Sélimɛ 21:9 - Cebaara Bible 2010

⁹ Agari wi lè Ezyipiti ye wów, pìíwee wi see Abirahami ma lè, a Sara wee bee nyaa wi i tɛ́ʔɛ.

Sélimɛ 21:9 Iomraidhean Croise

Sélimɛ 16:1

Abirami céw Sarayi da pyà see wi ma í. Pulocewaa si maa pye Sarayi ma, Ezyipiti ye wóo, pe i wi yiri Agari.

Sélimɛ 16:15

A Agari baa nànbile see Abirami ma. Pìíwee Agari see lè, a Abirami wi mɛ́ɛgi le Isimayɛli.

Sélimɛ 17:20

Gee si mɔ joo Isimayɛli kéeli na lè, mii n gi lóʔo. Mii a dùbaw taʔa wi na. Mii a wi yaʔa wi tɔ̀nɔ́ see saʔa bi wi kpéʔele syɛɛnnɛʔɛmɛ. Wi a fànʔafɔbiigéle kɛɛ ní siin see. Mii a wi kpéʔele syɛɛnfelege, gee ki a tɔ̀nɔ́ nɛʔɛ lè.

Sélimɛ 21:8

A pìíw baa fuguri, a be wi láʔa yíremi na. Cángi na be wi láʔa yíremi na lè, a Abirahami lìigbɔɔlɔ sámaga.

2 Cányi kèlē 30:10

A tundun-jólogobèle sɔ̀lɔ n màʔa kěyi ni kánmi bee na Efirayimi, ní Manase tári ni, fwɔɔ n sáà nan Zabulɔn na. Kàjáa pe maa ni be tɛ́ʔɛ ní i peyɛɛ nyɛ́nɛ be na.

2 Cányi kèlē 36:16

Kàjáa a be i peyɛɛ nyɛ́nɛ Kolocɔlɔɔ tundunbèle na pe da ni wi syɛ́ɛnri córo í, a be i wi kanyaajoobèle kpàná fwɔɔ n taa a Yawe fundanʔagbɔɔri baa yìri be kurugo, tiinmɛ ga níì pye gi na í.

Zyɔbi 30:1

«Kàjáa tɔ́ɔliw ni, bele be cɛ́rɛ n sɔ̀lɔ mii na lè, mii i nyɛ bele bee má kataanra yála, poro bele tòōlo be lè pe da pye mii má yarigaa í, mii í caa be córo mii bànaʔa-pɔ́nbèle nínge ni í.

Ŋúnuyi 22:6

Pe maa ni yákpogèle wáa mɔ kurugo, a be i syoo, pe maa be sɔ̀ngumi taʔa mɔ na, fɛ̀ɛrɛ ga be taa í.

Ŋúnuyi 42:10

Mii a gi joo Kolocɔlɔɔ ma wi lè mii Fálagi, si jo: «Nyàʔá na mɔ fɛ̀ʔɛ mii na? Nyàʔá na mii yɛlɛ bàā táanri funbɛɛnrɛ na kagbanyi báriga ni mii nigoow taari mii na lè?»

Kàseegèle 20:11

Alí nìgɔcaripile i li kánmi tèé li kapyegèle báriga ni, bi gi tɛ̀ɛn kapye li tánʔaganmi a pye dìgire fun, si sín.

Kàseegèle 22:10

Nɛ̀ɛnyɛnɛgi fɔ́lɔ nɛnɛ, kàsiiw a kwɔ́ɔ. Kàfulogi ní faʔari a kwɔ́ɔ.

Kayaagi Nyɛnigɛ 1:7

N Zyerusalɛmi yaʔa wi wɔʔɔgi, ní wi fóomi ní, a wi i sɔ̀ngí ni taagi wi yacanri myɛ kéele na ti da pye wi ma lè booma cányi ni. Lǎli ni wi syɛ́ɛnbèle da ni tuun nigoow kúruyo láara ni lè, dɛ̀ɛmɛfɔlɔ fun ni, wi kàsiitun-nyɛ́nbèle maa ni gee bee nyaagi, ní i wi tooli kéele tɛ́ʔɛ.

Galasi ye 4:22

Níì cán ki n sɛ́bɛ níì jo nànbiigéle siin maa pye Abirahami ma, wi maa nibin see wi pulocew na ní wɔ́ɔ̀ nibin see wi wɔ́rɔjew na.

Galasi ye 4:29

Pìíwee si pe da see lè n yɛlɛ ní céri kánma ní, àmɛɛ wee bee da ni Kolocɔlɔɔ Pǐli kólogo wóo wɔʔɔ lè, ànbée gi wɔ́ɔ̄ kpéʔele tɔ́ɔliw ni.

Heburubèle 11:36

Pèle nikwɔɔlɔ maa faʔara taa ní wɔ́ɔ̀ sapiigèle kpúmɔnrɔ syɔɔ, á be pèle nikwɔɔlɔ pwɔɔ níì be le kàsow ni.