Sélimɛ 23:16 - Cebaara Bible 2010

¹⁶ A Abirahami fɔ̀lɔ Efurɔn syɛ́ɛnri na. Wáli nyɔ́ɔgee wi joo Hɛti pìíbèle nyɛ́nɛ na lè, a Abirahami wee bee cáan cúlow na n kaan wi ma. Wálifiiw támabéle saala siin, n yɛlɛ ní jàgiw wáli kánma ní.

Sélimɛ 23:16 Iomraidhean Croise

Sélimɛ 23:15

«Ki n yɛlɛ mi lóʔo mii ma, ni kàfɔlɔ, tári di lè wálifiio támabéle saala siin woro wi nyɛ nyàʔá mii ní mɔ níngi ni? Sa mɔ céw tɔ́n yaà dɛ.»

Sélimɛ 43:21

A wolo ga lúru ni syée ní sáà nan tɛɛgaa na, níì tìrige bi syɔ́ɔn beè, a wolo ga wolo túgori múgu, a wolo myɛ nibin nibin wolo wáliw nyaa wolo gɔ̀nvaʔayi ni wi nyɔ́ɔgi na. Wolo si n lúru n pan ní wi ní.

Sélimɛ 49:29

Koro kàdoʔo ma a wi gi joo n gbàn be ma níì jo: «Mii a kùu bi fàra mii tóolɛɛbèle na. Ki si n yɛlɛ ye sa mii tɔ́n mii tóolɛɛbèle taana, Efurɔn wi lè Hɛti ye wów, woro ségi nyanbeweʔe ni,

Sélimɛ 50:13

A wi jáabèle wi láa n kári Kanaan tári ma n sáà tɔ́n Makpela ségi nyanbeweʔe ni, ségee Abirahami da syɔɔ lè Efurɔn ma wi lè Hɛti ye wów. A gee bee pye kútɔndɛʔɛ Mamire taana.

2 Samyɛli 14:26

Yɛɛlɛ o yɛɛlɛ yɛɛgbaraw na wi da ni wi ǹjoori cɛnɛ, níì cán ti i gáà baa líbe wi na. Wi ǹjoori líbeganma i gáà sɔ̀lɔ cúlobéle siin na n yɛlɛ ní fànʔafɔw cúlo kánma ní.

2 Samyɛli 24:24

Kàjáa a fànʔafɔw Aravina pye: «Eʔe. A mii a gi syɔɔ mɔ ma wii ki lɔ́ri na si gi lɔ́ri kaan. Mii a fɔ̀lɔ́ kawaʔa na yáriga wòlo Yawe mii Kolocɔlɔw ma sáriga-sórigoo í.» A Davidi wálifiio támabéle togoye siin ní kpɔrigɔ tɛ́ʔɛ n kàsyɔɔgi ní nǐyi syɔɔ.

Zyɔbi 28:15

Tɛɛteleo a gbǎn kaan bi sìndɛɛgi ni í, wàlá bi wálifiio cáan cúlo na bí tɛ́ʔɛ bi syɔɔ í.

Yirile 30:13

Bele myɛ pe a córo lè, gee pe a kaan lè, koro gi nyɛ gee naa: Pe myɛ nibin nibin a kaan wálifiio gerabéle kagunɔ kagunɔ, bi yɛlɛ ní tɛɛcǎngi wáli nyɔ́ɔ tíla ní. Wáliw bee a wòlo bi kaan Yawe ma.

Zyeremii 32:10

A mii gi syɔɔli sɛ́bɛ sámaga, níì fɛ̀ɛ taʔa wi na, mii n séerabéle láa níì wáliw cáan cúlow na.

Zyeremii 32:9

A mii si ségi syɔɔ mii tóow senyɛnnɛ jáa Hanameyɛli ma gi pye lè Anatɔti ni, níì wáliw cáan cúlow na, wálifiio támabéle kɛɛ ní kɔrɔsiin n kaan wi ma.

Ezekyɛli 45:12

Wáli sikili nibin a pye gerabéle toko. Wáli miini nibin a pye yele ma sikilibéle toko, ní sikilibéle toko ní kagunɔ, ní sikilibéle kɛɛ ní kagunɔ.

Zakarii 11:12

Mii n be pye: «Ki ga yɛlɛ yele ma ye mii sàraw kaan mii ma. Koro ga jáa yele a kɔ́ wi kaan í.» A be wálifiio támabéle toko ní kpɔrigɔ cáan cúlow na n pye mii sàraw.

Matye 7:12

Koro na yariga o yariga yele caa syɛ́ɛnbèle í da kpéʔele yele ma lè, ki n wɔ́ɔ̀ yɛlɛ yaa gee bee wonijanga kpéʔele be ma. Níì cán koro gi nyɛ Mowizi làlwaw, ní kanyaajoobèle syɛ́ɛnrɛ kɔ́rɔ.

Kapyegèle 7:16

Pe si maa ni be lée ni syée Sisyɛmi ma n sa ni tɔ́ngi nyángi ni, gee Abirahami da syɔɔ lè ní wálifiio ní Hamɔri jáabèle ma Sisyɛmi ni.

Wɔrɔmi ye 13:8

Ki ga yɛlɛ syɔɔnwaa faala fwɔ́ɔlɔ í kɔ́ kòro yele na í, kapye bi tàmaga le ní yeyɛɛ ní lè, koro fwɔ́ɔli ban í. Níì cán wee wi tàmaga le ní wi syɛɛnnyɛnnɛ ní lè, wee bee n Mowizi làlwaw foro.

Filipikaʔa ye 4:8

Ni senyɛ̀nnɛ, gee gi syɛɛnsanri kwɔ́ɔ lè, toro di nyɛ kérigèle gele myɛ ge nyɛ lè kányɛʔɛ, ní gele myɛ ge líbe lè, ní gele myɛ ge sín lè, ní gele myɛ ge fílige lè, ní gele myɛ ge nyɛ lè tàmagi wòʔolo, ní gele myɛ ge nyɛ lè wojangéle ní, kapye ke n nyɔɔ níì yɛlɛ ní kpɔʔɔrɔ ní, yaa kérigèle bee sɔ̀ngí.

1 Tesaloniki ye 4:6

Wàa ga yɛlɛ wi kapeele pye wi senyɛnnɛ na bi wi nɔ̀ʔɔrɔ kéeli bee làa ni í, Kàfɔw wi nyɛ kérigèle bee myɛ kpéʔelefɔɔlɔ wɔʔɔfɔlɔ, àmɛɛ wolo da sélì yele sàmi n kwɔ́ɔ lè, níì gi joo n gbàn yele ma.