Sélimɛ 23:4 - Cebaara Bible 2010

⁴ «Mii i nyɛ nibɔɔn ní i nyɛ wodɛ́ɛɔn ní yele níngi ni. Ki n yɛlɛ ye fɔ̀lɔ ye nyangbaa kaan mii ma wi pye mii wóo, koro ga pye mii í mii céw láa núngo niyɛɛ daana bi sa tɔ́n yaà beè.»

Sélimɛ 23:4 Iomraidhean Croise

Sélimɛ 17:8

Kanaan tári ni mɔ tɛ́ɛn lè dee n pye nibɔɔn, mii a ti myɛ kaan mɔ ní mɔ yodaʔayi ma, ti a pye mɔ yodaʔayi wóro làla o làla. Mii si pye be Kolocɔlɔw.»

Sélimɛ 23:5

A Hɛti yòdaʔayi Abirahami yari:

Sélimɛ 3:19

Mɔ yɛ́ɛcɔɔli kakpege na mɔ a ra líi fwɔɔ bi taa mɔ í ba lúru jée tári ni, beè mɔ yirige lè. Níì cán mɔ i nyɛ támiige, támiigi si ni mɔ a lúru jée.»

Sélimɛ 47:9

A Zyakɔbi Faraɔnw yari: «Mii sìíw yɛ̀ʔɛlɛ nyɔ́ɔ i nyɛ togoye kɔrɔni ní kpɔrigɔ n mii yaʔa tɛ́ɛn-mí-màʔaw na. Mii sìíw yɛ̀ʔɛlɛ ga nɛʔɛ í, ke si n tɔ̀nɔ n pye wɔʔɔgɔ yɛ́ɛgéle mii ma. Ke ga nɛʔɛ n mii tóolɛɛbèle wòʔolo kwɔ́ɔ í, poro bele pe da wɔ́ɔ ni tɛ̀ɛ́n ni máari lè.»

Sélimɛ 49:30

nyanbeweegi ni ki nyɛ lè Makpela ni, Mamire taana Kanaan tári ni. Abirahami wi da nyanbeweegi bee ní ségi syɔɔ Efurɔn ma, wi lè Hɛti ye wów, n gi pye woro kútɔndɛʔɛ.

Sélimɛ 50:13

A wi jáabèle wi láa n kári Kanaan tári ma n sáà tɔ́n Makpela ségi nyanbeweʔe ni, ségee Abirahami da syɔɔ lè Efurɔn ma wi lè Hɛti ye wów. A gee bee pye kútɔndɛʔɛ Mamire taana.

1 Cányi kèlē 29:15

Wolo i nyɛ mɔ yɛ́ʔɛ ma nibɔɔnnɔ, ní nibɔndɛ́ɛnbéle àmɛɛ wolo tofɔlɛɛyi myɛ da pye lè. Cányee wolo kwóo naa tári na lè, yi i nyɛ àmɛɛ kànyinnɛ nyɛ lè, sɔ̀ngumɔ tɛɛtaʔaga o nyɛ yi na í.

Zyɔbi 30:23

Mii n tɔ̀nɔ n gi cán mɔ i syée ní mii ní kùúw ma, beè niweebèle myɛ peyɛɛ vàrá lè.

Ŋúnuyi 119:19

Mii i nyɛ nibɔɔn tári na, mɔ a kɔ́ mɔ kajoodɛɛngèle làriga mii na í.

Ŋúnuyi 39:12

Mɔ i wɔʔɔlɔ téeri ni syɔɔn kóro wi kolomi kéele na, kánmee na fyɛnʔɛ yasanra líi ni kálagi lè, kánmi bee na mɔ wi fúngi yanidaanmaga kálagi. Kányɛʔɛ na syɔɔn o syɔɔn i nyɛ nyɔɔ káfalaga. Ŋɔ́ndaala

Yirile 2:22

A Sefora nànbile see. A Mowizi li mɛ́ɛgi le ni li yiri Gerisyɔmi. Níì cán wi maa jo: «Mii i nyɛ nibɔɔn tánibɔnrɔ ni.»

Syɛɛnjóow 12:5

lǎli ni syɔɔn a ra fɛ̀ɛgí dǎndamagi na lè, fyáakpɔɔrɔ si pye syɔɔn na kólogi na, lǎli ni amandi tíigi a fyɛ́ɛn lè, kúdow si tìgí tɔ́n, lǎli ni yáriri láa a kwɔ́ɔ syɔɔn ni lè, àmɛɛ syɔɔn syée wi bàngwɔɔ tɛɛkòrogi ma lè, á nyɛnifɔbèle si i sɔ̀lɔ́ ni máari kàlari-kóloyi ni,

Syɛɛnjóow 12:7

sáni támiigi í lúru jée tári ni, beè ki da pye lè, pǐli si lúru kári li kaanfɔw Kolocɔlɔɔ ma.

Syɛɛnjóow 6:3

Nàɔn ga pìibēle dabata see, níì yɛɛnɛʔɛgéle taa, wi sìíw canya nɛʔɛnɛ ní gi myɛ ní, wi sìíw ga pye wi ga tín fundaanri na í, wi si ga wɔ́ɔ̀ nyanga taa í, mii n jo pìiŋɔrizeeo fundaanra n sɔ̀lɔ wi wóri na.

Levii ye sáriga-wòlori 25:23

« ‹Tári ga yɛlɛ di pára bi kòro di syɔɔfɔw wóro làla o làla í. Níì cán tári i nyɛ mii wóro, yele si i nyɛ mii tɛ́ɛgi ni àmɛɛ nibɔndɛ́ɛnbéle, ní nibɔnzɔlɔbéle nyɛ lè.

Kapyegèle 7:16

Pe si maa ni be lée ni syée Sisyɛmi ma n sa ni tɔ́ngi nyángi ni, gee Abirahami da syɔɔ lè ní wálifiio ní Hamɔri jáabèle ma Sisyɛmi ni.

Kapyegèle 7:5

Wi si da kɔ́ɔ̀ tɛɛgaa faala kaan wi ma di ni gi pye wi woʔò í, àlí gee ni syɔɔn a gbǎn nyɔ̌nni tɛ́ʔɛ lè í, wi si maa nyɔ́ɔgi fàli wi ma níì jo, woro a ba tári naa fáliga kaan wi ma ní wi yòdaʔayi ma naa wi kàdoʔo ma bi gi taa pyà da kɔ́ɔ̀ pye wi ma gbɛnʔɛnɛ í.

Heburubèle 11:9

Tágali báriga ni wi da tɛ́ɛn nyɔɔfaligi tára ni àmɛɛ nibɔɔn nyɛ lè, fànikpaaya ni wi da ni kòró, ànbée si Izaaki ní Zyakɔbi da wɔ́ɔ baa gi kpéʔele, be pye lè wi kɔriliinyɛnbèle nyɔɔfaligi bee wonijanga ni.

1 Pyɛri 2:11

Mii syɛɛn-nidaanmabèle, àmɛɛ yele nyɛ lè kùsɛɛbéle ní nibɔɔnnɔ, mii i yele nyɛ́ɛri níì jo yele í da còʔoró céri ki laànitaʔa kele na ge kapɛɛnni kpúmɔn ní syɔɔn pǐli ní lè.