Sélimɛ 21:15 - Cebaara Bible 2010

¹⁵ Lǎli ni sáligi kpàbi lɔ̀ʔɔ baa kwɔ́ɔ lè, a Agari sáà wi pìíw kàriga n yaʔa tiipiigaa láara ni,

Sélimɛ 21:15 Iomraidhean Croise

Sélimɛ 21:14

A Abirahami sɔ̀li n yìri nyǐngi nyɔ́ɔ na n yaliire láa ní wɔ́ɔ̀ lɔ̀ʔɔ le saliga kpàbi ni n kaan Agari ma, níì di cɔ̀rɔ wi fókaannyungi na, ní wɔ́ɔ̀ wi pìíw kaan wi ma níì wi lúrugo n tórigo. A wi kári n sa ni curugu ni máari Bɛɛri-Syeba fìími tára ni.

Sélimɛ 21:16

níì kári n sáà tɛ́ɛn yaà yɛʔɛ̀ ma sedege ŋáʔa léeliganma na. Níì cán wi maa gi joo níì jo: «Pìíw ga yɛlɛ wi kɔ kùu mii nyɛ́nɛ na í.» A wi sáà canʔana n tɛ́ɛn yaà wi zǐnmi na ni nyaan.

1 Fànʔafɔbèle 17:12

A wi wi yari: «Amɛɛ Yawe mɔ Kolocɔlɔw nyɛ lè sìi na, yaliisɔʔɔgwɔɔlɔ faala o nyɛ mii ma í, míimɛ kɔ́bonyɛnnɛ li kòro yaà mii ma kòdɔɔlɔ ni n fàra sìnmɛ cɛɛri na kasànna ni. Wéle, mii i kàjemiiyi naa siin jóo bi jée sa bee bee sámaga mii ní mii pìíw ma, wo lìi, koro kàdoʔo ma wó kùu.»

2 Fànʔafɔbèle 3:9

A Isirayɛli fànʔafɔw, ní Zyuda fànʔafɔw, ní Edɔmi fànʔafɔw kári. A be tánʔa canya kɔrɔsiin fúngo ni kogologo ni, kàjáa lɔ̀ʔɔ ga níì taa kapɛɛnkpumɔnbèle, ní yaweeyi ma yi pye be kurugo lè í.

Ŋúnuyi 63:1

Davidi ŋúnugi. Lǎli ni wi pye Zyuda fìími tára ni lè.

Ezayi 44:12

Fɔ̀nɔw i báara kànʔana na, àmɛɛ be kpanaga báara lè, ni túnmɔri kpúmɔn ní màrito nyɛ́yɛ ní ni kàragí yasungo. Wi i gi kpéʔele ní fànʔa kɔ́lɔ ní. Kàjáa kateegi n wi jáa a wi kàri fànʔa fùn wi o lɔ̀ʔɔ taagi ni gbo í, a wi bárigaw kwɔ́ɔ.

Zyeremii 14:3

Séew fɔ̀ɔlɔ i wobiigèle tórogi pe sa lɔ̀ʔɔ caa, a bele bee i syée lǒgi wéeye ma, pe si o lɔ̀ʔɔ taagi í, a pe i lúrugu ni maa ní be kasǎngèle ní wowaagéle ní. Amɛɛ be curugo lè ní i nyɛ fɛ̀ɛrɛ wòolo ní, a pe i be nyúnyi tɔ́ngi.