Sélimɛ 22:18 - Cebaara Bible 2010

¹⁸ Mɔ yodaʔayi kéele ní tári syɛɛnfeleye myɛ a ba ra dùbaw kpéʔele yiyɛɛ ma, níì cán mɔ n lóʔo mii ma.»

Sélimɛ 22:18 Iomraidhean Croise

Sélimɛ 12:2

Mii a mɔ kpéʔele syɛɛnfele-nɛʔɛgɛ, si dùba taʔa mɔ na, si wɔ́ɔ mɔ mɛ́ɛgi kpɔ́ʔɔ. Mɔ ni syɛɛnsanbèle a ra dùbaw taagi.

Sélimɛ 12:3

Bele pe ga ni dùba kpéʔele mɔ ma lè, mii a dùbaw taʔa bele bee na. Bele si pe ga ni mɔ dángi lè, mii a wɔ́ɔ bele bee dánga. Mɔ ni tári narigbaaya myɛ a ba dùbaw taa.»

Sélimɛ 18:18

Ncan Abirahami tɔ̀nɔ́ i maa ba pye syɛɛnfelegaa tóolɛʔɛ, gee ki a nɛʔɛ lè, ki fǎngi si wɔ́ɔ kpɔ́ʔɔ. Woro ni tári syɛɛnfeleye myɛ a ba dùbaw taa.

Sélimɛ 18:19

Níì cán mii n wi nyɛ́nɛ n wòlo koro ga pye wi gi joo wi gbàn wi kàdoʔomaw ma, pe lè wi pìíbèle ní wi yòdaʔayi, si be pye pe Yawe kólogi sámaga be cò, páā síngi, sáā kérigèle cɔɔnri kányɛɛgi na, koro ga pye gee mii Yawe joo Abirahami kéeli na lè níì jo mii a gi kpéʔele wi ma lè, mii í gi foro.»

Sélimɛ 22:10

Koro kàdoʔo ma a wi kɔ́gi sánʔa n ŋɔ́ni láa bi wi jáaw kɔni.

Sélimɛ 22:3

Koro nyǐndaligi na, a Abirahami sɔ̀li n yìri nyǐngi nyɔ́ɔ na n sárigaw sórigolo kajere yabala, níì yatɛ́ɛnni taʔa wi jòfaniw na n kólogi láa ni syée tɛ́ɛgi ma, gee Kolocɔlɔɔ tɛ̀ɛn wi na lè. Wi si maa wi falipye-nìgɔcaribèle pèle siin kɔ́ri ni syée n fàra wi jáaw Izaaki na.

Sélimɛ 28:14

Mɔ yodaʔayi a ba pye córomɔ fun àmɛɛ támiigi nyɛ lè. Mɔ a ba cariga bi fala canʔajeemɛ, ní canʔafolomɔ, ní solomɔkulo, ní wòrogulo kàbanyi na. Tári narigbaaya myɛ a ba dùbaw taa mɔ ní mɔ yodaʔayi báriga ni.

Ŋúnuyi 72:17

Wi mɛ́ɛgi a kòro yaà làla o làla, wi mɛ́ɛgi a mɔn beè àmɛɛ cángi nyɛ lè. Woro bárigaw ni tári syɛ̀ɛnnɛ a ba ra dùbaw kpéʔele peyɛɛ ma, syɛɛnfeleyi a ba ra wi yiri dùba pyà.

Yirile 7:6

A Mowizi ní Aarɔn gi kpéʔele kélemi n yɛlɛ ní gi ní àmɛɛ Yawe da gi joo n gbàn be ma lè.

Zyeremii 4:2

mɔ ga ni kɛ̀ɛ́ níì jo: ‹Yawe woweew mɛ́ʔɛ na› ní funviire, ní kányɛʔɛ, ní sínnɛ ni, lǎli bee ni syɛɛnfeleyi a ra dùbaw kpéʔele yiyɛɛ ma wi ni, yi a ra yiyɛɛ gbɔ́ʔɔgi wi ni.»

Zyeremii 7:23

Kàjáa syɛ́ɛnree mii joo n gbàn be ma lè toro di nyɛ dee naa, mii n jo: Ye mii jóomi lóʔo, koro ga pye mii í pye yele Kolocɔlɔw, yele si pye mii syɛ́ɛnbèle. Kóloyee ni mii jo yele í da táanri lè, yaa táanri yee bee myɛ ni, jàngó yele í pye dùba pìibēle.

Matye 1:1

Zyezu Kirisi wi lè Davidi ní Abirahami jáaw, wi toolɛɛbèle mɛ́ɛyɛ yi nyɛ yee naa.

Kapyegèle 3:25

Yele i nyɛ kanyaajoobèle pìibēle, ní wɔ́ɔ i nyɛ joogaanni kɔriliibéle, lee Kolocɔlɔɔ da kaan lè wolo tóolɛɛbèle ma lǎli ni wi da gi joo lè Abirahami ma níì jo: ‹Narigbaayi myɛ yi lè tári na, yee bee a ba dùbaw taa mɔ yodaʔagi báriga ni.›

Wɔrɔmi ye 1:3

Syɛɛnjóocǎnri bee i wi Jáaw kéele nyuu, woro wee wi nyɛ lè Zyezu Kirisi, wi lè wolo Kàfɔw, pe n baa wi see Davidi yòdaʔayi ni céri kàbaan na,

Galasi ye 3:16

Kolocɔlɔɔ si maa wi nyɔɔfaliyi kaan Abirahami ní wi yòdaʔagi ma. Ki si da jo yòdaʔanɛʔɛyɛ kéele na í, kàjáa nibin kéele na ki da joo níì jo: «Ki a ba pye mɔ yodaʔagi ma,» yòdaʔagi bee gi nyɛ Kirisi.

Galasi ye 3:18

Níì cán kapye kɔ́rigi mǎà dée gbǎn lìi làlwaw báriga ni, ki a ní dée gbǎn lìi nyɔɔfaligi báriga ni í, kàjáa nyɔɔfaligi báriga ni Kolocɔlɔɔ da kɔ́rigi kaan Abirahami ma.

Efɛzi ye 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní wi lè wi Tóow, woro wee wi Pìicǎnni kpɔ́ʔɔrɔ féleye myɛ kaan lè wolo ma nyɛ̀ʔɛni tɛ́ɛyɛ ni àmɛɛ wolo nyɛ lè Kirisi ni.

1 Samyɛli 2:30

Awá mii maa tɔ̀nɔ n gi joo níì jo mɔ kpáagi wòolo ní mɔ tóow kpaʔa wòolo a kòro mii fáliw na làla o làla.› Yawe wi lè Isirayɛli Kolocɔlɔw, woro wi jo nya. ‹Kàjáa tɔ́ɔliw ni koro a ní kpéʔele í.› Yawe wi jo nya. ‹Níì cán bele be mii kpɔ́ʔɔgi lè, mii a bele bee kpɔ́ʔɔ, bele si be mii faari lè, pe a faʔa.