Sélimɛ 22:3 - Cebaara Bible 2010

³ Koro nyǐndaligi na, a Abirahami sɔ̀li n yìri nyǐngi nyɔ́ɔ na n sárigaw sórigolo kajere yabala, níì yatɛ́ɛnni taʔa wi jòfaniw na n kólogi láa ni syée tɛ́ɛgi ma, gee Kolocɔlɔɔ tɛ̀ɛn wi na lè. Wi si maa wi falipye-nìgɔcaribèle pèle siin kɔ́ri ni syée n fàra wi jáaw Izaaki na.

Sélimɛ 22:3 Iomraidhean Croise

Sélimɛ 17:23

A Abirahami fala n wi pìíw Isimayɛli kɛ́nɛ n fàra bele myɛ na be see wi kpáagi ni lè, ní bele myɛ wi syɔɔ wáli na lè, gee bee n jo nàɔn o nàɔn wi pye wi kpáagi ni lè. A wi bele bee kɛ́nɛ cángi bee wonijanga n yɛlɛ ní gi ní àmɛɛ Kolocɔlɔɔ da gi joo wi ma lè.

Sélimɛ 21:14

A Abirahami sɔ̀li n yìri nyǐngi nyɔ́ɔ na n yaliire láa ní wɔ́ɔ̀ lɔ̀ʔɔ le saliga kpàbi ni n kaan Agari ma, níì di cɔ̀rɔ wi fókaannyungi na, ní wɔ́ɔ̀ wi pìíw kaan wi ma níì wi lúrugo n tórigo. A wi kári n sa ni curugu ni máari Bɛɛri-Syeba fìími tára ni.

Sélimɛ 22:18

Mɔ yodaʔayi kéele ní tári syɛɛnfeleye myɛ a ba ra dùbaw kpéʔele yiyɛɛ ma, níì cán mɔ n lóʔo mii ma.»

Sélimɛ 22:2

A Kolocɔlɔɔ wi pye: «Ki n yɛlɛ mi mɔ piiw Izaaki kɔ́ri maa syée, wi lè mɔ piinibingi, woro wee kéele li mɔ dɛ́nɛ lè. Maa syée ní wi ní Moriya tári ma. Mii ga sáà nyanbelegee tɛ̀ɛn mɔ na lè, mi wi wòlo yaà beè mii ma sáriga-sórigoo.»

Sélimɛ 22:4

Candaanri wógi na a Abirahami ga wi yɛ́ɛgi yìrige n wéle, a wi tɛ́ɛgi nyaa yaà léelige.

Ŋúnuyi 119:60

Mii ga gi yaʔa kàdoʔo ma í, mii n kɔlɔ̀ wári ni sɔ̀ngí mɔ kajoodɛɛngèle kéele na.

Syɛɛnjóow 9:10

Yariga o yariga mɔ kɔ́gi ga taa bàā kpéʔele lè, da gi kpéʔele ní mɔ fangi myɛ ní. Níì cán kapyele, ní katimanana, ní cánna, ní sícilimɛ o yaà kúbèle tɛɛkòrogo ni beè mɔ syée lè í.

Matye 10:37

Syɔ́ɔnwee faala wi ga wi tóow, wàlá wi nɔ́ɔw kéele yaʔa a li wi dɛ́nɛ n sɔ̀lɔ mii wóli na lè, wee bee ga nyɔɔ n yɛlɛ bi pye mii wóo í. Wee pyà ga pye lè nàɔn, wàlá cɔlɔɔ yoo, á wi wi kéeli yaʔa a li wi dɛ́nɛ n sɔ̀lɔ mii wóli na, wee bee ga nyɔɔ n yɛlɛ bi pye mii wóo í.

Luki 14:26

«Syɔ́ɔnwee faala wi ga pan mii ma lè, kapye wi ga mii kéeli yaʔa a li wi dɛ́nɛ n sɔ̀lɔ wi tóow, ní wi nɔ́ɔw, ní wi céw, ní wi pìíbèle, ní wi senyɛnnǎnbèle, ní wi senyɛnjebèle wólo na í, ní wɔ́ɔ̀ mii kéeli yaʔa a li wi dɛ́nɛ n sɔ̀lɔ wiyɛɛ na í, wee bee a gbǎn pye mii pìitamaɔ í.

Galasi ye 1:16

àmɛɛ ki wi dɛ́nɛ bi wi Jáaw tɛ̀ɛn mii na lè jàngó mii í da wi kéeli nyuu syɛɛnfeleyi ma lè, lǎli bee wonijanna ni mii ga syɔɔn faala yíbe í.

Heburubèle 11:8

Tágali báriga ni Abirahami da Kolocɔlɔɔ kayeli lóʔo níì kári tɛɛgaa ma, gee wi a kɔ́ ba taa lè gi pye wi kɔ́rigi. Wi maa yiri ni syée bi gi taa wi da wi kàbangárigi cán í.

Zyozuwe 3:1

A Zyozuwe sɔ̀li n yìri nyǐngi nyɔ́ɔ na. A wi ní Isirayɛli ye myɛ yiri Syitimi ni n kári n sáà nan Zyuridɛnw na. Sáni be jeli lè a be syɔ́ɔn nɛɛ bee.

Zyozuwe 8:10

A Zyozuwe sɔ̀li n yìri nyǐngi nyɔ́ɔ na n kapɛɛnkpumɔnbèle sɛʔɛ, á woro ní Isirayɛli wolɛɛbèle kíni be yɛ́ɛgi na, a be lúgu n kári n sáà nan Ayi na.