Sélimɛ 22:9 - Cebaara Bible 2010

⁹ Lǎli ni be sáà nan lè tɛ́ɛgi na, gee Kolocɔlɔɔ da tɛ̀ɛn lè, a Abirahami sáriga-wòlo-yafanʔa faan yaà beè, níì kàjeri taani gi na, níì wi jáaw Izaaki pwɔɔ n taʔa sáriga-wòlo-yafaangi ǹjoʔo ni kàjeri na.

Sélimɛ 22:9 Iomraidhean Croise

Sélimɛ 12:7

A Yawe wiyɛɛ dɛ̀ɛn Abirami na níì wi pye: «Mii a tári naa kaan mɔ yodaʔagi ma.» Tɛ́ɛgee ni Yawe wiyɛɛ dɛ̀ɛn Abirami na lè, a Abirami sáriga-wòlo-yafanʔa faan Yawe ma tɛ́ɛgi bee ni.

Sélimɛ 12:8

A Abirami ga yiri yaà beè, a wi fala nyanbeleyi kúlo kàbaan na Betɛli canʔafolomɔ ma, ní sáà wi fànikpaagi kóri, níì Betɛli yaʔa canʔajeemɛ kabangi na, Ayi si i nyɛ canʔafolomɔ kabangi na. A wi níì sáriga-wòlo-yafaangaa faan tɛ́ɛgi bee ni Yawe ma níì Yawe mɛ́ɛgi yeri.

Sélimɛ 13:18

A Abirami wi fànikpaayi kɔ́n n kàriga n pan n baa tɛ́ɛn Mamire syɛni tíiri nínge ni, Heburɔn taana. A wi sáriga-wòlo-yafanʔa faan yaà beè Yawe ma.

Sélimɛ 22:10

Koro kàdoʔo ma a wi kɔ́gi sánʔa n ŋɔ́ni láa bi wi jáaw kɔni.

Sélimɛ 22:8

A Abirahami wi yari: «Dóō, Kolocɔlɔɔ tiimaa wi a sáriga-sórigow bàpile kaan.» A be taʔa n fala n pínɛ ni syée be siinw.

Sélimɛ 8:20

A Nowe sáriga-wòlo-yafanʔa faan Yawe ma níì tàa wòlo yaweecǎnri myɛ, ní féjɛɛnjǎnri myɛ ni n kpéʔele sáriga-sórigoo sáriga-wòlo-yafaangi na.

1 Fànʔafɔbèle 18:33

A wi kàjeri taani níì náapeli cɛnɛ n taʔa kàjeri na.

Ŋúnuyi 118:27

Yawe i nyɛ Kolocɔlɔɔ, wi i gbɛ̀ɛnmɛ yirigi wolo ma. Ye sárigaw yaweele pwɔɔ ní mɛɛngéle ní, ye sa nan sáriga-wòlo-yafaangi nyɛ́ngéle na!

Matye 27:2

A be wi pwɔɔ n kári n sáà kaan Pilati ma, wi lè fànʔafɔw.

Mariki 15:1

A nyǐngi ga tali, a sáriga-wòlobèle kàfɔɔlɔ, ní wolɛɛbèle, ní làlwaw sɛ́bɛwelebéle ní Sanedirɛnw myɛ kpóʔoro n joo n bɛ̀ɛ, níì Zyezu pwɔɔ n kári n sáà kaan Pilati ma.

Kapyegèle 8:32

Tɛ́ɛgee wi da ni wéle lè Kolocɔlɔɔ syɛɛnsɛbɛri ni, koro gi nyɛ gee naa: «Pe n wi cò ni syée tɛɛ̀kpoogi ma, àmɛɛ byà nyɛ lè. Amɛɛ bàpile gáà pyèri lè li síicɛnɛbèle kɔ́yɔ ni, ànbée wi wɔ́ɔ̀ pye, wi ga téè wi nyɔ́ɔgi múgu í.

Galasi ye 3:13

Kirisi n baa wolo syɔɔ làlwaw dánga ma, àmɛɛ wi dángaw yaʔa a wi too woro na wolo sìndɛɛgi ni lè, níì cán ki n sɛ́bɛ níì jo: «Syɔɔn o syɔɔn be cɔ̀rɔ lè tiige na, wee bee n dánga.»

Efɛzi ye 5:2

yaa táanri tàmagi na àmɛɛ Kirisi wɔ́ɔ̀ tàmaga le ní wolo ní lè níì wiyɛɛ gaan Kolocɔlɔɔ ma yakanʔa ní sáriga, wolo kéeli na àmɛɛ nùndaanna yáriga nyɛ lè.

Heburubèle 9:28

ànbée Kirisi wɔ́ɔ̀ pye sáriga tɔlɔgɔ nibin jàngó bi syɛ̀ɛnnɛ saʔa kapeegéle túgoro tugo, wi ga baa wiyɛɛ dɛ̀ɛn tɔziin wógi na, ki a ní pye kapeegèle kéele na í, kàjáa bele be wi sige ní lòmaana ní lè, poro wi a ba syɔɔ.

Zyaki 2:21

Wolo tóolɛɛw Abirahami kapyegèle ban ge wi yaʔa a Kolocɔlɔɔ wi córo syɛɛnsiɔn ì, àmɛɛ wi da wi jáaw Izaaki kaan lè, Kolocɔlɔɔ ma sáriga sáriga-wòlo-yafaangi na lè ì?

1 Pyɛri 2:24

Wi tiimaa maa wolo kapeegèle túgoro tugo wiyɛɛ na tiiparigi na, koro ga pye wolo í kùu kapeegèle kàbaan na si pye sìi na sínni kàbaan na. Yele n pɔʔɔ wi kpúmɔnri námiya báriga ni.