Sélimɛ 22:12 - Cebaara Bible 2010

¹² A wi Abirahami yari: «Mɔ kɔ́lɔ a kɔ́ nan pìíw na í. Mɔ a kɔ́ yafyɛn pye wi na í. Tɔ́ɔliw ni mii n náà gi cán mɔ i fɛ̀ɛgí mii Kolocɔlɔɔ na, àmɛɛ gi nyɛ lè mɔ ga cée mii ma mɔ jáaw na í, wi lè mɔ piinibingi.»

Sélimɛ 22:12 Iomraidhean Croise

Sélimɛ 20:11

A Abirahami jo: «Mii maa gi tímana n jo Kolocɔlɔɔ yɛ́ɛgi fyáara a pye tɛ́ɛgi naa ni í. Pe a mii kpóo mii céw kéele na.

Sélimɛ 22:13

A Abirahami yɛ́ɛgi yìrige níì kàri n wéle n bàpɔlɔ nyaa wiyɛɛ kàdoʔo ma a wi nyɛ́ngèle nyára tiipiige ni. A wi sáà wi cò n baa wòlo sáriga-sórigoo wi jáaw sìndɛʔɛ ni.

Sélimɛ 22:16

níì wi pye: «Yawe n jo: Amɛɛ mɔ gee naa kpéʔele lè, mɔ ga cée mii ma mɔ piinibingi na í, koro na mii n kàli niyɛɛ na,

Sélimɛ 22:2

A Kolocɔlɔɔ wi pye: «Ki n yɛlɛ mi mɔ piiw Izaaki kɔ́ri maa syée, wi lè mɔ piinibingi, woro wee kéele li mɔ dɛ́nɛ lè. Maa syée ní wi ní Moriya tári ma. Mii ga sáà nyanbelegee tɛ̀ɛn mɔ na lè, mi wi wòlo yaà beè mii ma sáriga-sórigoo.»

Sélimɛ 26:5

Níì cán Abirahami maa mii jóomi lóʔo níì mii tundunri, ní mii kajoogèle, ní mii nyɛ́nɛ kérigèle, ní mii làlwaw kèlē sámaga n cò.»

Sélimɛ 42:18

A ki ga pye candaanri wógi na, a Zyozɛfu be pye: «Ki n yɛlɛ ye gee naa kpéʔele koro ga pye yele í koro sìi na. Níì cán mii i fɛ̀ɛgí Kolocɔlɔɔ na.

Nehemii 5:15

Guvɛrinɛɛri-sélibèle be pye mii yɛ́ʔɛ ma lè, poro maa gi gbàn syɛ́ɛnbèle na, ni yaliiri, ní dùvɛɛnw syoo be ma n fàra wálifiio támabéle togoye siin-ziin na. Alí be falipye-nìgɔcaribèle maa ni fǎngi kpéʔele syɛ́ɛnbèle na. Mii si ga koro kàa kpéʔele í, àmɛɛ mii fɛ̀ɛgí Kolocɔlɔɔ na lè.

Zyɔbi 1:1

Nànwaa maa pye yaà Usi tári ni, pe i wi yiri Zyɔbi. Wi maa tɔ̀nɔ n pye kajoolo fun syɔ́ɔn, níì sín. Wi maa ni fɛ̀ɛgí Kolocɔlɔɔ na, ní i còʔoró kapeebyeri na.

Zyɔbi 28:28

Koro kàdoʔo ma a wi syɔɔn pye: ‹Wéle, gee gi nyɛ lè Kàfɔw yɛ́ʔɛ fyáara, koro gi nyɛ sícilimi. Bàā còʔoró kapeegi na, koro gi nyɛ cánni.› »

Zyɔbi 5:19

Wi a mɔ syɔɔ wɔʔɔgi ma tɔlɔyɔ kɔrɔni, tɔlɔyɔ kɔrɔsiin wógi na, kapeegi a nan mɔ na í.

Ŋúnuyi 1:6

Níì cán Yawe n syɛɛnsinbèle kólogo cán, syɛɛnpeebèle kólogo si i syée kálagili ma.

Ŋúnuyi 111:10

Yawe yɛ́ɛgi fyáara di nyɛ sícilimi sélimɛ. Wi syɛ́ɛnri còvɔɔlɔ myɛ i yákiricàɔn taagi di ni. Wi sòololi a kòro beè làla o làla.

Ŋúnuyi 147:11

Bele be fɛ̀ɛgí Yawe na lè, poro kéeli li wi dɛ́nɛ, poro bele pe be sɔ̀ngumi taʔa wi funjǎngi na lè.

Ŋúnuyi 2:11

Yaa Yawe fáliw kpéʔele ní wi yɛ́ɛgi fyáara ní, yaa fundaanra kpéʔele ní cɛ̀lɛlɛ ní.

Ŋúnuyi 25:12

Syɔ́ɔnwee wi fɛ̀ɛgí Yawe na lè, kólogee wi yɛlɛ bi láa lè, Yawe n ni gi tèé wi na.

Ŋúnuyi 25:14

Bele be fɛ̀ɛgí Yawe na lè, wi fúngi kalarala i nyɛ bele bee wólo, wi a wi joogaanni tɛ̀ɛn bele bee na.

Yirile 20:20

A Mowizi be yari: «Yele a kɔ́ ra fɛ̀ɛgí í, níì cán gee na Kolocɔlɔɔ pan lè, koro gi nyɛ bi ba yele sɛʔɛ wéle, koro ga pye yele í da fɛ̀ɛgí woro na, jàngó yele a kɔ́ ra kapeegèle kpéʔele í.»

Kàseegèle 1:7

Yawe yɛ́ɛgi fyáara di nyɛ cánni sélimɛ. Nilabalabèle i sícilimi ní tamani faari.

Syɛɛnjóow 12:13

Wo syɛ́ɛnri myɛ kwɔ́ɔmɔ lóʔo, poro bi nyɛ: Da fɛ̀ɛgí Kolocɔlɔɔ na, mí wi kajoodɛɛngèle sámaga mi cò. Koro gi nyɛ syɔɔn myɛw.

Zyeremii 19:5

Pe n sáriga-wòlo-tɛ́ɛyɛ faan Baali ma bàā be jáabèle sórogi náagi ni, sáriga-sórigoo Baali ma, gee gi lè mii da gi kéeli joo n gbàn í, gee gi lè mii da joo gi na í, gee gi lè ki da caà jée mii sɔ̀nguri ni í.

Zyeremii 32:40

Mii a bàngwɔɔ joogaanna kpéʔele ní be ní, mii a ní wàli bi láʔa be na í, mii a kacànga kpéʔele be na, mii a mii yɛ́ɛgi fyáara lége be fúnyi ni, koro ga pye pe a ní kɔ́ wàli bi láʔa mii na í.

Matye 16:24

Lǎli bee ni a Zyezu gi joo wi pìitamabèle ma níì jo: «Syɔ́ɔnwee faala wi ga ni caa bi taʔa mii na lè, ki n yɛlɛ wi wi nyɛnɛ kérigèle yaʔa wi wi tiiparigi láa waa maa mii kurugo.

Matye 19:29

Syɔ́ɔnwee faala si ga wi kpáayi, ní wi senyɛnnǎnbèle, ní wi senyɛnjebèle, ní wi tóow, ní wi nɔ́ɔw, ní wi pìíbèle, ní wi séyi yaʔa lè mii mɛ́ɛgi kéele na, wee bee a di feleye saʔa taa bi fàra sìibangwɔɔw na.

Matye 5:16

Kánmi bee na gi yɛlɛ yele í yele gbɛ̀ɛ́nmi yaʔa paa nyín paa yirigi syɛ́ɛnbèle ma, jàngó paa yele kapyejǎngèle nyaagi, sáā yele Tóow kpɔ̀ʔɔrɔ́, wi lè nyɛ̀ʔɛni na.

Zyan 3:16

Dulunyanw syɛ̀ɛnnɛ kéele n tɔ̀nɔ n Kolocɔlɔɔ dɛ́nɛ gee bee na wi wi Pìinibingi kaan, jàngó syɔ́ɔnwee faala wi ga tága lè wi na, wee bee a ní kùu í, kàjáa wi a sìibangwɔɔw taa.

Kapyegèle 9:31

Lǎli bee ni a Egiliziw yɛɛ̀nyinge taa Zyude tári, ní Galile tári, ní Samarii tári tɛ́ɛyɛ myɛ ni. A kàa i taari be tágali na, a be i táanri Kàfɔw yɛ́ʔɛ fyáara na, ní i nɛʔɛgi gbanʔama Pìicǎnni dɛ̀ɛmɛnɛ báriga ni.

Wɔrɔmi ye 5:8

Kàjáa Kolocɔlɔɔ n wi tàmagi tɛ̀ɛn wolo na kánmi naa na, koro gi nyɛ lǎli ni wolo da sèʔê pye lè kapeebyebèlē, a Kirisi baa kùu wolo kéeli na.

Wɔrɔmi ye 8:32

Alí wi ga cée wi tiimaa Jáaw na í, wi n wi kaan wolo myɛ kéeli na, àmɛɛ si wi wi kaan lè, wi a wɔ́ɔ yáriri myɛ kaan wolo ma ní fundaanra ní bi fàra wi na ì?

1 Korɛnti ye 10:13

Kagbanna ga kɔ́ɔ̀ too yele na, lee li lè li ga kɔ́ɔ̀ too n nyaa syɔɔn na í. Kolocɔlɔɔ i nyɛ tágala syɔ́ɔn, wi a fɔ̀lɔ kagbanna í too yele na bi yele jáa í. Kàjáa làa ga too yele na, wi a séew kaan yele ma yele í li jáa bi yiri li ni.

2 Korɛnti ye 8:12

Kapye ki i nyɛ syɔɔnwaa fúngo ni bàā kaangi, Kolocɔlɔɔ a fɔ̀lɔ syɔ́ɔnw bee yakanʔa na bi yɛlɛ ní wi taaganmi ní, dee di lè ti o nyɛ wi ma í, toro kéele o gi ni í.

Heburubèle 11:19

Níì cán Abirahami maa gi tímana ncan fànʔa i nyɛ Kolocɔlɔɔ ma bi tɔ̀nɔ́ gbǎn Izaaki nyán yirige kúbèle nínge ni. A gi wɔ́ɔ baa pye mɔ a jo wi n wi nyán n yirige n kaan wi ma.

Heburubèle 12:28

Gee bee na gi yɛlɛ waa bariga kaangi Kolocɔlɔɔ ma, àmɛɛ wolo a fǎngi taa lè, gee gi nyɛ lè ki a gbǎn cúngo í, wáā báara wi ma ní sínnɛ ní, n fàra wi yɛ́ɛgi fyáara na, bi yɛlɛ ní wi kínidɛnɛgi ní.

Zyaki 2:18

Wàa a wɔ́ɔ gbǎn gi joo wee ma wi joo lè tágali i nyɛ woro ma, si wi pye: «Mɔ n joo tágali i nyɛ mɔ ma, mii si na, kapyegèle i nyɛ mii ma. Mi mɔ tágali tɛ̀ɛn mii na kapyegèle fun ni, mii si a mii wóli tɛ̀ɛn mɔ na mii kapyegèle báriga ni.»

Tɛ̀ɛnnɛ 19:5

A mii yákpolo lóʔo fàngoli ni a li jo: «Yaa wolo Kolocɔlɔw sòoló, yele bele myɛ ye nyɛ lè wi púlobèle ní i wi fɛ̀ɛgí, n woyilibèle fàra wogbolobèle na!»

1 Samyɛli 15:22

A Samyɛli jo: «A sáriga-sórigow ní sárigasanw kéele Yawe dɛ́nɛ lé n sɔ̀lɔ Yawe jóomi lóʔolo na? Wéle, lóʔoli n pɔ́rɔ n sɔ̀lɔ sárigaw na. Bi miyɛɛ jɛ́rɛw n pɔ́rɔ n sɔ̀lɔ bàpɔbèle sìnmɛ na.