Sélimɛ 21:16 - Cebaara Bible 2010

¹⁶ níì kári n sáà tɛ́ɛn yaà yɛʔɛ̀ ma sedege ŋáʔa léeliganma na. Níì cán wi maa gi joo níì jo: «Pìíw ga yɛlɛ wi kɔ kùu mii nyɛ́nɛ na í.» A wi sáà canʔana n tɛ́ɛn yaà wi zǐnmi na ni nyaan.

Sélimɛ 21:16 Iomraidhean Croise

Sélimɛ 21:15

Lǎli ni sáligi kpàbi lɔ̀ʔɔ baa kwɔ́ɔ lè, a Agari sáà wi pìíw kàriga n yaʔa tiipiigaa láara ni,

Sélimɛ 27:38

A Ezau wi tóow yari: «Dùbaw bee yagana si lé wi nyɛ mɔ ma? Ki n yɛlɛ mi wɔ́ɔ dùbawaa kpéʔele mii ma, Abaa.» Níì fala ni nyaan ni yákpogi wáa.

Sélimɛ 29:11

Koro kàdoʔo ma a Zyakɔbi Arasyɛli syɔɔnri syɔɔnri, níì fala ni nyaan ni yígi.

Sélimɛ 44:34

Níì cán kanmìí na mii a gbǎn kári sɛ́ɛ mii tóow ma nìgɔcaripili kàdoʔo na? Ee! Ki ga yɛlɛ mii í tɔ̀nɔ́ mii tóow wɔʔɔgɔ yɛ́ʔɛ nyaa í.»

1 Fànʔafɔbèle 17:12

A wi wi yari: «Amɛɛ Yawe mɔ Kolocɔlɔw nyɛ lè sìi na, yaliisɔʔɔgwɔɔlɔ faala o nyɛ mii ma í, míimɛ kɔ́bonyɛnnɛ li kòro yaà mii ma kòdɔɔlɔ ni n fàra sìnmɛ cɛɛri na kasànna ni. Wéle, mii i kàjemiiyi naa siin jóo bi jée sa bee bee sámaga mii ní mii pìíw ma, wo lìi, koro kàdoʔo ma wó kùu.»

1 Fànʔafɔbèle 3:26

Céwee wóo wi pye lè pìiweew, a woro joo ní fànʔafɔw ní, níì cán wi pìíw nyínimɛ maa pye wi na gbanʔama, a wi fànʔafɔw pye: «Ni kàfɔlɔ, mii i mɔ nyɛ́ɛri pìiweew kaan wi ma, mɔ a tɔ̀nɔ́ kɔ́ wi kpóo í.» Kàjáa a céwee jo: «Wi a pye mii wóo í, wi a wɔ́ɔ pye mɔ wóo í. Ye wi ceri.»

Ɛsitɛri 8:6

Wɔʔɔgi ki a too mii syɛ́ɛnbèle na lè, mɛ̀ɛ́ mii a gbǎn gi nyaa si gi kpàraco? Ba mɛ̀ɛ́ mii a gbǎn mii naridulugi wòolo kwɔ́ɔ-mí-yirigele nyaa si pyèri bi sɛ́ɛ?»

Ezayi 49:15

«A cɔlɔɔ i fɛ̀ʔɛ́ lé wi pyà na, wee wi ŋɔri lè? Wi a nyinimɛ taa wi láagi pìiseeo na ì? Alí ki ga caà pye pe wàa í fɛ̀ʔɛ wi woò na, mii a tée fɛ̀ʔɛ mɔ na í.

Zyeremii 6:26

Mii syɛ́ɛnbèle calipile, gɔ̀nvaʔaga le burogo, máā kòlogí cɔ́ɔngi ni, pye kùu káyaʔa na móō pìinibinge kuugo gii, máā nyaan maa peele gbanʔama! Níì cán kálagifɔw i maa ba pàla bi too wolo na.

Amɔsi 8:10

«Mii a yele fɛ́tiibèle kàriga kùu káyaʔa, yele ŋúnuyi myɛ si kàri kayaʔa nyɛnigɛ, mii a syɛ́ɛnbèle myɛ pwɔɔ sárigèle ni ní gɔ̀nvaʔaya ní, si nyǔnyi myɛ folo. Mii a tári lége kùu káyaʔa ni, ki a pye àmɛɛ syɔɔn gáā nyaan lè wi pìinibinge kuu kéele na. Ti kwɔ́ɔganmi a tɔ̀nɔ́ ba pye cangbanga.

Zakarii 12:10

Lǎli bee ni mii a kpɔʔɔrɔ pìle ní nyɛ́ɛrigbɔʔɔ pile tìrige bi tɔ́n Davidi kpáagi, ní Zyerusalɛmi ye na, pe si a ra wéle mii ma, mii wee be súu n fùru lè. Pe a pye wi kùu káyaagi na, àmɛɛ syɔɔn gáà pye pìinibinge kuu káyaʔa na lè, pe a ra nyaan wi kéeli na gbanʔama, àmɛɛ syɔɔn nyaan lè gbanʔama pìiselio fɔnnɔ kéele na.

Luki 15:20

Níì fala n yìri ni syée wi tóow ma. N wi yaʔa tɛɛ̀leelige ni, a wi tóow wi wéle n nyaa, a wi nyínimi wi taa, a wi fala n fàn n sáà wi wáa n mígi níì wi syɔɔnri syɔɔnri.

Jàbɔbèle 2:4

Lǎli ni Yawe nyɛ̀ʔɛni tunduɔn syɛ́ɛnri bee joo n kwɔ́ɔ Isirayɛli ye myɛ ma lè, a syɛ́ɛnmi i yákpogèle wáa ní i nyaan.

Wuruti 1:9

Ki n yɛlɛ Yawe í sa ŋɔ́ndaala kaan ye myɛ nibin nibin ma bele kpaaya ni pe a sa pye lè yele nǎnbèle.» Níì be syɔɔnri syɔɔnri. A pe i nyaan ni yákpogèle wáa.

1 Samyɛli 24:16

Yawe wi a pye kútiijoow. Woro wi a kútiiw ceri mii ní mɔ níngi ni. Wi a mii kéeli cɔɔnri, wi a pye mii kútiijoow bi mii yirige mɔ kɔ́yi ni.»

1 Samyɛli 30:4

Lǎli bee ni syɛ́ɛnbèle be pye ní Davidi ní lè a wi ní poro i nyaan ni yákpogèle wáa fwɔɔ a be fǎngi baa kwɔ́ɔ, pe ga níì gbàn ni nyaan í.