Sélimɛ 22:8 - Cebaara Bible 2010

⁸ A Abirahami wi yari: «Dóō, Kolocɔlɔɔ tiimaa wi a sáriga-sórigow bàpile kaan.» A be taʔa n fala n pínɛ ni syée be siinw.

Sélimɛ 22:8 Iomraidhean Croise

Sélimɛ 18:14

A yarigaa a gbǎn mii Yawe jáa lé? Yɛɛláa ma lǎli mii tɛ̀ɛn lè, mii a pan mɔ ma, Sara a ba nànbile see.»

Sélimɛ 22:14

A Abirahami tɛ́ɛgi bee mɛ́ʔɛ le ni gi yiri Yawe-Yire. Koro na be sèʔé i gi nyuu níjanʔa níì jo: «Wi a taa Yawe nyanbelegi na.»

Sélimɛ 22:7

A Izaaki si kɔ́ɔ̀ wi tóow Abirahami yeri níì jo: «Abaa.» A Abirahami jo: «Mɛ̀ɛ́ mɔ jo, dóō?» A Izaaki jo: «Náagi ní kàjeri i nyɛ wolo ma dee, sán si sáriga-sórigow bàpile nyɛ?»

Sélimɛ 22:9

Lǎli ni be sáà nan lè tɛ́ɛgi na, gee Kolocɔlɔɔ da tɛ̀ɛn lè, a Abirahami sáriga-wòlo-yafanʔa faan yaà beè, níì kàjeri taani gi na, níì wi jáaw Izaaki pwɔɔ n taʔa sáriga-wòlo-yafaangi ǹjoʔo ni kàjeri na.

2 Fànʔafɔbèle 2:6

A Elii wi pye: «Kòro nɛɛ naa, níì cán Yawe n mii tun Zyuridɛnw ma.» A wi wi yari: «Amɛɛ Yawe nyɛ lè sìi na, ní àmɛɛ mɔ pili nyɛ lè sìi na, mii a tée mɔ yaʔa í.» A be myɛ siinw taʔa n fala be kólogi na.

2 Cányi kèlē 25:9

A Amasya Kolocɔlɔɔ syɔ́ɔnw pye: «Mɛ̀ɛ́ si mii a wálifiiw tɔ́nibéle taanri kéele pye, woro wee mii kaan Isirayɛli kapɛɛnkpumɔnbèle kabiga ma lè?» A Kolocɔlɔɔ syɔ́ɔnw wi yari: «Yawe a gbǎn mɔ kaan bi sɔ̀lɔ gee bee na gbanʔama.»

Matye 19:26

A Zyezu i be wéle ní kɔ́ɔ̀ be pye: «Gee bee a gbǎn kpéʔele syɔɔn báriga ni í, kàjáa Kolocɔlɔɔ fánʔa i nyɛ kérigèle myɛ na.»

Zyan 1:29

Koro nyǐndaligi na a Zyan ga Zyezu nyaa wi i maa woro ma, a wi jo: «Ye wéle, Kolocɔlɔɔ Bàpili li maa lee, loro li nyɛ kapeegèle láʔafɔlɔ dulunyanw syɛ̀ɛnnɛ na.

Zyan 1:36

Lǎli ni wi Zyezu nyaa wi i sɔ̀lɔ́ lè, a wi i wi wéle ní kɔ́ɔ̀ jo: «Ye wéle, Kolocɔlɔɔ Bàpili li nyɛ lee naa.»

Tɛ̀ɛnnɛ 13:8

Bele myɛ be nyɛ lè tári na, gee bee n jo syɔɔn o syɔɔn mɛ́ʔɛ gi nyɛ lè sìnzɛbɛ ni nlaa yaà dulunyanw sélimɛ na sìíw sɛ́bɛ ni wi nyɛ lè Bàpili ma, lee pe da kpóo lè, bele bee a ra yaweegi kpɔ̀ʔɔrɔ́.

Tɛ̀ɛnnɛ 5:12

A be i gi nyuu ní yákpogbɔɔlɔ ní níì jo: «Bàpilee pe da kpóo lè, li n nyɔɔ n yɛlɛ ní séew, ní lɔnɛʔɛri, ní sícilimi ní, n fàra bárigaw, ní kpɔ̀ʔɔrɔli, ní nìjangbɔɔri, ní sòololi na.»

Tɛ̀ɛnnɛ 5:6

A mii bàpile nyaa, li maa pye mɔ a jo pe n li kpóo, kàjáa li n yìri n yére fàngoli nínge ni, á sìi yáriyi sicɛrɛ, ní wolɛɛbèle li màʔa. Nyɛngéle kɔrɔsiin maa pye Bàpili na, ní nyapiigèlē kɔrɔsiin ní, gele ge nyɛ lè Kolocɔlɔɔ pìígèle kɔrɔsiin wi tórigo lè dulunyanw tɛ́ɛyɛ myɛ ni.

Tɛ̀ɛnnɛ 7:14

A mii wi yari: «Mii Kàfɔw, mɔ n gi cán n sɔ̀lɔ mii na.» A wi mii yari: «Bele naa be yiri wɔʔɔgbɔɔgi ni níì pe búroyi jée n mùnu Bàpili sìsyaan ni, a yi fílige.