Sélimɛ 23:9 - Cebaara Bible 2010

⁹ Ye wi pye wi Makpela nyanbeweegi kaan mii ma ki nyɛ lè woro wógi, ní i nyɛ woro ségi láʔala na. Wi gi kaan mii ma ki lɔ́ri tiimaa na koro ga pye gi pye mii kútɔndɛɛgi yele níngi ni.»

Sélimɛ 23:9 Iomraidhean Croise

Sélimɛ 23:10

Efurɔn wi da pye lè Hɛti yòdaʔagaa, wi maa pye yaà wodɛ́ɛɔn ní Hɛti wóbèle bele nínge ni, a wi fala n gi joo Abirahami ma Hɛti yòdaʔayi wozanya nyɛ́nɛ na yi da ni sɔ̀lɔ́ ni jǐn wi kěgi kpàánweele ni lè níì jo:

Sélimɛ 23:4

«Mii i nyɛ nibɔɔn ní i nyɛ wodɛ́ɛɔn ní yele níngi ni. Ki n yɛlɛ ye fɔ̀lɔ ye nyangbaa kaan mii ma wi pye mii wóo, koro ga pye mii í mii céw láa núngo niyɛɛ daana bi sa tɔ́n yaà beè.»

Sélimɛ 23:8

níì be pye: «Kapye yele n fɔ̀lɔ gi na kányɛʔɛ mii í mii céw láa núngo niyɛɛ daana bi tɔ́n, ki n yɛlɛ ye lóʔo mii ma, yé Sohari jáaw Efurɔn nyɛ́ɛri mii ma.

Sélimɛ 25:10

Abirahami maa ségi bee syɔɔ lɔrɔ na Hɛti yòdaʔayi ma. A be Abirahami tɔ́n yaà beè n fàra wi céw Sara na.

Sélimɛ 49:29

Koro kàdoʔo ma a wi gi joo n gbàn be ma níì jo: «Mii a kùu bi fàra mii tóolɛɛbèle na. Ki si n yɛlɛ ye sa mii tɔ́n mii tóolɛɛbèle taana, Efurɔn wi lè Hɛti ye wów, woro ségi nyanbeweʔe ni,

Sélimɛ 50:13

A wi jáabèle wi láa n kári Kanaan tári ma n sáà tɔ́n Makpela ségi nyanbeweʔe ni, ségee Abirahami da syɔɔ lè Efurɔn ma wi lè Hɛti ye wów. A gee bee pye kútɔndɛʔɛ Mamire taana.

1 Cányi kèlē 21:22

A Davidi Orinan pye: «Kàsyɔɔgi tɛ́ʔɛ kaan mii ma, koro ga pye mii í sáriga-wòlo-yafanʔa faan gi na Yawe ma. Ki kaan mii ma ki wálifiiw nyɔ́ɔ na, koro ga pye káfalagi yáama í láʔa syɛ́ɛnbèle na.»

1 Cányi kèlē 21:24

Kàjáa a fànʔafɔw Davidi Orinan yari: «Eʔe! A mii caa bi gi syɔɔ wii wáli na bi yɛlɛ ní gi lɔ́ri ní. Níì cán mii a mɔ kɔ́lɔ yarigaa syɔɔ kawaʔa na bi wòlo sáriga-sórigoo Yawe ma í.»

Wɔrɔmi ye 12:17

Yele a kɔ́ kapeelaa tɛ́ʔɛ bi làa fwɔ́ɔlɔ tɔ́n wàa ma í. Kérigèle ge sín lè syɛ́ɛnbèle myɛ nyɛ́nɛ na, yaa ŋàʔaná yaa gele bee kpéʔele.

Wɔrɔmi ye 13:8

Ki ga yɛlɛ syɔɔnwaa faala fwɔ́ɔlɔ í kɔ́ kòro yele na í, kapye bi tàmaga le ní yeyɛɛ ní lè, koro fwɔ́ɔli ban í. Níì cán wee wi tàmaga le ní wi syɛɛnnyɛnnɛ ní lè, wee bee n Mowizi làlwaw foro.