Sélimɛ 24:12 - Cebaara Bible 2010

¹² A wi nyɛ́ɛrigi naa nyɛ́ɛri níì jo: «Yawe, mɔ wi lè mii kàfɔw Abirahami Kolocɔlɔw, mii i mɔ nyɛ́ɛri, mi mii yaʔa mii í gi fàrá taa níjanʔa, gee mii caa lè, nyɔɔ kánmi bee na mii kàfɔw Abirahami na.

Sélimɛ 24:12 Iomraidhean Croise

Sélimɛ 15:1

Kérigèle bee kàdoʔo ma, a Yawe joo ní Abirami ní yanyaʔa ni, wi n jo: «Abirami, ki ga yɛlɛ mɔ í da fɛ̀ɛgí í. Mii wi nyɛ mɔ tunmɔzige-yárigi. Mii a tɔ̀nɔ́ tɔ̀nɔkpɔɔɔ kaan mɔ ma.»

Sélimɛ 24:21

A nǎnw i wi wéle pyèrio, ní i wiyɛɛ yíbe wi kéeli na kapye Yawe wi woro tánʔani tɛ́nɛ, wàlá kapye woro kólogi ga kɔ́ɔ̀ tɛ́nɛ í.

Sélimɛ 24:27

níì jo: «Kpɔ̀ʔɔrɔli n yɛlɛ Yawe na, woro wee wi lè mii kàfɔw Abirahami Kolocɔlɔw, woro wee wi kòro ni funjànga ní funviire kèlē kpéʔele lè mii kàfɔw ma. Yawe wi kíni mii yɛ́ɛgi na n pan mii kàfɔw syɛ̀ɛnnɛ tɛ́ʔɛ ma.»

Sélimɛ 24:42

Lǎli ni si mii baa nan lè kɔ̀lɔ́w na níjanʔa, a mii nyɛ́ɛrigi naa nyɛ́ɛri níì jo: ‹Yawe, mɔ wi lè mii kàfɔw Abirahami Kolocɔlɔw, kapye mɔ a mii tánʔani yaʔa li tɛ́nɛ,

Sélimɛ 24:48

Koro kàdoʔo ma a mii yégunri cáan níì too n cíbele Yawe yɛ́ʔɛ ma n bariga kaan wi ma, woro wee wi nyɛ lè mii kàfɔw Abirahami Kolocɔlɔw, àmɛɛ wi kíni mii yɛ́ɛgi na lè n mii le kojànga ni, a mii baa mii kàfɔw senyɛnnɛ pìinyanbiige taa bi láa sa kaan mii kàfɔw jáa ma.

Sélimɛ 26:24

A Yawe wiyɛɛ dɛ̀ɛn wi na yébiligi bee ni níì wi pye: «Mii wi nyɛ mɔ tóow Abirahami Kolocɔlɔw. Mɔ a kɔ́ fyáa í. Níì cán mii i nyɛ ní mɔ ní. Mii a dùbaw taʔa mɔ na. Mii a mɔ yodaʔayi yaʔa yi nɛʔɛ mii falipyew Abirahami kéeli na.»

Sélimɛ 27:10

Mɔ si kári ní di ní sa kaan mɔ tóow ma wi di káa si dùbaw kpéʔele mɔ ma sáni wi kùu lè.»

Sélimɛ 27:20

A Izaaki wi jáaw yari: «Mɔ si n wárì tàa taa kelekele dɛ, dóō!» A wi wi yari: «Yawe, mɔ Kolocɔlɔw wi mii yaʔa a mii di fàra n taa.»

Sélimɛ 28:13

Yawe si i nyɛ woyéreo ní ki ǹjogi ni. A Yawe wi pye: «Mii wi nyɛ Yawe, mɔ tóolɛɛgi Abirahami Kolocɔlɔw, ní mɔ tóow Izaaki Kolocɔlɔw. Táree na mɔ sínɛ lè dee, mii a di kaan mɔ ní mɔ yodaʔayi ma.

Sélimɛ 31:42

Mii tóolɛɛgi Abirahami Kolocɔlɔw, woro wee na mii tóow Izaaki da ni fɛ̀ɛgí lè, kapye wi da pye ní mii ní í, mɔ mǎà dée mii tórigo ní kɔwaayi ní. Kolocɔlɔɔ si n mii wɔʔɔgi ní mii faligbanw nyaa, koro na wi fúlo mɔ na yébiligi ni mii kéeli na.»

Sélimɛ 32:10

A Zyakɔbi jo: «Ee, Kolocɔlɔɔ, mɔ wi lè mii tóolɛɛgi Abirahami ní mii tóow Izaaki Kolocɔlɔw. Ee, Yawe, mɔ wee wi gi joo mii ma lè níì jo: ‹Lúru maa syée mɔ tári ma mɔ senyɛnbèle kurugo, mii a kacànna kpéʔele mɔ na.›

Sélimɛ 32:9

Wi maa ni gi nyuu wiyɛɛ fúngi ni níì jo: «Ezau ga pan n baa too kabigaa nibin na, kabisangee nibin a syɔɔ.»

Sélimɛ 43:14

Kolocɔlɔɔ wi lè Séew Myɛ Kàfɔlɔ, ki n yɛlɛ wi sa gi yaʔa nǎnw bee í nyinimɛ taa yele na si yele senyɛnwee ní Bɛnzyamɛ yaʔa be lúru pan ní yele ní. Mii si na, mii ga níì bɔ̀nɔ mii pìíbèle pèle ni, a mii bɔ̀nɔ wii.»

1 Fànʔafɔbèle 18:36

A sárigaw làriwololo ga nan, a kanyaajoow Elii sɛ̀ʔɛrɛ yaà níì jo: «Ee Yawe, mɔ wi lè Abirahami, ní Izaaki, ní Isirayɛli Kolocɔlɔw, ki n yɛlɛ pe gi cán níjanʔa bi cán mɔ wi nyɛ Kolocɔlɔɔ Isirayɛli ni, si wɔ́ɔ gi cán bi cán mii i nyɛ mɔ falipyeo, si ní gi cán bi cán mɔ wi jo mii í kérigèle naa myɛ kpéʔele níjanʔa.

2 Fànʔafɔbèle 2:14

Burogbɔɔgi ki da láʔa Elii na n too naa lè, a wi koro láa n tɛ́ʔɛ n lǒgi kpúmɔn níì jo: «Sán Yawe nyɛ wi lè Elii Kolocɔlɔw?» A wi lǒgi kpúmɔn, a gi tíla a gee yére mɛ̀ɛ, á gee yére mɛ̀ɛ, á Elize sɔ̀lɔ.

Nehemii 1:11

Ee! Kàfɔw, koro na ki n yɛlɛ mi mɔ líiyi cáan mí mɔ falipyew nyɛ́ɛrigɛ lóʔo, ní mɔ falipyebèle bele be caa bàā fɛ̀ɛgí mɔ mɛ́ɛgi na lè, poro nyɛ́ɛrigi. Mii i mɔ nyɛ́ɛri, mɔ falipyew yaʔa wi kataanna taa níjanʔa, mí gi yaʔa nǎnw naa í nyɔɔ wi na.» Mii si maa pye lǎli bee ni fànʔafɔw yagbaʔa kaanfɔlɔ.

Nehemii 2:4

A fànʔafɔw mii pye: «Ki si i lè nya nyàʔá mɔ caa?» A mii nyɛ̀ʔɛni Kolocɔlɔɔ nyɛ́ɛri,

Ŋúnuyi 118:25

Yawe, wo syɔɔ! Yawe, fànʔa kaan wo ma!

Ŋúnuyi 122:6

Yaa yɛɛ̀nyinge nyɛ́ɛri yaa kaangi Zyerusalɛmi ma ye jo: «Bele be tàmaga le ní mɔ ní lè, yɛɛ̀nyingi í pye be ma!

Ŋúnuyi 127:1

Njogi lúgufɔɔlɔ ŋúnugo, Salomɔn wógi. Kapye Yawe o kpáagi faanri í, bele be gi faanri lè, pe i báara gbanzan. Kapye Yawe o kěgi kpáa wéle í, wee wi gi kpáaw wéle lè, wi i syɔ̀ɔ́n nyɛ̀nɛ na gbanzan.

Ŋúnuyi 37:5

Mɔ kérigèle le Yawe kɔ́yi ni, mí miyɛɛ kàlifáa wi ma, wi a ra ge cɔɔnri.

Yirile 3:15

A Kolocɔlɔɔ níì gi joo Mowizi ma níì wi pye: «Ki n yɛlɛ mɔ í wɔ́ɔ gi joo Isirayɛli ye ma kánmi naa na mí be pye: ‹Yawe wi lè yele tóolɛɛbèle Kolocɔlɔɔ, wi lè Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw, woro wi mii tun yele ma.› Koro gi nyɛ mii mɛ́ɛgi làla o làla. Kánmi bee na làrigèle myɛ syɛ̀ɛnnɛ a ra mii mɛ́ɛgi yiri.

Yirile 3:6

Ní níì jo: «Mii wi nyɛ mɔ tóow Kolocɔlɔɔ, wi lè Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw.» A Mowizi wi yɛ́ɛgi làriga, níì cán wi maa ni fɛ̀ɛgí bàā Kolocɔlɔɔ wéle.

Kàseegèle 3:6

Da wi córo mɔ kóloyi myɛ ni, woro wi a mɔ kozɔ̀lɔyi sámaga yi pye falafala.

Matye 22:32

‹Mii wi nyɛ Abirahami Kolocɔlɔw, ní Izaaki Kolocɔlɔw, ní Zyakɔbi Kolocɔlɔw.› Kúbèle wóo ban wi nyɛ Kolocɔlɔɔ í, niweebèle wóo wi nyɛ Kolocɔlɔɔ.»

Filipikaʔa ye 4:6

Ki ga yɛlɛ yele í yele fúnyi yaʔa yaa curugu yele na yarigaa faala na í. Yariga o yariga láa gi nyɛ yele na lè, yaa gee bee nyuu yaa tèé Kolocɔlɔɔ na ní nyɛ́ɛrigɛ, ní nyɛ́ɛrigboloyo, ní bariga kaanna ní,