Sélimɛ 23:6 - Cebaara Bible 2010

⁶ «Ki n yɛlɛ mi lóʔo wolo ma, ni kàfɔlɔ. Ncan mɔ i nyɛ Kolocɔlɔɔ syɛɛnkpɔɔɔ wolo níngi ni. Ki n yɛlɛ mi mɔ céw tɔ́n wolo nyányi tɛɛcànga ni. Wolo wàa faala a tée cée mɔ ma wi nyanga na mɔ céw tɔ́nnɔ na í.»

Sélimɛ 23:6 Iomraidhean Croise

Sélimɛ 13:2

Abirami lɔ́ri si maa tɔ̀nɔ n nɛʔɛ gbanʔama, ti lè yaweeri, ní wálifiiw, ní tɛ́ɛw.

Sélimɛ 14:14

Lǎli ni Abirami gi lóʔo lè pe n woro senyɛnw jáa cò n kári, nǎnbèle sirakele ní dabata ní kpɔrigɔ ní kɔrɔtaanri be pye wi wóbèle lè, bele pe da see yaà wi kpáagi ni lè, á wi be tama kapɛɛnni na, a wi be kɔ́ri n taʔa fànʔafɔbèle bee na n sáà be nɛnɛ n cò fwɔɔ Dan ma.

Sélimɛ 18:12

A wi i gi tɛ́ʔɛ wiyɛɛ fúngi ni níì jo: «Mii wi yɛ́rɛ n kwɔ́ɔ lè wee, sɔ̀nguri si ní jée lé mii ni? A mii kàfɔw si wɔ́ɔ̀ lɛɛ n kwɔ́ɔ.»

Sélimɛ 20:7

Tɔ́ɔliw ni ki n yɛlɛ mi nǎnw bee cɔ́ɔ lúrugo mi kaan wi ma. Kanyaajooo wi nyɛ wi nǎnw. Wi a Kolocɔlɔɔ nyɛ́ɛri mɔ kéeli na, mɔ a kùu í. Kàjáa mɔ ga pye mɔ ga wi lúrugo n kaan wi ma í, ki n yɛlɛ mi gi cán mɔ ní mɔ kpáagi wòolo myɛ a kùu.»

Sélimɛ 21:22

Lǎli bee ni Abimelɛki pan Abirahami ma, woro ní Pikɔli ní wi lè wi kapɛɛnkpumɔnbèle kàfɔlɔ. A wi baa Abirahami pye: «Kolocɔlɔɔ tɔ̀nɔ́ i nyɛ ní mɔ ní kérigèle myɛ ni mɔ kpéʔele lè.

Sélimɛ 23:5

A Hɛti yòdaʔayi Abirahami yari:

Sélimɛ 23:7

A Abirahami fala n yìri níì too n cíbele tári bee syɛ̀ɛnnɛ yɛ́ʔɛ ma, gee bee n jo Hɛti yòdaʔayi yɛ́ʔɛ ma,

Sélimɛ 24:18

A Erebeka wi pye: «Syɔɔ mi gbaa, ni kàfɔlɔ.» A wi fala terire n kasǎnni jàari n wi kaan a wi gbaa.

Sélimɛ 24:35

Yawe n tɔ̀nɔ n dùbaw taʔa mii kàfɔw na, a wi tɔ̀nɔ n lɔrɔ saʔa taa. Níì cán Yawe n yaweeyiligēle, ní yaweekpologèlē kaan wi ma, n fàra wálifiio, ní tɛɛ̀ na. Ní wɔ́ɔ̀ pulonànbēle ní pulocaala kaan wi ma, n fàra fàlibaaya, ní jòfanibēle na.

Sélimɛ 31:35

A wi gi joo wi tóow ma níì jo: «Abaa, àmɛɛ gi nyɛ lè mii ga yìri í, ki ga yɛlɛ gee bee í kɔ́ mɔ fúngi tanʔa mii kurugo í. Lòweligi gi nyɛ mii na, koro na mii a gbǎn yìri mɔ nyɛ́nɛ na í.» A Laban fànikpaagi tɛ́ɛyɛ myɛ waragi. Wi ga wi màdebiigèle nyaa í.

Sélimɛ 32:18

A wi syɛ́ɛnri naa joo n gbàn wee má wi da pye yɛʔɛ̀ ma lè níì wi pye: «Mii yɛʔɛfɔw Ezau ga sáà mɔ fàra níì mɔ yíbe níì jo: ‹Wìí syɔ́ɔn wóo mɔ nyɛ? Sán mɔ syée? Yaweeree na mɔ taʔa lè dee, wìí syɔ́ɔn wóro dii?›

Sélimɛ 42:10

A be wi yari: «Eʔe, kàfɔw, yaliire mɔ púlobèle pan ba syɔɔ.

Sélimɛ 44:5

Yagbaali bee ni ban mii kàfɔw gbo, ní i nyɛ̀ʔɛna kérigèle wéle ni nyuu li ni ì? Yele n kapeʔe pye dɛ.› »

Sélimɛ 44:8

Wéle, wáliw wolo sáà nyaa lè wolo gɔ̀nvaʔayi ni, wolo n yìri yaà ní wi ní Kanaan tári ma n pan ní wi ní mɔ ma. Mɛ̀ɛ́ si wolo a gbǎn wálifiio wàlá tɛɛ̀ yùu mɔ kafɔw kpaʔa ni bi sɛ́ɛ?

Yirile 32:22

A Aarɔn wi yari: «Ni kàfɔlɔ, mɔ fúngi ga yɛlɛ bi tanʔa sɔ̀lɔ í. Mɔ tiimaa n syɛ́ɛnbèle naa cán, kapeʔe pyele sɔngurɔ di nyɛ be ni.

Ezayi 45:14

Yawe n jo: «Ezyipiti yataari, ní Etyopii tɔ̀nɔw, ní Seba ye wóri, syɛɛntɔnɔyi bee, toro a sɔ̀lɔ́ pan mɔ ma, bi ba pye mɔ wóro. Syɛɛnfeleyi bee a taʔa mɔ na wobwɔɔbéle ní ní nyɔ̀ʔɔmɔ ní, pe a ra tíri da tuun mɔ yɛ́ʔɛ ma, pe a ra mɔ nyɛ́ɛri, si jo: ‹Kolocɔlɔɔ ní o nyɛ tɛɛgaa ni kapye mɔ má ban í, wàa ní o beè í, kolocɔlɔwaa nikwɔɔ ní o beè í.› »

Wuruti 2:13

A wi jo: «Mɔ n tɔ̀nɔ n mii kpɔ́ʔɔ, ni kàfɔlɔ. Mɔ n mii kpɛʔɛlɛ. Mɔ syɛ́ɛnri n mɔ falipyecew fúngo nyíngi, bi gi taa mii ga caà mɔ falipyecewaa kwɔ́ɔ í.»