Sélimɛ 23:2 - Cebaara Bible 2010

² á wi kùu Kiiriyati-Haariba ni, ki lè Heburɔn, Kanaan tári ni. A Abirahami pan bi ba Sara kùúgi kpéʔele, si nyɛni wi kéeli na.

Sélimɛ 23:2 Iomraidhean Croise

Sélimɛ 13:18

A Abirami wi fànikpaayi kɔ́n n kàriga n pan n baa tɛ́ɛn Mamire syɛni tíiri nínge ni, Heburɔn taana. A wi sáriga-wòlo-yafanʔa faan yaà beè Yawe ma.

Sélimɛ 23:1

Sara sìíw yɛ̀ʔɛlɛ nyɔ́ɔ n pye togoye kɔrɔni ní kɔrɔsiin,

Sélimɛ 23:19

Koro kàdoʔo ma a Abirahami náà wi céw Sara tɔ́n Makpela ségi nyanbeweʔe ni, Mamire zǐnmi na, koro gi nyɛ Heburɔn wi nyɛ lè Kanaan tári ni.

Sélimɛ 24:67

A Izaaki kári ní Erebeka ní n sáà lége wi nɔ́ɔw Sara fànikpaagi ni. A Erebeka baa pye Izaaki cɔ́ɔ, a Erebeka kéeli wi dɛ́nɛ. Kánmi bee na kéeli bee Izaaki kpɛʔɛlɛ wi nɔ́ɔw kùu kéele na.

Sélimɛ 27:41

A Ezau Zyakɔbi para, àmɛɛ poro tóow dùbaw kpéʔele wi ma lè. A Ezau gi joo wiyɛɛ fúngi ni níì jo: «Cɛɛri na mii tóow a kùu. Lǎli bee ni mii a mii cɔnɔw Zyakɔbi kpóo.»

Sélimɛ 35:27

A Zyakɔbi lúru n pan wi tóow Izaaki ma, Mamire ma, Kiiriyati-Haariba taana, gi lè Heburɔn, beè Abirahami ní Izaaki da sáà tɛ́ɛn lè.

Sélimɛ 37:14

A Isirayɛli wi pye: «Da syée mi sa mɔ yɛʔɛfɔbèle wéle, kapye pe n cólogo yaà, á yaweeyiligèle wɔ́ɔ̀ cólogo, mi ba koro joo mii ma.» Kánmi bee na wi wi yìrige Heburɔn jǐnlɔgi ni n tórigo. A Zyozɛfu kári Sisyɛmi ma.

Sélimɛ 50:1

A Zyozɛfu fala n too n cíbele wi tóow yɛ́ɛcɔɔlɔ na ni nyaan ní i wi syɔɔnri syɔɔnri.

Sélimɛ 50:10

A pe ga sáà nan Atadi kàsyɔɔgi na ki lè Zyuridɛnw jelige na, a be kùúgi nyɛnigɛ kpéʔele yaà beè n nyɛni gbanʔama. A Zyozɛfu wi tóow kùugo nyɛnigɛ kpéʔele canya kɔrɔsiin fúngo ni.

2 Samyɛli 1:12

Pe n pye kùu káyaʔa na ní i nyaan níì súnw le fwɔɔ n baa nan cângwɔɔgi nyɔ́ɔ na Sawuli ní wi jáaw Zyonatan kéeli na, ní Yawe syɛ́ɛnbèle, ní Isirayɛli kpáagi wòolo kéele na, poro bele ŋɔséew kpóo n cáan lè.

2 Samyɛli 1:17

A Davidi funbɛɛnrɛ ŋúnugi naa ŋùu Sawuli ní wi jáaw Zyonatan kéeli na.

2 Samyɛli 2:11

Lǎlee Davidi kwɔ́ɔ fǎngi na Heburɔn ni lè Zyuda kpáagi wòolo nyúngo na, li n pye yɛ̀ʔɛlɛ kɔrɔsiin ní yeye kɔrɔni.

2 Samyɛli 5:3

Kánmi bee na Isirayɛli wolɛɛbèle myɛ pan fànʔafɔw ma Heburɔn ma. A fànʔafɔw Davidi baa joogaanna kpéʔele ní be ní Heburɔn ni Yawe yɛ́ʔɛ ma. A be sǐnmi wo Davidi na n wi kpéʔele fànʔafɔlɔ Isirayɛli ye nyúngi na.

2 Samyɛli 5:5

Wi n yɛ̀ʔɛlɛ kɔrɔsiin ní yeye kɔrɔni kwɔ́ɔ fǎngi na Heburɔn ni, Zyuda ye nyúngi na, níì yɛ̀ʔɛlɛ toko ní kpɔrigɔ ní taanri kwɔ́ɔ fǎngi na Zyerusalɛmi ni, Isirayɛli ye myɛw ní Zyuda ye nyúngi na.

1 Cányi kèlē 6:57

Yee be yirige Isakari syɛɛnfelegi ni lè, yoro yi nyɛ Kedɛsyi, ní gi taana tɛ́ɛyi, ní Dabirati, ní gi taana tɛ́ɛyi,

2 Cányi kèlē 35:25

A Zyeremii funbɛɛnrɛ ŋúnugo ŋùu Zyozyasi kéeli na. Nǎnbèle be ŋuu lè, ní cébèle be ŋúu lè, poro myɛ n joo Zyozyasi kéeli na pe funbɛɛnrɛ ŋúnuyi ni fwɔɔ n baa nan níjanʔa na. A be koro kpéʔele làlwa kéele Isirayɛli ni. Ŋúnuyi bee n sɛbɛ funbɛɛnri Ŋúnuyo ni.

Nehemii 11:25

Kěyi, ní yi taana sìnbiriyi ni, Zyuda yòdaʔayi wóbèle pèle maa sáà tɛ́ɛn Kiiriyati-Ariba, ní gi tɛ́nɛmi kèye ni, ní Dibɔn, ní gi tɛ́nɛmi kèye ni, ní Yekabiseyɛli, ní gi tɛ́nɛmi kèye,

Zyeremii 22:10

Yele a kɔ́ ra nyaan wee kéele na wi kùu lè í, yele a kɔ́ ra wi kéeli yáa í. Yaa nyaan, yaa nyaan wee kéele na wi syée lè, níì cán wi a ní lúru pan í, tári ni wi see lè, wi a ní di nyaa í.

Zyeremii 22:18

Gee bee na Yawe syɛ́ɛnri naa joo Zyozyasi jáaw Yehoyakimi kéeli na wi lè Zyuda fànʔafɔw, níì jo: «Pe a ra nyaan wi kùugo kéele na í si jo: ‹Ee ni senyɛnnɛ!› ‹Ee ni senyɛnjaala!› Pe a ra nyaan wi kùugo kéele na í si jo: ‹Ee kàfɔw!› ‹Ee wi fàngbɔɔgi!›

Córolo 13:22

A be lúgu wòrogulo kàbangi na n kári n sáà nan Heburɔn na. Anaki pìíbèle be lè Ahiman, ní Syesyayi, ní Talimayi, beè poro da pye. Heburɔn maa faan a gi yɛ̀ʔɛlɛ kɔrɔsiin kwɔ́ɔ, á Sowan náà faan ki lè Ezyipiti ni.

Córolo 20:29

A syɛ́ɛnmi myɛ baa gi nyaa ncan Aarɔn n kùu, a Isirayɛli kpáagi wòolo myɛ Aarɔn kùúgi nyɛnigɛ kpéʔele canya toko ní kpɔrigɔ fúngo ni.

Zyan 11:31

Zyefubèle pe da pye yaà lè kpáagi ni ní Marii ní ni wi kpɛʔɛlɛ, àmɛɛ poro wi nyaa lè a wi yìri funvuugo na ni syée, a be taʔa wi na ni syée wi kurugo, ní i sɔ̀ngí wi i syée nyángi ma bi sa ra nyaan yaà.

Zyan 11:35

A Zyezu nyɛni.

Kapyegèle 8:2

Bele be fɛ̀ɛgí Kolocɔlɔɔ na lè, a poro Etyɛni láa n sáà tɔ́n, ní i nyaan gbanʔama wi kéeli na.

Làlwaw Kaanziin 34:8

A Isirayɛli ye Mowizi kùúgi nyɛnigɛ kpéʔele Mowabi tɛɛfiiyi na canya toko ní kpɔrigɔ fúngo ni, á Mowizi kùúgi nyɛnigɛ ní kùu káyaagi bee canya náà kwɔ́ɔ.

Zyozuwe 10:39

A wi fànʔa taa ki ní gi fànʔafɔw, ní gi tɛ́nɛmi kèye myɛ na. Wi maa kěgi jaa níì gi syɛ́ɛnbèle myɛ kpóo ní ŋɔséew ní. Wi ga pe wàa faala yaʔa a wi syɔɔ í. Gee wi kpéʔele Heburɔn ní Libina ní yi fànʔafɔbèle na lè, koro wonijangi wi kpéʔele Debiiri fànʔafɔw na.

Zyozuwe 15:13

A be lɛɛlɛ kaan Yefune jáaw Kalɛbi ma Zyuda yòdaʔayi nínge ni àmɛɛ Yawe da gi joo n gbàn Zyozuwe ma lè, loro li nyɛ Kiiriyati-Ariba, wi lè Heburɔn. Anaki tóow wi pye Ariba.

Zyozuwe 15:54

ní Humeta, ní Kiiriyati-Ariba, wi lè Heburɔn, n fàra Siyɔri na. A yoro pye kèye kpanjɛrɛ n fàra yi kèpiigèle na.

Zyozuwe 20:7

A be Kedɛsyi wòlo n yaʔa kɔlɔ̀ na Galile tári ni, Nɛfitalii nyanbeleyi kúlo ni, ní Sisyɛmi, Efirayimi nyanbeleyi kúlo ni, ní Kiiriyati-Ariba wi lè Heburɔn, Zyuda nyanbeleyi kúlo ni.

Zyozuwe 21:11

A be Kiiriyati-Ariba kaan be ma ki lè Heburɔn n fàra tári na ti gi màʔa lè. Kěgi bee maa pye Zyuda nyanbeleyi kúlo ni. Anaki tóow pe da ni yiri Ariba.

Jàbɔbèle 1:10

A Zyuda ye kári n sáà too Kanaan ye na be pye wodɛ́ɛnbéle ní Heburɔn ni lè. Heburɔn pe da séli ni yiri Kiiriyati-Ariba. A be wɔ́ɔ̀ fànʔa taa Syesyayi, ní Ahiman, ní Talimayi na.

1 Samyɛli 20:31

Bi Izayi jáaw yaʔa beè sìi na tásaligi na, mɔ ní mɔ fangi a tée yɛɛ̀nyinge taa í. Tun tɔ́ɔliw ni pe pan ní wi ní, pan ní wi ní mii ma. Níì cán wi n yɛlɛ ní kùu ní.»

1 Samyɛli 25:1

A Samyɛli baa kùu. A Isirayɛli ye myɛ peyɛɛ gbóʔoro bi ba wi kùúgi kpéʔele, a pe baa wi tɔ́n wi kpáagi ni Arama ni. A Davidi yìri n tìgi n kári Paran fìími tára ma.

1 Samyɛli 28:3

Samyɛli maa kùu, a Isirayɛli ye myɛ wi kùúgi kpéʔele, níì wi tɔ́n Arama ni, ki lè wi kěgi. Sawuli si maa kúyibebèle nɛnɛ n yirige tári ni n fàra bele na be nyɛ̀ʔɛna kérigèle nyaagi ni nyuu lè.