Sélimɛ 22:4 - Cebaara Bible 2010

⁴ Candaanri wógi na a Abirahami ga wi yɛ́ɛgi yìrige n wéle, a wi tɛ́ɛgi nyaa yaà léelige.

Sélimɛ 22:4 Iomraidhean Croise

Sélimɛ 22:3

Koro nyǐndaligi na, a Abirahami sɔ̀li n yìri nyǐngi nyɔ́ɔ na n sárigaw sórigolo kajere yabala, níì yatɛ́ɛnni taʔa wi jòfaniw na n kólogi láa ni syée tɛ́ɛgi ma, gee Kolocɔlɔɔ tɛ̀ɛn wi na lè. Wi si maa wi falipye-nìgɔcaribèle pèle siin kɔ́ri ni syée n fàra wi jáaw Izaaki na.

Sélimɛ 22:5

Lǎli bee ni a wi gi joo wi falipye-nìgɔcaribèle ma níì jo: «Ye kòro nɛɛ naa ní jòfaniw ní. Mii ní pìíw a lúgu kári yaà mɛ̀ɛ bi sa Kolocɔlɔɔ kpɔ̀ʔɔrɔ si lúru pan yele ma nɛɛ naa.»

2 Fànʔafɔbèle 20:5

«Lúru maa syée mi sa mii syɛ́ɛnbèle kùndigi Ezekyasi pye: ‹Yawe wi lè mɔ toolɛɛgi Davidi Kolocɔlɔw, wi n jo: Mii n mɔ nyɛ́ɛrigi lóʔo, mii n mɔ nyatinmi nyaa. Wéle, mii a mɔ pɔʔɔ. Candaanri wógi na, mɔ a kári Yawe kpáagi ma.

Ɛsitɛri 5:1

A ki ga pye candaanri wógi na, a Ɛsitɛri wi fànʔafɔ-búroyi le n sáà jée n yére fànʔafɔ-gbaagi fungoma kàcoolo ni fànʔafɔ-gbaagi yɛ́ʔɛ ma. Fànʔafɔw si i nyɛ wodɛ́ɛɔn ní wi fǎngi fàngolo na fànʔafɔ-gbaagi ni, kpaaweeli zìnmɛ na.

Yirile 15:22

A Mowizi Isirayɛli ye yɛ́ɛgi kíni n yìri ní be ní Nyɛ́nɛri Solomɔ Lɔ́ʔɔ taana. A be Syuri fìími tára kólogo láa ni syée. A be canya taanri tánʔana kpéʔele fìími tára ni, pe ga lɔ̀ʔɔ taa í.

Yirile 19:11

Pé peyɛɛ zámaga bi kwɔ́ɔ candaanri wógi na. Níì cán candaanri wógi na Yawe a tìgi syɛ́ɛnbèle myɛ nyɛ́nɛ na Sinayii nyanbelegi na.

Yirile 19:15

A wi gi joo syɛ́ɛnbèle ma níì jo: «Ki n yɛlɛ ye yeyɛɛ zámaga ye kwɔ́ɔ canya taanri fúngo ni, yele wàa a kɔ́ nan cɔlɔɔ faala na í.»

Yirile 5:3

A be jo: «Heburubèle Kolocɔlɔɔ wi baa wiyɛɛ dɛ̀ɛn wolo na. Ki yaʔa wolo í canya taanri tánʔana kpéʔele bi kári fìími tára ma bi sa sáriga wòlo Yawe wolo Kolocɔlɔw ma, koro ga pye wi a kɔ́ káfalagi yáama wàlá bi ŋɔséew tɛ́ʔɛ bi wolo kpúmɔn í.»

Oze sɛ́bɛw 6:2

Wi a sìíw kaan wolo ma nɛɛ ní canya siin fúngo ni. Candaanri wógi na wi a wolo yìrige, wolo a kòro sìi na wi yɛʔɛ̀ ma.

Levii ye sáriga-wòlori 7:17

Kaaraa si ga kòro n baa nan candaanri wógi na, ki n yɛlɛ pe di sórigo naà ni.

Córolo 10:33

A be yìri Yawe nyanbelegi taana n kári bi canya taanri tánʔana kpéʔele. A Yawe joogaanni kásu kíni pe yɛ́ɛgi na n cányi taanri tánʔana kpéʔele jàngó bi tɛɛ̀ŋɔndaʔa caa be ma.

Córolo 19:12

Wi a wiyɛɛ jée mùnu ní lǒgi bee ní, candaanri wógi, ní canya kɔrɔsiin wógi na, koro kàdoʔo ma wi a mùnú nyɔɔ. Kàjáa kapye wi ga wiyɛɛ jée n mùnu candaanri wógi, ní canya kɔrɔsiin wógi na í, wi a mùnú nyɔɔ í.

Córolo 19:19

Syɛɛnmunuw a nyari-nyarili kpéʔele syɛɛnnɔnʔɔw na candaanri wógi, ní canya kɔrɔsiin wógi na. Wi a wi jéemununi fáli kpéʔele canya kɔrɔsiin wógi na. Syɛɛnnɔnʔɔw a wi búroyi jée si wéli lɔ̀ʔɔ ni, wi a mùnú nyɔɔ cângwɔɔgi nyɔ́ɔ na.

Córolo 31:19

Yele si na, ye tɛ́ɛn tɛɛkòrogi kàdoʔo ma canya kɔrɔsiin. Yele bele myɛ ye pèle kpóo lè, ní bele myɛ be tánga kpóō na lè, yele a yeyɛɛ jée mùnu candaanri wógi, ní canya kɔrɔsiin wógi na, yele ní bele yele cò n pan lè.

Matye 17:23

pe wi kpóo. Kàjáa candaanri wógi na wi a nyán yiri kúbèle nínge ni. A pìitamabèle fúnyo fala n curugo be na.

Luki 13:32

A wi be yari: «Yaa syée ye sa sɔ́rigi bee pye: ‹Mii i naa ni màdebèle nɛnɛ ni yirigi syɛ́ɛnbèle ni, ní i yáabèle poori níjanʔa, ní nyɛ̀ʔɛna, candaanri wógi na ki a kwɔ́ɔ.›

1 Korɛnti ye 15:4

A be wi tɔ́n, a wi baa nyán n yìri candaanri wógi na àmɛɛ Syɛɛnsɛbɛri níì gi joo lè,

Zyozuwe 1:11

«Ye nyaari ye sɔ̀lɔ ye gi joo Isirayɛli syɛ́ɛnbèle myɛ ma tɛɛkòrogi ni yé be pye: ‹Ki n yɛlɛ ye kôdanʔaliile sámaga, níì cán canya taanri ga kwɔ́ɔ níjanʔa kàdoʔo ma, yele a Zyuridɛnw jeli bi kári sa tári syɔɔ taa, dee Yawe yele Kolocɔlɔw a kaan yele ma lè.› »

1 Samyɛli 26:13

A Davidi jeli kàbangee na n sáà yére yaà léelige nyanbelegi ǹjoʔo ni, larigi gi pye be níngi ni lè, ki maa tɔnɔ.