Sélimɛ 24:3 - Cebaara Bible 2010

³ mii si mɔ kɔ́ri mɔ í kàli mii ma Yawe na, wi lè nyɛ̀ʔɛni Kolocɔlɔɔ ní tári Kolocɔlɔɔ, si jo mɔ a tée cɔlɔɔ láa Kanaan ye calipiigèle nínge ni bi kaan mii jáaw ma í, poro bele nínge ni mii nyɛ lè wee wodɛ́ɛɔn ní.

Sélimɛ 24:3 Iomraidhean Croise

Sélimɛ 14:19

Ní baa dùba kpéʔele Abirami ma níì jo: «Kolocɔlɔɔ wi nyɛ lè Pe Myɛ Nyúngo na, ní i nyɛ nyɛ̀ʔɛni ní tári Kàfɔlɔ, ki n yɛlɛ woro í dùbaw taʔa Abirami na.

Sélimɛ 14:22

A Abirami si Sodɔmi fànʔafɔw yari: «Mii n mii kɔ́gi yìrige bi kàli Yawe na, woro wee wi nyɛ lè Kolocɔlɔɔ, wee wi nyɛ lè Pe Myɛ Nyúngo na, woro wee wi nyɛ̀ʔɛni ní tári faan lè,

Sélimɛ 21:23

Koro na tɔ́ɔliw ni ki n yɛlɛ mi kàli mii ma nɛɛ naa Kolocɔlɔɔ mɛ́ɛgi na bi gi tɛ̀ɛn mii na mɔ a tée mii jànváa í. Mɔ a wɔ́ɔ mii pìíbèle ní mii pìíbèle pìibēle jànváa í. Kàjáa kánmee na mii kacànna pye mɔ na lè, ki n yɛlɛ mɔ í wɔ́ɔ kacànna pye mii na, si wɔ́ɔ kacànna pye tári naa na, dee ni mɔ tɛ́ɛn lè.»

Sélimɛ 24:7

Yawe wi lè nyɛ̀ʔɛni Kolocɔlɔɔ, woro wee wi mii cò n yirige mii tóow kpaʔa ni lè, ní mii táseeri ni, ní wɔ́ɔ̀ joo ní mii ní níì kàli níì jo woro a tári naa kaan mii yòdaʔayi ma lè, woro tiimaa wi a wi nyɛ̀ʔɛni tunduɔn tórigo mɔ yɛ́ʔɛ ma jàngó mɔ í sa cɔlɔɔ láa yaà beè bi ba kaan mii jáaw ma.

Sélimɛ 27:46

A Erebeka gi joo Izaaki ma níì wi pye: «Sìíw láa n kwɔ́ɔ mii ni Hɛti calipiigèle gele kéele na. Zyakɔbi ga wɔ́ɔ níì Hɛti yòdaʔayi wówaa pɔri, tári naa cewaa, àmɛɛ bele bee nyɛ lè, nyùngìí ki a ní pye gi na mii í pye naa sìi na?»

Sélimɛ 28:1

A Izaaki si Zyakɔbi yeri n baa dùba kpéʔele wi ma ní wɔ́ɔ̀ gi joo n gbàn wi ma níì wi pye: «Mɔ a tíi si kɔ́ Kanaan tári céwaa pɔri í.

Sélimɛ 28:8

Lǎli bee ni a Ezau fala n gi cán ncan Kanaan tári càbala kéele ga woro tóow dɛ́nɛ í.

Sélimɛ 34:9

Ki n yɛlɛ ye gi yaʔa wo pínɛ cèpɔrigɔ na, yele í da yele calipiigèle kaangi wolo ma, wolo si wɔ́ɔ ra wolo wógèle kaangi yele ma.

Sélimɛ 38:2

A wi sáà pìcaawaa nyaa yaà beè, pe i wi tóow mɛ́ʔɛ yiri Syuwa. Kanaan ye wóo wi pye. A wi wi láa wi cɔɔ̀, níì pye ní wi ní.

Sélimɛ 47:31

A Zyakɔbi wi yari: «Ki n yɛlɛ mi kàli mii ma.» A Zyozɛfu kàli wi ma. Koro kàdoʔo ma a Isirayɛli tìgi n kpùmɔnɔ wi yasinɛgi na nyǔngi tɛɛtaʔaga na.

Sélimɛ 50:25

A Zyozɛfu Isirayɛli pìíbèle kɔ́ri pe kàli woro ma níì jo: «Kolocɔlɔɔ a tɔ̀nɔ́ pan ba yele wéle. Ki si n yɛlɛ yele ga ni syée ye mii kaceleyi láa nɛɛ naa yaa syée.»

Sélimɛ 6:2

lǎli bee ni a Kolocɔlɔɔ pìíbèle i syɛ́ɛnbèle cálipiigéle wéle n gi nyaa ke n tɔ̀nɔ n nyɔɔ. A be si ge kèle nyɛ́nɛ n wòlo n pye be càbala.

Sélimɛ 6:4

Lǎli ni Kolocɔlɔɔ pìíbèle ba ni sìnɛ́ ní syɛ́ɛnbèle cálipiigéle ní ni pìíbèle sii be na lè, lǎli bee ni a nàndɔnɔ-tèleye pye tári na, àlí lǎli bee kàdoʔo ma, a pìíbèle bee pye booma nanniriyi yi pye lè ní fànʔa ní. A yi mɛ́ɛyi wɔ́ɔ̀ yiri gbanʔama.

2 Fànʔafɔbèle 19:15

A Ezekyasi nyɛ́ɛrigi naa nyɛ́ɛri Yawe yɛ́ʔɛ ma níì jo: «Ee Yawe, Isirayɛli ye Kolocɔlɔw, mɔ wi lè wodɛ́ɛɔn ní syerubɛnbèle ǹjoʔo ni, mɔ nibin wi nyɛ tári fànya myɛ Kolocɔlɔɔ. Mɔ wi nyɛ̀ʔɛni ní tári kpéʔele.

2 Cányi kèlē 2:12

Mii i nànwaa tórogi mɔ ma wee tɔ́ɔliw ni wi lè fáliw cánvɔlɔ wee wi nyɛ lè sícili-jànmafɔlɔ, woro wi nyɛ Hurami-Abii.

Ɛsidirasi 5:11

Syɛɛnlurugori be kaan wolo ma lè toro di nyɛ dee naa, pe n jo: ‹Wolo i nyɛ nyɛ̀ʔɛni ní tári Kolocɔlɔɔ falipyebèlē, wolo si ní i kpáagi faanri, gee ki da faan lè booma ni, ki n yɛ̀ʔɛlɛ saʔa kwɔ́ɔ, Isirayɛli fànʔafɔgbɔɔwaa wi da gi faan n kwɔ́ɔ,

Nehemii 13:25

A mii i fúlo be na ní i be dángi. A mii i be pèle kpúmɔn, ní i be ǹjoori kíle ni kɔ́nɔgi, ní i be kɔ́ri pe i kɛ̀ɛ́ Kolocɔlɔɔ mɛ́ɛgi na, níì be pye: «Yele a kɔ́ ra yele pìíbèle pɔri bàā kaangi pe jáabèle ma í, yele a wɔ́ɔ kɔ́ ra be pìíbèle pɔri bàā kaangi yele jáabèle ma í, wàlá bàā be pɔri yele càbala í.

Nehemii 9:6

Mɔ nibin wi nyɛ Yawe. Mɔ wi nyɛ̀ʔɛgèle sámaga, nyɛ̀ʔɛgèle myɛ ǹjoʔo ma nyɛ̀ʔɛgēle, ní ge yáriri myɛw, ní tári, ní yáriree myɛ di nyɛ di na lè, ní sólomi lòyo, ní yáriree myɛ di nyɛ yi ni lè. Mɔ wi sìíw kaangi toro myɛw ma. Nyɛ̀ʔɛni yárira myɛ i tíri ni tuun mɔ yɛ́ʔɛ ma.

Ŋúnuyi 115:15

Yawe í dùbaw taʔa yele na, woro wee wi nyɛ̀ʔɛni ní tári faan lè.

Ŋúnuyi 136:26

Yaa nyɛ̀ʔɛni Kolocɔlɔɔ kpɔ̀ʔɔrɔ́, níì cán wi funjǎngi a tée kwɔ́ɔ í!

Yirile 20:7

Mii Yawe wi lè mɔ Kolocɔlɔw, mɔ a kɔ́ ra mii mɛ́ɛgi yeri gbanzan í. Níì cán wee wi ga mii Yawe mɛ́ɛgi yeri lè gbanzan, mii a wi córo kolomɔ-funvɔlɔ í.

Yirile 22:11

Kàjáa pe ga yaweeli yùu wi ma, wi a gi sàra li kàfɔw ma.

Yirile 23:13

Kérigèle gele myɛ mii joo yele ma lè, ki n yɛlɛ yaa ge kɔ̀rɔsíi. Yele a ní kɔ́ sɔ̀ngi taa kolocɔlɔwaa faala mɛ́ʔɛ na bàā yiri í. Ki ga yɛlɛ syɔɔn faala í kɔ́ pe wàa mɛ́ʔɛ lóʔo mɔ nyɔ́ɔgi na í.

Yirile 34:16

Mɔ a wɔ́ɔ gi nyaa mɔ í da be pìíbèle lée bàā kaangi mɔ jáabèle ma pe càbala. Cébèle bee ga pye kanɔnʔɔri na ní be yasunyi ní, pe a wɔ́ɔ ra mɔ jáabèle kàragí paa kanɔnʔɔri kpéʔele ní poro yasunyi ní.

Ezayi 45:23

Mii n kàli niyɛɛ na, syɛɛnsinre i yirigi mii tiimaa nyɔ́ɔgi ni, dee di lè ti a gbǎn sàa í, ti n jo: ‹Pe myɛ a ra yégunri cáan mii yɛ́ʔɛ ma. Mii na nyíngèle myɛ a ra kɛ̀ɛ́.›

Ezayi 48:1

«Ye gee naa lóʔo Zyakɔbi kpáagi wòolo, yele bele na Isirayɛli mɛ́ɛgi nyɛ lè, yele bele ye yiri Zyuda yòdaʔayi ni lè, yele bele ye kɛ̀ɛ́ Yawe mɛ́ɛgi na lè, ní i Isirayɛli Kolocɔlɔw mɛ́ʔɛ yiri lè, kányɛʔɛ ní sínnɛ si o yaà í!

Ezayi 65:16

Wee wi ga ni caa woro í dùbaw taa tári ni lè, wi a ra caa kányɛɛgi Kolocɔlɔɔ í dùbaw kpéʔele woro ma, ní wee wi ga ni kɛ̀ɛ́ tári ni lè, wi a ra kɛ̀ɛ́ kányɛɛgi Kolocɔlɔɔ mɛ́ɛgi na. Níì cán fɛ̀ʔɛlɛ a pye wɔʔɔzɔlɔgwɔɔyi kéele na, yi a tɔ́n mii yɛ́ʔɛ ma.

Zyeremii 10:11

«Yele a syɛ́ɛnri naa joo be ma si be pye: ‹Kolocɔlɔbèle be lè pe ga nyɛ̀ʔɛgèle ní tári sámaga í, pe a kwɔ́ɔ yiri tári, ní nyɛ̀ʔɛgèle láara ni.› »

Zyeremii 12:16

Pe ga baa mii syɛ́ɛnbèle kóloyo tama yákirii na, ní i kɛ̀ɛ́ mii mɛ́ɛgi na níì jo: ‹Yawe woweew mɛ́ʔɛ na!› Amɛɛ pe da mii syɛ́ɛnbèle tama pe i kɛ̀ɛ́ Baali mɛ́ɛgi na lè, lǎli bee ni pe a sámaga tɛ́ɛn mii syɛ́ɛnbèle nínge ni.

Zyeremii 29:6

Yaa cèpɔrigi kpéʔele, yaa nànbiigéle ní calipiigèlē sii, yaa càbala pɔri yaa kaangi yele jáabèle ma, yáā yele calipiigèle pɔri nànbēle ma, koro ga pye kaa nànbiigéle ní calipiigèlē sii, yaa nɛʔɛgi tɛ́ɛgee ni yele nyɛ lè, yele a kɔ́ ra cɛ́rɛgi í.

Zyeremii 4:2

mɔ ga ni kɛ̀ɛ́ níì jo: ‹Yawe woweew mɛ́ʔɛ na› ní funviire, ní kányɛʔɛ, ní sínnɛ ni, lǎli bee ni syɛɛnfeleyi a ra dùbaw kpéʔele yiyɛɛ ma wi ni, yi a ra yiyɛɛ gbɔ́ʔɔgi wi ni.»

Levii ye sáriga-wòlori 19:12

Yele wàa a kɔ́ jànvaa kàliga kàli mii mɛ́ɛgi na í, níì cán mɔ a mɔ Kolocɔlɔw mɛ́ʔɛ kpéʔele yafaʔaga kánmi bee na. Mii wi nyɛ Yawe.

Sofonii 1:5

ní bele be tuun nyɛ̀ʔɛni ŋɔripiigéle yɛ́ʔɛ ma kpáayi ǹjoyo ni lè, ní bele be tíri ni tuun ní i kɛ̀ɛ́ Yawe na lè, ní wɔ́ɔ i kɛ̀ɛ́ Milikɔmi na lè,

Córolo 5:21

sáriga-wòlow a wi kɔ́ri wi kàli, kàligi bee si pye ní dánga ní, si wi pye: Ki n yɛlɛ Yawe í mɔ kpéʔele dánga yáriga, ní kàliga yáriga mɔ syɛ́ɛnbèle nínge ni, mɔ lɛʔɛgèle í waʔa tára, mɔ fícɛnni si fɛɛ.

1 Korɛnti ye 7:39

Kolocɔlɔɔ n cɔlɔɔ pwɔɔ wi nǎnw na lǎli ni wi nǎnw tɛ́nɛ nyɛ lè sìi na. Kàjáa nǎnw ga kùu, céw i nyɛ wiyɛɛ ma bi gbǎn cèpɔrigi kpéʔele ní nànwaa nikwɔɔ ní wee wi wi dɛ́nɛ lè. Ki si n yɛlɛ nǎnw í pye tágafɔlɔ.

Làlwaw Kaanziin 10:20

Da fɛ̀ɛgí Yawe mɔ Kolocɔlɔw na, máā wi fáliw kpéʔele mí tan woro na, máā kɛ̀ɛ́ woro mɛ́ɛgi na.

Làlwaw Kaanziin 6:13

Da fɛ̀ɛgí Yawe mɔ Kolocɔlɔw na, woro yagana má mɔ yɛlɛ bàā báara sáā kɛ̀ɛ́ wi mɛ́ɛgi na.

Heburubèle 6:16

Syɛ́ɛnbèle i kɛ̀ɛ́ bele na be kpólo n sɔ̀lɔ lè poro na, kàligi mɛ̀ɛ́ nyɔɔfaligi forolo kakabalaga myɛ kwɔ́ɔ be ma.

Zyozuwe 2:12

Koro na tɔ́ɔliw ni ki n yɛlɛ ye kàli mii ma Yawe na bi gi tɛ̀ɛn kacǎnni mii pye yele na lè, yele a wɔ́ɔ ba kacànna pye mii kpaʔa wóbèle na. Yé fɛ̀ɛwaa kaan ye yaʔa naa mii ma, wee na mii a gbǎn tága lè,

Jàbɔbèle 14:3

A wi tóow ní wi nɔ́ɔw wi pye: «A gee bee jo lé cɔlɔɔ o naa mɔ senyɛnbèle cálipiigéle nínge ni wàlá wolo syɛ́ɛnbèle nínge ni í fwɔɔ mɔ í sa cɔlɔɔ láa Filisitini ye ma, pe lè sìngɛ́nɛbèle bee?» A Samisɔn wi tóow pye: «Sa wi nyɛ́ɛri mi ba kaan mii ma, níì cán woro wi bɛ̀ɛ mii ma.»

1 Samyɛli 20:17

A Zyonatan níì Davidi pye a wi kàli woro tàmagi kéele na, níì cán wi kéeli maa wi dɛ́nɛ àmɛɛ woro tiimaa kéeli wiyɛɛ dɛ́nɛ lè.

1 Samyɛli 30:15

A Davidi wi pye: «A mɔ a fɔ̀lɔ́ kári lé ní mii ní bi sa kabigi bee tɛ̀ɛn mii na?» A wi wi yari: «Kàli mii ma Kolocɔlɔɔ na mí jo mɔ a mii kpóo í, mɔ a sa mii le mii kàfɔw kɔ́yɔ ni í. Lǎli bee ni mii a sa kabigi bee tɛ̀ɛn mɔ na.»