Sélimɛ 21:21 - Cebaara Bible 2010

²¹ Paran fìími tára ni wi da tɛ́ɛn. A wi nɔ́ɔw sáà Ezyipiti ye céwaa láa n baa kaan wi ma.

Sélimɛ 21:21 Iomraidhean Croise

Sélimɛ 14:6

Horii ye si na, pe maa poro jáa pe nyanbeleyi na yi lè Seyiiri wóyi, níì be kɔ́ri n láa fwɔɔ n sáà nan Ɛli-Paraan na, ki nyɛ lè fìími tára taana.

Sélimɛ 16:3

Lǎli bee ni a Sarayi wi pulocew Agari cò wi lè Ezyipiti ye wów n kaan wi nǎnw Abirami ma wi pye wi cɔɔ̀. Abirami si maa yɛ̀ʔɛlɛ kɛɛ taa n kwɔ́ɔ Kanaan tári ni.

Sélimɛ 25:18

A Isimayɛli yòdaʔayi tɛ́ɛn tɛ́nɛmee ni bi nyɛ lè Havila, ní Syuri níngi ni. Syuri i nyɛ Ezyipiti taana Asirii tári kàbaan na. A Isimayɛli yòdaʔayi tɛ́ɛn n yɛʔɛ̀ wáa yi senyɛnbèle bele myɛ ma pe wɔ́ɔ̄ nyɛ lè Abirahami pìibēle.

Sélimɛ 27:46

A Erebeka gi joo Izaaki ma níì wi pye: «Sìíw láa n kwɔ́ɔ mii ni Hɛti calipiigèle gele kéele na. Zyakɔbi ga wɔ́ɔ níì Hɛti yòdaʔayi wówaa pɔri, tári naa cewaa, àmɛɛ bele bee nyɛ lè, nyùngìí ki a ní pye gi na mii í pye naa sìi na?»

1 Fànʔafɔbèle 11:18

Pe yiri lè Madyan ni, a be kári Paran ma n sáà Paran nǎnbèle pèle kɔ́ri n pínɛ ní peyɛɛ ní n kári Ezyipiti ma, Faraɔnw ma, wi lè Ezyipiti fànʔafɔw. A woro kpaʔa kaan wi ma, ní i yaliiri kaangi wi ma, ní wɔ́ɔ̀ tára kaan wi ma.

2 Cányi kèlē 24:3

Yehoyada maa càbala siin pɔri n kaan Zyowasi ma, poro bele na wi nànbiigéle ní calipiigèlē see lè.

Zyeremii 29:6

Yaa cèpɔrigi kpéʔele, yaa nànbiigéle ní calipiigèlē sii, yaa càbala pɔri yaa kaangi yele jáabèle ma, yáā yele calipiigèle pɔri nànbēle ma, koro ga pye kaa nànbiigéle ní calipiigèlē sii, yaa nɛʔɛgi tɛ́ɛgee ni yele nyɛ lè, yele a kɔ́ ra cɛ́rɛgi í.

Habakuki 3:3

Kolocɔlɔɔ n yìri Teman ma ni maa, wojanw n yìri Paran nyanbelegi ma ni maa. Ŋɔ́ndaala Wi kpɔ́ɔmi n nyɛ̀ʔɛgèle tɔ́n, tári n nyìn wi sòololi na.

Córolo 10:12

A Isirayɛli ye yìri Sinayii fìími tára ni n yɛlɛ ní gee ní gi joo n gbàn pe káriganmi kéele na lè. A fàfaangi sáà tìgi n yére Paran fìími tára ni.

Córolo 12:16

Koro kàdoʔo ma a syɛ́ɛnbèle yìri Haserɔti ni n kári n sáà tɛ́ɛn Paran fìími tára ni.

Córolo 13:26

Pe pan lè a be kári Mowizi, ní Aarɔn, ní Isirayɛli syɛ́ɛnmi myɛ ma Kadɛsyi ma, Paran fìími tára ni. Gee be sáà taa yaà lè, a be gi joo n tɛ̀ɛn pe ní syɛ́ɛnmi myɛ na, níì tári yasanra tɛ̀ɛn be na.

Córolo 13:3

N be yaʔa Paran fìími tára ni, a Mowizi be tun n yɛlɛ ní Yawe syɛ́ɛnri ní wi da joo n gbàn lè. Nǎnbèle bee myɛ maa pye Isirayɛli ye kùndigibéle.

1 Korɛnti ye 7:38

Gee bee na wee pyà wi lè wi ga kɔ́ɔ̀ nàngeele cán í, á wi gi nyaa woro a wi yaʔa nàɔn ma wi wi pɔri, wee bee n kacànna pye, wee si wi wi wów yaʔa lè nàɔn ga wi pɔri í, woro n gi kpéʔele a gi nyɔɔ n sɔ̀lɔ.

Jàbɔbèle 14:2

A wi ga lúru n pan, a wi baa gi joo wi tóow ní wi nɔ́ɔw ma níì jo: «Mii n sáà cewaa nyaa Timina ni, Filisitini ye calipiigèle nínge ni. Tɔ́ɔliw ni ye sa wi nyɛ́ɛri ye ba kaan mii ma wi pye mii céw.»

1 Samyɛli 25:1

A Samyɛli baa kùu. A Isirayɛli ye myɛ peyɛɛ gbóʔoro bi ba wi kùúgi kpéʔele, a pe baa wi tɔ́n wi kpáagi ni Arama ni. A Davidi yìri n tìgi n kári Paran fìími tára ma.