Yawe na, wi lè nyɛ̀ʔɛni Kolocɔlɔɔ ní tári Kolocɔlɔɔ, si jo mɔ a tée cɔlɔɔ láa Kanaan ye calipiigèle nínge ni bi kaan mii jáaw ma í, poro bele nínge ni mii nyɛ lè wee wodɛ́ɛɔn ní.

Sélimɛ 24:40

A wi mii yari: ‹Wee wi nyɛ lè Yawe, woro wee yɛ́ʔɛ ma mii táanri lè, wi a wi nyɛ̀ʔɛni tunduɔn tórigo ní mɔ ní. Mɔ kólogi a sa tɛ́nɛ. Mɔ a sa cewaa láa yaà beè mii túlugi wòolo ma mii kpáagi wòolo ni bi ba kaan mii jáaw ma.

Sélimɛ 26:24

A Yawe wiyɛɛ dɛ̀ɛn wi na yébiligi bee ni níì wi pye: «Mii wi nyɛ mɔ tóow Abirahami Kolocɔlɔw. Mɔ a kɔ́ fyáa í. Níì cán mii i nyɛ ní mɔ ní. Mii a dùbaw taʔa mɔ na. Mii a mɔ yodaʔayi yaʔa yi nɛʔɛ mii falipyew Abirahami kéeli na.»

Ɛsidirasi 1:2

«Pɛrisi fànʔafɔw Sirusi n jo: ‹Yawe wi lè nyɛ̀ʔɛni Kolocɔlɔɔ, wi n tári fànya myɛ kaan mii ma, níì mii pye mii í kpaʔa faan woro ma Zyerusalɛmi ni, ki nyɛ lè Zyuda ni.

Ŋúnuyi 103:20

Yaa Yawe kpɔ̀ʔɔrɔ́, yele bele ye nyɛ lè wi nyɛ̀ʔɛni tundunbéle, yele bele ye nyɛ lè fànnɛʔɛgi sànbalibéle, yele bele ye wi syɛ́ɛnri lúro lè, ní i wi nyɛnɛ kérigèle kpéʔele ni forogi.

Ŋúnuyi 136:26

Yaa nyɛ̀ʔɛni Kolocɔlɔɔ kpɔ̀ʔɔrɔ́, níì cán wi funjǎngi a tée kwɔ́ɔ í!

Ŋúnuyi 32:8

Mii a mɔ tama si kólogi tɛ̀ɛn mɔ na, gee mɔ yɛlɛ bi láa lè. Mii a ra mɔ yaragi, mii nyɛ́nɛ si pye mɔ na.

Ŋúnuyi 34:7

Foomɔfɔw n yákpoli wáa, a Yawe lóʔo wi ma, níì wi syɔɔ wi wɔʔɔyi kèlē myɛ ma.

Ŋúnuyi 73:24

Mɔ i mii yɛ́ɛgi kínigi mɔ lálii syɛ́ɛnri báriga ni, koro kàdoʔo ma mɔ a mii láa lége mɔ nijangbɔɔri ni.

Yirile 13:5

Táree nyɔ́ɔ Yawe da fàli yele tóolɛɛbèle ma ní kàliga ní lè níì jo woro a di kaan yele ma, ti lè Kanaan ye, ní Hɛti ye, ní Amɔri ye, ní Hɛvi ye, ní Yebusi ye tári, dee di nyìn nɔ́nɔw ní sárigi na ni fóo lè, lǎli ni Yawe ga sáà yele lége di ni lè, yaa fɛ́tiiw naa kpéʔele yégi naa wonijanga ni.

Yirile 32:13

Sɔ̀ngi mi taa mɔ falipyebèle na pe lè Abirahami, ní Izaaki, ní Isirayɛli. Mɔ maa kàli be ma miyɛɛ na níì jo: ‹Mii a yele yòdaʔayi nɛʔɛ yi pye àmɛɛ nyɛ̀ʔɛni ŋɔripiigéle nyɛ lè. Táree myɛ kéele na mii joo lè, mii a di kaan be ma di pye be worò làla o làla.› »

Yirile 33:2

Mii a nyɛ̀ʔɛni tundunwaa tórigo mɔ yɛ́ʔɛ ma, si Kanaan ye, ní Amɔri ye, ní Hɛti ye, ní Perezi ye, ní Hɛvi ye, ní Yebusi ye nɛnɛ.

Ezayi 63:9

Pe wɔʔɔyi myɛ ni, wi ga wàa faala tun wi ba be syɔɔ í, kàjáa wi yɛ́ɛgi ki be syɔɔ. Wi tàmagi, ní wi nyinidaari báriga ni wi tiimaw be nyúnyi syɔɔ. Wi n be dɛ̀ɛmɛ níì be láa booma cányi myɛ ni.

Danyɛli 2:44

Fànʔafɔbèle bee làla ni, nyɛ̀ʔɛni Kolocɔlɔɔ a fàngaa télege, gee gi lè ki a tée kálagi í, fǎngi bee a tée jée syɛɛnfelegaa fànʔa kɔ́yɔ ni í. Ki a fǎnyi bee myɛ tɔ́nʔɔnɔ bi kwɔ́ɔ, koro tiimaa si kòro beè kwɔ́ɔmɔ fun.

Zyonasi 1:9

A wi be yari: «Mii i nyɛ Heburuo, Yawe mii kpɔ̀ʔɔrɔ́, wi lè nyɛ̀ʔɛni Kolocɔlɔɔ, woro wee wi sólomi lɔ̀ʔɔ ní tári kpéʔele lè.»

Córolo 11:12

Mii lé wi syɛ́ɛnbèle naa myɛ fícɛnnɛ taa? Mii lé wi be see, á mɔ mii pye: ‹Pe láa mi taʔa mɔ ficibigi na àmɛɛ pyà gbóofɔlɔ pyà lée lè?› Táree kéele na mɔ kàli be toolɛɛbèle ma lè níì jo mɔ a di kaan be ma fwɔɔ bi taa mii í sa nan ní be ní tári bee na?

Córolo 14:16

‹Táree kéele na Yawe da kàli níì jo woro a di kaan syɛ́ɛnbèle naa ma lè, wi fanʔa ga taa bi be lége di ni í, koro na wi be kpúmɔn n kpóo fìími tára ni.›

Córolo 14:30

Táree kéele na mii da kàli lè, níì jo mii a yele télege di ni lè, yele a tée jée di ni í, fwɔɔ Kalɛbi wi lè Yefune jáaw, ní Zyozuwe wi lè Nun jáaw.

Córolo 32:11

‹Nǎnbèle bee be yiri Ezyipiti ni lè, n séli yɛ̀ʔɛlɛ toko wóbèle na, ni syée poro yɛ́ʔɛ ma wóbèle kurugo, pe a tári nyaa í, dee kéele na mii kàli níì jo mii a di kaan Abirahami, ní Izaaki, ní Zyakɔbi ma lè. Níì cán pe ga tánʔa mii kólogi ni n foro í.

Kapyegèle 7:5

Wi si da kɔ́ɔ̀ tɛɛgaa faala kaan wi ma di ni gi pye wi woʔò í, àlí gee ni syɔɔn a gbǎn nyɔ̌nni tɛ́ʔɛ lè í, wi si maa nyɔ́ɔgi fàli wi ma níì jo, woro a ba tári naa fáliga kaan wi ma ní wi yòdaʔayi ma naa wi kàdoʔo ma bi gi taa pyà da kɔ́ɔ̀ pye wi ma gbɛnʔɛnɛ í.

Làlwaw Kaanziin 1:8

Ye wéle, mii n tári tɛ́ʔɛ yele yɛ́ʔɛ ma. Táree kéele na mii Yawe da kàli yele tóolɛɛbèle Abirahami ní Izaaki, ní Zyakɔbi ma lè, níì jo mii a di kaan be ma, si wɔ́ɔ di kaan be yòdaʔayi ma naa pe kàdoʔo ma lè, yaa syée ye sa di syɔɔ ye taa.›

Làlwaw Kaanziin 34:4

A Yawe wi pye: «Tári dii dee bee, dee nyɔɔfaliga mii kpéʔele ní kàliga ní lè Abirahami, ní Izaaki, ní Zyakɔbi ma níì jo: ‹Mii a di kaan mɔ yodaʔayi ma.› Mii n gi yaʔa mɔ í di nyaa ní mɔ nyapiigèle ní, kàjáa mɔ a jée di ni í.»

Heburubèle 1:14

Nyɛ̀ʔɛni tundunbéle myɛ o nyɛ pìigēle, gele ge Kolocɔlɔɔ fáliw kpéʔele lè ì? Wi i ge tungu syɔɔli kɔriliibéle dɛɛmɛnɛ kéele na.

Heburubèle 11:9

Tágali báriga ni wi da tɛ́ɛn nyɔɔfaligi tára ni àmɛɛ nibɔɔn nyɛ lè, fànikpaaya ni wi da ni kòró, ànbée si Izaaki ní Zyakɔbi da wɔ́ɔ baa gi kpéʔele, be pye lè wi kɔriliinyɛnbèle nyɔɔfaligi bee wonijanga ni.

Zyozuwe 1:6

Ki n yɛlɛ mi nìrimɛ le, mí lòmaana le, níì cán mɔ bárigaw ni syɛ́ɛnbèle naa a tári kɔ́rigɔ lìi, dee kéele na mii da kàli be toolɛɛbèle ma níì jo mii a di kaan be ma lè.

Zyozuwe 24:3

A mii yele tóolɛɛgi Abirahami láa yaà cábigi jelige na, ní baa wi yɛ́ɛgi kíni n Kanaan tári myɛ nyaari n foro. A mii wi yòdaʔayi nɛʔɛ. Mii maa Izaaki kaan wi ma,

Tɛ̀ɛnnɛ 11:13

Lǎli bee ni a tári cúngo gbanʔama, a kěgi tílaya kɛɛ wóʔo too. A syɛ̀ɛnnɛ selebingéle taanri ní saala kagunɔ kùu tári cúngolo báriga ni, a fyáara syɛɛnsanbèle cò, a be Kolocɔlɔɔ mɛ́ɛgi kpɔ́ʔɔ wi lè nyɛ̀ʔɛni na.

Jàbɔbèle 2:1

A Yawe nyɛ̀ʔɛni tunduɔn yìri Giiligali ma n kári Bokiimi ma, ní sáà jo: «Mii n yele yirige Ezyipiti ni, ní baa yele lége tári ni, dee nyɔɔfaliga mii da kpéʔele yele tóolɛɛbèle ma ní kàliga ní lè. Mii n gi joo níì jo: ‹Mii joogaanni mii kpéʔele ní yele ní lè, mii a tée li kálagi í.