Sélimɛ 22:5 - Cebaara Bible 2010

⁵ Lǎli bee ni a wi gi joo wi falipye-nìgɔcaribèle ma níì jo: «Ye kòro nɛɛ naa ní jòfaniw ní. Mii ní pìíw a lúgu kári yaà mɛ̀ɛ bi sa Kolocɔlɔɔ kpɔ̀ʔɔrɔ si lúru pan yele ma nɛɛ naa.»

Sélimɛ 22:5 Iomraidhean Croise

Sélimɛ 22:19

A Abirahami lúru n pan wi falipye-nìgɔcaribèle ma, a be náa baa pínɛ n kólogi láa n lúru n pan Bɛɛri-Syeba ma. A Abirahami baa kòro beè Bɛɛri-Syeba ni.

Sélimɛ 22:4

Candaanri wógi na a Abirahami ga wi yɛ́ɛgi yìrige n wéle, a wi tɛ́ɛgi nyaa yaà léelige.

Sélimɛ 22:6

A Abirahami sáriga-sórigow kàjere tugo wi jáaw Izaaki na, á woro náagi ní ŋɔ́ni cò wi kɔ́yi ni, a be siinw pínɛ ni táanri ni syée.

Yirile 24:14

A wi gi joo wolɛɛbèle ma níì be pye: «Ye wolo sige nɛɛ naa bi taa wolo í lúru pan yele ma. Aarɔn ní Huri be nyɛ bele ní yele ní, keele ga pye yele wàa ma bi cɔɔnri, ki n yɛlɛ wi kári be ma.»

Heburubèle 11:19

Níì cán Abirahami maa gi tímana ncan fànʔa i nyɛ Kolocɔlɔɔ ma bi tɔ̀nɔ́ gbǎn Izaaki nyán yirige kúbèle nínge ni. A gi wɔ́ɔ baa pye mɔ a jo wi n wi nyán n yirige n kaan wi ma.

Heburubèle 12:1

Gee bee na, àmɛɛ séerafɔ-nɛʔɛbèle bee wolo màʔa àmɛɛ fàfanʔa nyɛ lè, ki n yɛlɛ wolo í wɔ́ɔ yáriri myɛ yaʔa, dee ti a gbǎn wolo yérige lè, kapeele o kapeele li tàli wolo na ni wolo yéregi lè, wo wɔ́ɔ lee bee yaʔa, wáā kàfyaali kpéʔele ní kpàracogo ní, lee tɛɛfǎn-zɔ̀lɔgɔ Kolocɔlɔɔ tɛ̀ɛn wolo na lè.