Sélimɛ 21:1 - Cebaara Bible 2010

¹ A Yawe kacànna pye Sara na, níì gi kpéʔele wi ma n yɛlɛ ní syɛ́ɛnri ní wi da joo lè.

Sélimɛ 21:1 Iomraidhean Croise

Sélimɛ 17:16

Mii a dùbaw taʔa wi na si wɔ́ɔ nànbile kaan mɔ ma wi bárigaw ni. Mii a dùbaw taʔa wi na, wi a ba pye syɛɛnfeleyaa nɔ́ɔ. Syɛɛnfeleyaa fànʔafɔɔlɔ a yiri wi ni.»

Sélimɛ 17:19

A Kolocɔlɔɔ jo: «Ɛɛn, mɔ céw Sara si a nànbile see mɔ ma, mɔ a ra wi yiri Izaaki. Mii a mii joogaanni yaʔa li kòro wi ma, ní wi yòdaʔayi ma wi kàdoʔo ma li pye bàngwɔɔ joogaanna.

Sélimɛ 17:21

Gee si gi mii joogaanni kéele kwɔ́ɔ lè, Izaaki ní mii a li sogi, woro wee Sara a see mɔ ma lè yɛɛláa níbeena nyɔʔɔmɔ na.»

Sélimɛ 18:10

A pe wàa nibin jo: «Mii a lúru pan mɔ ma yɛɛláa ma, mɔ céw Sara a ba nànbile see.» Sara si maa pye fànikpaagi kpaaweele na Abirahami kàdoʔo ma ní i lúro.

Sélimɛ 18:14

A yarigaa a gbǎn mii Yawe jáa lé? Yɛɛláa ma lǎli mii tɛ̀ɛn lè, mii a pan mɔ ma, Sara a ba nànbile see.»

Sélimɛ 24:36

Sara wi lè mii kàfɔw cɔ́ɔ, wi lɛɛgwɔɔri ní gi myɛ ní, wi n nànbile see wi ma. A wi si wi kɔlɔ̀ yáriri myɛ le pìíw bee kɔ́lɔ ni.

Sélimɛ 50:24

A Zyozɛfu gi joo wi senyɛnbèle ma níì be pye: «Mii a kùu, kàjáa Kolocɔlɔɔ a tɔ̀nɔ́ pan ba yele wéle si yele yirige tári naa ni. Táree nyɔ́ɔ wi fàli Abirahami, ní Izaaki, ní Zyakɔbi ma ní kàliya ní lè, wi a sa yele lége di ni.»

2 Fànʔafɔbèle 4:17

A céw bee baà fícɛnnɛ taa n nànbile see lǎli wonijanna ni yɛ́ɛli taʔara wólo na àmɛɛ Elize da gi joo wi ma lè.

Ŋúnuyi 106:4

Ee Yawe, sɔ̀ngi mi taa mii na àmɛɛ mɔ sɔ̀ngí ni taagi mɔ syɛ́ɛnbèle na lè! Ba mii dɛ̀ɛmɛ mɔ syɔɔli báriga ni,

Ŋúnuyi 12:6

«Pe i fǎngi gbàngí foomɔfɔbèle na, fɔ̀rɔgɔfɔbèle i cɛ́ɛn, koro na mii a yìri tɔ́ɔliw ni.» Yawe wi jo nya. Syɔ́ɔnwee kánma na be nyɔɔfiri sáan lè, mii a wi syɔɔ.

Yirile 20:5

Mɔ a kɔ́ ra kpùmɔnɔ́ yatangi bee kàa taana í, wàlá bàā gi fáliw kpéʔele í. Níì cán mii wi lè Yawe mɔ Kolocɔlɔw, mii i nyɛ yejaʔa Kolocɔlɔɔ. Mii i tofɔbèle kolomɔ gɔlɔ́ wóo pe ní be yòdaʔayi na bi taa sa nan yìrigēle taanri ní sicɛrɛ wóli na, poro bele mii kéeli bɛɛn lè.

Yirile 3:16

Da syée mi sa Isirayɛli wolɛɛbèle kpóʔoro mí be pye: ‹Yawe wi lè yele tóolɛɛbèle Kolocɔlɔɔ, woro wi wiyɛɛ dɛ̀ɛn mii na wi lè Abirahami ní Izaaki, ní Zyakɔbi Kolocɔlɔw. Wi n jo: Mii n tɔ̀nɔ n pan n baa yele wéle, gee myɛ gi kpéʔele yele na Ezyipiti ni lè, mii n gi nyaa.

Yirile 4:31

A syɛ́ɛnbèle bee tága. Pe maa gi cán ncan Yawe n pan n baa poro Isirayɛli ye wéle, níì poro fɔ̀rɔgi nyaa. Lǎli bee ni a be tìgi n kpùmɔnɔ níì too n cíbele n kpɔ̀ʔɔrɔli kpéʔele.

Matye 24:35

Nyɛ̀ʔɛni ní tári a kwɔ́ɔ, kàjáa mii syɛ́ɛnri a tɔ̀nɔ́ kwɔ́ɔ í.

Luki 1:68

«Kàfɔw n yɛlɛ waa wi kpɔ̀ʔɔrɔ́, woro wee wi nyɛ lè Isirayɛli Kolocɔlɔw, níì cán wi n pan wi syɛ́ɛnbèle ma n baa be nyúnyi syɔɔ.

Luki 19:44

Mɔ piibèle bele be nyɛ lè mɔ fúngi ni, pe a ba mɔ ní bele bee ŋɔrigɔ bi cáan tári na. Pe a tée mɔ kadɛnɛgaa faala yaʔa kàa na í, níì cán lǎli ni Kolocɔlɔɔ pan mɔ ma bi ba mɔ syɔɔ lè, mɔ da lǎli bee cán í.»

Galasi ye 4:23

Kàjáa pulocew maa wi pìíw see n yɛlɛ ní céri kánma ní, á wɔ́rɔjew si wi wów see nyɔɔfaligi báriga ni.

Galasi ye 4:28

Yele si na, ni senyɛ̀nnɛ, yele i nyɛ nyɔɔfaligi jàala àmɛɛ Izaaki da pye lè.

Tiiti 1:2

jàngó sìibangwɔɔw sɔ̀ngurɔ tɛɛtaʔaga í pye be ma, Kolocɔlɔɔ wi lè wi o finɛ nyáana í, wi maa sìíw bee nyɔ́ɔ fàli sáni làrigèle í séli lè.

Wuruti 1:6

Lǎli bee ni a wi yìri Mowabi tári ma, woro ní wi pìíbèle càbala ní bi lúru pan. Níì cán wi maa pye yaà Mowabi tári ni níì gi lóʔo Yawe n wi syɛ́ɛnbèle dɛ̀ɛmɛ níì yaliire kaan be ma.

1 Samyɛli 1:19

A be sɔ̀li n yìri nyǐngi nyɔ́ɔ na, a pe ga sáà Yawe kpɔ̀ʔɔrɔ n kwɔ́ɔ, a be lúru n kári be kpaʔa ma, Arama ma. A Elikana baa sínɛ ní wi céw Ani ní, a Yawe wi nyɛ́ɛrigi lóʔo.

1 Samyɛli 2:21

A Yawe baa wéle Ani ma, a wi fícɛnnɛ taa n nànbiigéle taanri ní calipiigèlē siin see. Pìíw Samyɛli si maa ni leegi Yawe yɛ́ʔɛ ma.