Sélimɛ 21:8 - Cebaara Bible 2010

⁸ A pìíw baa fuguri, a be wi láʔa yíremi na. Cángi na be wi láʔa yíremi na lè, a Abirahami lìigbɔɔlɔ sámaga.

Sélimɛ 21:8 Iomraidhean Croise

Sélimɛ 19:3

Kàjáa Lɔti maa tɔ̀nɔ n wári be na gbanʔama. A be lúru n kári n sáà tìrige wi kpáagi ni. A wi sámaga n sɔʔɔ be na níì levé fun búru sámaga, a be lìi.

Sélimɛ 21:7

A wi níì jo: «Wìí wi a dée gi joo Abirahami ma si wi pye Sara a kɔ́ pìibēle kaan be ŋɔri? Koro ní ki myɛ ní mii n nànbile see wi ma wi lɛɛgwɔɔri làla ni.»

Sélimɛ 21:9

Agari wi lè Ezyipiti ye wów, pìíwee wi see Abirahami ma lè, a Sara wee bee nyaa wi i tɛ́ʔɛ.

Sélimɛ 26:30

A Izaaki lìigbɔɔlɔ sámaga be ma, a be lìi níì gbaa.

Sélimɛ 29:22

A Laban tɛ́ɛgi bee syɛ̀ɛnnɛ myɛ yeri n kpóʔoro níì lìigbɔɔlɔ sámaga.

Sélimɛ 40:20

Candaanri wógi bee si maa pye Faraɔnw canzeʔe yɛɛgbara fɛ́tii. A wi lìigbɔɔlɔ sámaga wi syɛɛnkpolobèle myɛ ma. Wee wi pye fànʔafɔw yagbaʔa sámagala nyúngo na lè, ní wee wi pye wi búruw sámagala nyúngo na lè, a wi be nyúnyi yìrige wi syɛɛnkpolobèle nínge ni.

2 Samyɛli 3:20

A Abinɛɛri sáà nan Davidi na Heburɔn ni, woro ní nànbēle toko, bele pe da pínɛ n kári ní wi ní lè. A Davidi lìigbɔɔlɔ sámaga Abinɛɛri ní nǎnbèle na be pye ní wi ní lè.

1 Fànʔafɔbèle 3:15

A Salomɔn ga yìri ŋúnɔmi na a wi gi nyaa ŋúnɔgɔ. A Salomɔn lúru n pan Zyerusalɛmi ma ní baa yére Yawe joogaanni kásu yɛ́ʔɛ ma, níì sáriga-sórigoo wòlo, n fàra pínɛnyɛnnɛgɛ sáriga na, níì lìigbɔɔlɔ sámaga wi falipyebèle myɛ na.

Ɛsitɛri 1:3

wi fǎngi yɛɛdaanri wólo na, a wi lìigbɔɔlɔ sámaga wi kùndigibèle ní wi falipyebèle myɛ ma, ní Pɛrisi ní Mɛdi ye sùlasiibèle ma, n fàra tátɛɛyi mɛ́ɛyɛ fɔɔlɔ, ní guvɛrinɛɛribèle na.

Ŋúnuyi 131:2

Koro kàa ban í, mii i mii fúngi nyíngi ní i pyèrí, àmɛɛ pyà nyɛ lè wi nɔ́ɔw taana, wee be láʔa yiremɛ na lè. Mii fúngi i nyɛ mii ma àmɛɛ pyà nyɛ, wee be láʔa yiremɛ na lè.

Oze sɛ́bɛw 1:8

A wi Lo-Uruhama láʔa yíremi na, ní níì yére fícɛnnaa na n nànbile see.

Jàbɔbèle 14:10

A Samisɔn tóow kári céw tɛ́ʔɛ ma. A Samisɔn sáà liigbɔɔlɔ sámaga yaà, níì cán kánmi bee na nìgɔcaribèle da ni gi kpéʔele.

Jàbɔbèle 14:12

A Samisɔn be pye: «Mii a kàseele wáa yele ma, yele ga li fílige n joo mii ma lìigbɔɔli canya kɔrɔsiin fúngo ni, yele ga li kɔ́n, mii a buroyo toko ní kpɔrigɔ kaan yele ma bi fàra fɛ́tii canya búroyo toko ní kpɔrigɔ na.

1 Samyɛli 1:22

Kàjáa Ani da lúgu n kári í. Níì cán wi maa wi nǎnw pye: «Lǎli ni pìíw ga láʔa yíremi na lè, mii a kári ní wi ní bi sa wi tɛ̀ɛn Yawe na, wí kòro yaà làla o làla.»

1 Samyɛli 1:24

Lǎli ni wi wi láʔa yíremi na lè, a wi kári ní wi ní Yawe kpáagi ma Silo ma. Wi si maa yɛ̀ʔɛlɛ taanri náapɛɛlɛ cò n kári n fàra míimɛ gɔnvaʔa-nyɛ́nnɛ, ní dùvɛɛn kpàbi-nyɛ́nnɛ na. Pìíw si maa cɛ́rɛ.

1 Samyɛli 25:36

A Abigayili sáà nan Nabali na n wi nyaa lìigbɔɔlɔ na wi kpáagi ni àmɛɛ fànʔafɔlɔ lìigbɔɔlɔ nyɛ lè. Wi maa pye fundaanra na, níì tɔ̀nɔ n gbaa n tín wi ga yafyɛn joo n tɛ̀ɛn wi na í fwɔɔ n taa a nyǐngi baa tali.