Sélimɛ 22:2 - Cebaara Bible 2010

² A Kolocɔlɔɔ wi pye: «Ki n yɛlɛ mi mɔ piiw Izaaki kɔ́ri maa syée, wi lè mɔ piinibingi, woro wee kéele li mɔ dɛ́nɛ lè. Maa syée ní wi ní Moriya tári ma. Mii ga sáà nyanbelegee tɛ̀ɛn mɔ na lè, mi wi wòlo yaà beè mii ma sáriga-sórigoo.»

Sélimɛ 22:2 Iomraidhean Croise

Sélimɛ 17:19

A Kolocɔlɔɔ jo: «Ɛɛn, mɔ céw Sara si a nànbile see mɔ ma, mɔ a ra wi yiri Izaaki. Mii a mii joogaanni yaʔa li kòro wi ma, ní wi yòdaʔayi ma wi kàdoʔo ma li pye bàngwɔɔ joogaanna.

Sélimɛ 21:12

Kàjáa a Kolocɔlɔɔ gi joo Abirahami ma níì wi pye: «Pìíw ní mɔ pulocew kéele ga yɛlɛ bi gbàn mɔ ma í. Gee myɛ Sara ga ni caa mɔ ma lè, ki n yɛlɛ mi fɔ̀lɔ gi na wi ma. Níì cán Izaaki ni mɔ yodaʔayi a yiri, yee na mɔ mɛ́ɛgi a pye lè.

Sélimɛ 21:3

A Abirahami pìíw mɛ́ʔɛ le ni wi yiri Izaaki, wee Sara see wi ma lè.

Sélimɛ 22:12

A wi Abirahami yari: «Mɔ kɔ́lɔ a kɔ́ nan pìíw na í. Mɔ a kɔ́ yafyɛn pye wi na í. Tɔ́ɔliw ni mii n náà gi cán mɔ i fɛ̀ɛgí mii Kolocɔlɔɔ na, àmɛɛ gi nyɛ lè mɔ ga cée mii ma mɔ jáaw na í, wi lè mɔ piinibingi.»

Sélimɛ 22:16

níì wi pye: «Yawe n jo: Amɛɛ mɔ gee naa kpéʔele lè, mɔ ga cée mii ma mɔ piinibingi na í, koro na mii n kàli niyɛɛ na,

Sélimɛ 22:3

Koro nyǐndaligi na, a Abirahami sɔ̀li n yìri nyǐngi nyɔ́ɔ na n sárigaw sórigolo kajere yabala, níì yatɛ́ɛnni taʔa wi jòfaniw na n kólogi láa ni syée tɛ́ɛgi ma, gee Kolocɔlɔɔ tɛ̀ɛn wi na lè. Wi si maa wi falipye-nìgɔcaribèle pèle siin kɔ́ri ni syée n fàra wi jáaw Izaaki na.

Sélimɛ 22:9

Lǎli ni be sáà nan lè tɛ́ɛgi na, gee Kolocɔlɔɔ da tɛ̀ɛn lè, a Abirahami sáriga-wòlo-yafanʔa faan yaà beè, níì kàjeri taani gi na, níì wi jáaw Izaaki pwɔɔ n taʔa sáriga-wòlo-yafaangi ǹjoʔo ni kàjeri na.

Sélimɛ 8:20

A Nowe sáriga-wòlo-yafanʔa faan Yawe ma níì tàa wòlo yaweecǎnri myɛ, ní féjɛɛnjǎnri myɛ ni n kpéʔele sáriga-sórigoo sáriga-wòlo-yafaangi na.

2 Fànʔafɔbèle 3:27

Lǎli bee ni wi nànbiiselili li a dée kɔ́ ba tɛ́ɛn fǎngi na wi sìndɛɛgi ni lè, a wi loro cò n pye sáriga-sórigoo tǒw ǹjoʔo ni. A fundanʔagbɔɔrɔ yìri Isirayɛli ye kánmi na, a be Mowabi fànʔafɔw yaʔa níì lúru n kári be tári ma.

2 Cányi kèlē 3:1

A Salomɔn séli Yawe kpáagi faanna na Zyerusalɛmi ni, Moriya nyanbelegi na, beè Yawe da wiyɛɛ dɛ̀ɛn wi tóow Davidi na lè, tɛ́ɛgi ni, gee Davidi da sámaga Orinan kàsyɔɔgi na lè, wi lè Yebusi ye wów.

Misye 6:7

A Yawe a fɔ̀lɔ lé bàpɔɔlɔ saala kagunɔ kagunɔbèlē saʔa na, wàlá bi fɔ̀lɔ bàndimana sìnlo-nɛʔɛgɛ na? Mii í mii pìiseliw kaan lé mii kakologi kéele na bi mii láagi pìiseeo kaan lé mii tiimaa kapeeli kéele na?

Zyan 3:16

Dulunyanw syɛ̀ɛnnɛ kéele n tɔ̀nɔ n Kolocɔlɔɔ dɛ́nɛ gee bee na wi wi Pìinibingi kaan, jàngó syɔ́ɔnwee faala wi ga tága lè wi na, wee bee a ní kùu í, kàjáa wi a sìibangwɔɔw taa.

Wɔrɔmi ye 5:8

Kàjáa Kolocɔlɔɔ n wi tàmagi tɛ̀ɛn wolo na kánmi naa na, koro gi nyɛ lǎli ni wolo da sèʔê pye lè kapeebyebèlē, a Kirisi baa kùu wolo kéeli na.

Wɔrɔmi ye 8:32

Alí wi ga cée wi tiimaa Jáaw na í, wi n wi kaan wolo myɛ kéeli na, àmɛɛ si wi wi kaan lè, wi a wɔ́ɔ yáriri myɛ kaan wolo ma ní fundaanra ní bi fàra wi na ì?

Heburubèle 11:17

Tágali báriga ni Abirahami da Izaaki cò n wòlo sáriga, lǎli ni Kolocɔlɔɔ wi pye n wéle lè. Woro wee má Kolocɔlɔɔ da nyɔɔfaliyi kpéʔele lè, wi maa wi pìinibingi wòlo sáriga,

Jàbɔbèle 11:31

mii ga yìri yaà Amɔn ye ma n lúru ni maa yɛɛ̀nyinge na, wee wi ga yiri mii kpáagi kpaaweele ni n mii fàra lè, wi a yaʔa kɔlɔ̀ na Yawe ma, mii si wi pye sáriga sórigoo.»

Jàbɔbèle 11:39

A yéyi siin ga kwɔ́ɔ, a wi lúru n pan wi tóow ma. Nyɔɔfaligee tofɔw da kpéʔele lè, a wi baa gi foro wi na, wi si da kɔ́ɔ̀ nàngeele cán í. Lǎli bee ni kalɛɛli naa séli Isirayɛli ni,