Sélimɛ 21:7 - Cebaara Bible 2010

⁷ A wi níì jo: «Wìí wi a dée gi joo Abirahami ma si wi pye Sara a kɔ́ pìibēle kaan be ŋɔri? Koro ní ki myɛ ní mii n nànbile see wi ma wi lɛɛgwɔɔri làla ni.»

Sélimɛ 21:7 Iomraidhean Croise

Sélimɛ 17:17

A Abirahami too n yɛ́ɛgi cíbele tári na ní i gi tɛ́ʔɛ. Níì gi joo wiyɛɛ fúngi ni níì jo: «Nàɔn í yɛ̀ʔɛlɛ dabata taa lé si ní gbǎn pyà see? Ba Sara wi yɛ̀ʔɛlɛ togoye sicɛrɛ ní kpɔrigɔ taa lè, woro í gbǎn pyà see lé?»

Sélimɛ 18:13

A Yawe gi joo Abirahami ma níì jo: «Nyàʔá na Sara gi tɛ́ʔɛ ní i gi nyuu níì jo: ‹Kányɛʔɛ na a mii a ní gbǎn pyà see lé, mii wi lɛɛ n kwɔ́ɔ lè wee?›

Sélimɛ 21:8

A pìíw baa fuguri, a be wi láʔa yíremi na. Cángi na be wi láʔa yíremi na lè, a Abirahami lìigbɔɔlɔ sámaga.

1 Fànʔafɔbèle 11:20

A Tapenɛsi cɔnɔw wi jáaw Genubati see wi ma. A Tapenɛsi wi láʔa yíremi na n yaʔa Faraɔnw kpaʔa ni. A Genubati kòro Faraɔnw kpaʔa ni ní Faraɔnw jàala ní.

1 Fànʔafɔbèle 3:21

Nyǐnjerigi na a mii baa yìri níì jo mii a mii pìíw kaan wi ŋɔri, a mii wi nyaa woguuo ní. A nyǐngi ga tali, a mii wi sámaga n wéle n gi nyaa mii pìíw mii see lè, woro ban í.»

Ŋúnuyi 86:10

Níì cán mɔ n kpɔ́ʔɔ, mɔ i kakpoloyo kpéʔele, mɔ nibin wi nyɛ Kolocɔlɔɔ.

Ŋúnuyi 86:8

Kolocɔlɔwaa o nyɛ mɔ félege kolocɔlɔbèle nínge ni í, Kàfɔw, mɔ kapyegèle félege o nyɛ í.

Ezayi 49:21

Mɔ si a gi joo miyɛɛ fúngi ni si jo: ‹Wìí syɔ́ɔn wi be see n kaan mii ma? Níì cán mii maa bɔ̀nɔ pìibēle ni, mii maa pye cenaa-sìnzeeo. Mii maa cò n kári, mii maa pye cewaa, wee be yaʔa lè, wìí si wi be gbóo? Mii maa pye mii nibin, sán si bele naa da pye?› »

Ezayi 66:8

Wìí wi kɔ́ɔ̀ gee naa félege lóʔo? Wìí wi kɔ́ɔ̀ gi felege nyaa? A pe a gbǎn tányɔɔgaa see lé canʔa nibin ni? A pe a gbǎn syɛɛnfelegaa see lé làla nibin ni? Fícɛnni yáama séliganma terire, a Siyɔn wi jáabèle see.

Zyeremii 20:15

Nǎnwee wi sáà syɛ́ɛnri naa joo mii tóow ma lè, níì wi pye: «Pe n pyà see mɔ ma nànbile,» níì wi kaan a wi nyìn fundaanri na lè, ki n yɛlɛ syɔ́ɔnw bee í dánga!

Córolo 23:23

Dɛ̀ɛ́mi a gbǎn yafyɛn pye Zyakɔbi na í. Kanyaajoori a gbǎn yafyɛn pye Isirayɛli na í. Làridɛ̀ɛ́nni ni ki a ba joo Zyakɔbi ní Isirayɛli kéeli na, gee Kolocɔlɔɔ kpéʔele lè.

Efɛzi ye 3:10

koro ga pye woro í ba wi síciligbɔɔmi tɛ̀ɛn tɔ́ɔliw ni nyɛ̀ʔɛni fànʔafɔɔlɔ, ní nyɛ̀ʔɛni séekpɔɔɔ fɔɔlɔ na Egiliziw báriga ni,

2 Tesaloniki ye 1:10

lǎlee ni wi a pan ba kpɔ́ʔɔri taa wi syɛɛncanbèle kéele na lè, tágafɔbèle myɛ si ba ra káama wi na cángi bee. Yele wɔ́ɔ i nyɛ bele bee pèle, níì cán yele n tága wolo séeraw na.