Sélimɛ 21:12 - Cebaara Bible 2010

¹² Kàjáa a Kolocɔlɔɔ gi joo Abirahami ma níì wi pye: «Pìíw ní mɔ pulocew kéele ga yɛlɛ bi gbàn mɔ ma í. Gee myɛ Sara ga ni caa mɔ ma lè, ki n yɛlɛ mi fɔ̀lɔ gi na wi ma. Níì cán Izaaki ni mɔ yodaʔayi a yiri, yee na mɔ mɛ́ɛgi a pye lè.

Sélimɛ 21:12 Iomraidhean Croise

Sélimɛ 17:19

A Kolocɔlɔɔ jo: «Ɛɛn, mɔ céw Sara si a nànbile see mɔ ma, mɔ a ra wi yiri Izaaki. Mii a mii joogaanni yaʔa li kòro wi ma, ní wi yòdaʔayi ma wi kàdoʔo ma li pye bàngwɔɔ joogaanna.

Sélimɛ 17:21

Gee si gi mii joogaanni kéele kwɔ́ɔ lè, Izaaki ní mii a li sogi, woro wee Sara a see mɔ ma lè yɛɛláa níbeena nyɔʔɔmɔ na.»

Ezayi 46:10

Mii i gi tèé gi sélimi na, gee gi maa ba kpéʔele lè, sáni ki ba pye lè, gee gi nyɛ lè ki ga kɔ́ɔ̀ kpéʔele n kwɔ́ɔ í. Mii n jo: Mii katimanani a sámaga yére. Gee myɛ gi mii dɛ́nɛ lè, mii a gi kpéʔele foro.

Galasi ye 4:30

Mɛ̀ɛ́ si Kolocɔlɔɔ syɛɛnsɛbɛri jo? Ti n jo: «Pulocew ní wi pìíw nɛnɛ mi tórigo, níì cán pulocew pyà ga yɛlɛ wi pínɛ kɔ́rigi lìi kanmaa faala na ní wɔ́rɔjew pyà ní í.»

Heburubèle 11:18

wee kéele na Kolocɔlɔɔ da gi joo lè níì jo: «Izaaki ni mɔ yodaʔayi a yiri, yee na mɔ mɛ́ɛgi a pye lè.»

1 Samyɛli 8:7

A Yawe Samyɛli pye: «Gee myɛ syɛ́ɛnbèle joo mɔ ma lè, pe jóomi lóʔo. Níì cán mɔ ban be cée í, mii be cée jàngó mii a ní kɔ́ pye fànʔafɔlɔ poro nyúngi na í.

1 Samyɛli 8:9

Koro na tɔ́ɔliw ni pe jóomi lóʔo. Kàjáa fànʔafɔw wi a tɛ́ɛn be nyúngi na lè, gee wi a ba taʔa be na lè, ki n yɛlɛ mɔ í be sámaga sàmi pe gi cán.»