Sélimɛ 24:1 - Cebaara Bible 2010

¹ Abirahami maa tɔ̀nɔ n baa lɛɛ gbanʔama. Yawe si maa wɔ́ɔ̀ dùbaw taʔa wi na kérigèle myɛ ni.

Sélimɛ 24:1 Iomraidhean Croise

Sélimɛ 12:2

Mii a mɔ kpéʔele syɛɛnfele-nɛʔɛgɛ, si dùba taʔa mɔ na, si wɔ́ɔ mɔ mɛ́ɛgi kpɔ́ʔɔ. Mɔ ni syɛɛnsanbèle a ra dùbaw taagi.

Sélimɛ 13:2

Abirami lɔ́ri si maa tɔ̀nɔ n nɛʔɛ gbanʔama, ti lè yaweeri, ní wálifiiw, ní tɛ́ɛw.

Sélimɛ 18:11

Abirahami ní Sara si maa tɔ̀nɔ n lɛɛ gbanʔama, a Sara pìisee-lali sɔ̀lɔ n kwɔ́ɔ.

Sélimɛ 21:5

Abirahami maa taa yɛ̀ʔɛlɛ dabata wi jáaw Izaaki làrizeeli ni.

Sélimɛ 24:35

Yawe n tɔ̀nɔ n dùbaw taʔa mii kàfɔw na, a wi tɔ̀nɔ n lɔrɔ saʔa taa. Níì cán Yawe n yaweeyiligēle, ní yaweekpologèlē kaan wi ma, n fàra wálifiio, ní tɛɛ̀ na. Ní wɔ́ɔ̀ pulonànbēle ní pulocaala kaan wi ma, n fàra fàlibaaya, ní jòfanibēle na.

Sélimɛ 25:20

Izaaki maa taa yɛ̀ʔɛlɛ togoye siin lǎli ni wi Erebeka láa lè wi cɔɔ̀, Erebeka wi lè Betuwɛli pìíw, Betuwɛli wi lè Arameyɛnw, ní i nyɛ Padan-Arami ye wóo. Erebeka yɛʔɛfɔw wi da pye Laban, wi lè Arameyɛnw.

Sélimɛ 26:12

A Izaaki yaliire fála yɛ́ɛli bee tári bee ni. Yaliiree wi lùgu lè, a wi di feleye dabata-daa taa. Níì cán Yawe maa dùbaw taʔa wi na.

Sélimɛ 49:25

Mɔ tóow Kolocɔlɔɔ bárigaw ni, woro wee wi nyɛ lè mɔ dɛɛmɛfɔw, Séew Myɛ Kàfɔlɔ báriga ni, woro wee wi a dùbaw taʔa mɔ na lè dùbawee wi yìrigí lè nyɛ̀ʔɛni ma, ní dùbawee wi yirigi lè weekpɔɔ-cùrugi ni, yíregèle na be ŋɔri lè koro dùbaw, ní nafɔlɔ láagi dùba.

1 Fànʔafɔbèle 1:1

Fànʔafɔw Davidi maa tɔ̀nɔ n baa lɛɛ gbanʔama, a pe i yalere saʔa nii wi na káfugo si da ni jǐn wi ni í.

Kàseegèle 10:22

Yawe dùbaw wi syɔɔn kpéʔele yarigaa fɔ́lɔ, wi o fɔ̀rɔgɔ faala fàrá wi na í.

Ezayi 51:2

Ye yele tóow Abirahami wéle, ní Sara, wee wi yele see lè. Níì cán wi maa pye wi nibin lǎli ni mii wi yeri lè, níì dùbaw kpéʔele wi ma, níì wi yòdaʔayi nɛʔɛ.»

Matye 6:33

Kàjáa ki n yɛlɛ yele í da wi fǎngi ní wi sínni caa gbɛnʔɛnɛ, yáriri bee myɛ si naa taʔa yaà yele ma.

Luki 1:7

Pyà si da pye be ma í. Níì cán Elizabɛti maa pye cenaa-sìnzeeo. A pe myɛ siinw tɔ̀nɔ n baa lɛɛ gbanʔama.

Galasi ye 3:9

Kánmi bee na tágafɔbèle pínɛ ni dùbaw taagi ní tágafɔw Abirahami ní.

Efɛzi ye 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní wi lè wi Tóow, woro wee wi Pìicǎnni kpɔ́ʔɔrɔ féleye myɛ kaan lè wolo ma nyɛ̀ʔɛni tɛ́ɛyɛ ni àmɛɛ wolo nyɛ lè Kirisi ni.

1 Timɔte 4:8

Níì cán syɔɔn ga wi yasɛɛyi tàli kérigèle kèle na, gee bee n wi dɛ̀ɛmɛ kèlē cɛɛri ni, kàjáa Kolocɔlɔɔ yɛ́ɛgi fyáara a gbǎn syɔɔn dɛ̀ɛmɛ kérigèle myɛ ni, níì cán syɔɔn ga ni fɛ̀ɛgí Kolocɔlɔɔ na, sìíw nyɔɔfaliga i nyɛ wee bee wóʔo tɔ́ɔliw ni, ní dulunyanwee ni wi maa lè.