Sélimɛ 20:7 - Cebaara Bible 2010

⁷ Tɔ́ɔliw ni ki n yɛlɛ mi nǎnw bee cɔ́ɔ lúrugo mi kaan wi ma. Kanyaajooo wi nyɛ wi nǎnw. Wi a Kolocɔlɔɔ nyɛ́ɛri mɔ kéeli na, mɔ a kùu í. Kàjáa mɔ ga pye mɔ ga wi lúrugo n kaan wi ma í, ki n yɛlɛ mi gi cán mɔ ní mɔ kpáagi wòolo myɛ a kùu.»

Sélimɛ 20:7 Iomraidhean Croise

Sélimɛ 12:15

A Faraɔnw syɛɛnkpolobéle wɔ́ɔ̀ wi nyaa, a be sáà wi kéeli joo n kpɔ́ʔɔ Faraɔnw ma. Lǎli bee ni a be céw kɔ́ri n kári Faraɔnw fànʔafɔ-gbaʔa ma.

Sélimɛ 12:17

Kàjáa Yawe maa Faraɔnw ní wi kpáagi wòolo kpúmɔn ní wɔʔɔgboloyo ní Abirami céw Sarayi kéeli na.

Sélimɛ 2:17

Kàjáa mɔ a kɔ́ kacǎnni ní kapeeli cánna tíige yasangaa lìi í. Mɔ ga gi kàa lìi cángee na lè, mɔ a kùu dɛ.»

Sélimɛ 20:18

Níì cán Yawe maa Abimelɛki kpáagi wòolo myɛ yérige pìiseeri na Abirahami céw Sara kéeli na.

Sélimɛ 20:3

Kàjáa a ki ga pye yébiligi ni, a Kolocɔlɔɔ wiyɛɛ dɛ̀ɛn Abimelɛki na ŋúnɔgɔ na níì wi pye: «Wéle, mɔ a tɔ̀nɔ́ kùu céw naa kéele na, wee mɔ láa lè, níì cán nàɔn fɔ́lɔ wii.»

Sélimɛ 20:8

A Abimelɛki sɔ̀li n yìri nyǐngi nyɔ́ɔ na n wi syɛɛnkpolobèle yeri ní baa kérigèle bee myɛ joo n tɛ̀ɛn be na. A syɛ́ɛnbèle bee fyáa gbanʔama.

Sélimɛ 23:6

«Ki n yɛlɛ mi lóʔo wolo ma, ni kàfɔlɔ. Ncan mɔ i nyɛ Kolocɔlɔɔ syɛɛnkpɔɔɔ wolo níngi ni. Ki n yɛlɛ mi mɔ céw tɔ́n wolo nyányi tɛɛcànga ni. Wolo wàa faala a tée cée mɔ ma wi nyanga na mɔ céw tɔ́nnɔ na í.»

2 Samyɛli 24:17

Lǎli ni Davidi nyɛ̀ʔɛni tunduɔn nyaa, wee wi da ni syɛ́ɛnbèle kúu lè, a wi gi joo Yawe ma níì wi pye: «Wéle, mii wi kapeeli kpéʔele. Mii wi kolomɔ kéeli kpéʔele. Nyàʔá si syɛ́ɛnbèle naa pye? Mii ní mii kpáagi wòolo na mɔ yɛlɛ bi mɔ kɔ́gi taʔa.»

1 Fànʔafɔbèle 13:6

A fànʔafɔw gi joo Kolocɔlɔɔ syɔ́ɔnw ma níì jo: «Yawe mɔ Kolocɔlɔw nyɛ́ɛri gbanʔama, mí nyɛ́ɛri mii kéeli na koro ga pye mii í gbǎn mii kɔ́gi kùru.» A Kolocɔlɔɔ syɔ́ɔnw Yawe nyɛ́ɛri gbanʔama, a fànʔafɔw gbàn n wi kɔ́gi kùru a gi níì pye àmɛɛ ki da sélì pye lè.

2 Fànʔafɔbèle 5:11

A Naaman fúngi tanʔa gbanʔama, a wi lúru ni syée níì jo: «Mii maa ni gi nyuu niyɛɛ fúngi ni níì jo: ‹Wi tiimaw a yiri bi pan naa mii ma bi ba Yawe wi Kolocɔlɔw mɛ́ʔɛ yeri si wi kɔ́gi tɛ́ʔɛ bi yáami tɛ́ʔɛ saanri saanri bi yaanyɛɛnmi fɔ́lɔ yaanyɛnmɛ láʔa wi na.

1 Cányi kèlē 16:22

Níì jo: «Yele a tíi si kɔ́ tánga mii syɛɛnnyɛnɛ-wòlobèle na í. Yele a tíi si kɔ́ kapeʔe pye mii kanyaajoobèle na í!»

2 Cányi kèlē 30:18

Níì cán syɛɛnnɛʔɛmɛ maa pye yaà àlí gee gi caà Efirayimi, ní Manase, ní Isakari, ní Zabulɔn ye kéeli kwɔ́ɔ lè, bele bee da peyɛɛ jéemununi fáli kpéʔele í, kàjáa pe maa Sɔ̀lɔ-mí-yaʔali séri lìile lìi, ki si ga pye n yɛlɛ ní gee ní gi sɛ́bɛ lè í. A Ezekyasi si Kolocɔlɔɔ nyɛ́ɛri be kéeli na, níì jo: «Yawe wi lè funjàngafɔlɔ ki n yɛlɛ wi gi kùsulugi syɔɔ

Zyɔbi 34:19

wi o fànʔafɔbiigèle kpɔ́ʔɔgi ni sɔ̀lɔ́ wozanbèle na í, wi o lɔrɔfɔlɔ córo n sɔ̀lɔ foomɔfɔlɔ na í, níì cán pe myɛ i nyɛ wi kɔ́yi yakpéʔelere.

Zyɔbi 42:8

Ye náapɛʔɛlɛ kɔrɔsiin ní bàpɔɔlɔ kɔrɔsiin cò tɔ́ɔliw ni ye kári mii falipyew Zyɔbi ma ye sa wòlo yeyɛɛ kéeli na sáriga-sórigoo. Mii falipyew Zyɔbi a nyɛ́ɛri yele kéeli na, woro mii a wéle mii si a yele cò bi yɛlɛ ní yele cúromi kapyele ní í, yele bele ye nyɛ lè ye ga sín n joo mii kéeli na àmɛɛ mii falipyew Zyɔbi gi kpéʔele lè í.»

Ŋúnuyi 25:14

Bele be fɛ̀ɛgí Yawe na lè, wi fúngi kalarala i nyɛ bele bee wólo, wi a wi joogaanni tɛ̀ɛn bele bee na.

Yirile 18:17

A Mowizi céw tóo wi yari: «Gee mɔ kpéʔele lè, ki ga nyɔɔ í.

Yirile 4:16

Woro wi a ra nyuu syɛ́ɛnmi ma mɔ sindɛɛgi ni. Woro wi a pye mɔ nyɔ́ɔgi, mɔ si pye Kolocɔlɔɔ sìndɛɛgi ni wi ma.

Yirile 7:1

A Yawe gi joo Mowizi ma níì jo: «Wéle, mii n mɔ kpéʔele Faraɔnw ma Kolocɔlɔɔ. Mɔ yɛʔɛfɔw Aarɔn si pye mɔ kanyaajoow.

Zyeremii 14:11

A Yawe mii pye: «Mɔ a kɔ́ ra nyɛ́ɛri bàā kaangi syɛ́ɛnbèle naa ma pe kacànna kéele na í.

Zyeremii 15:1

Yawe n mii pye: «Alí Mowizi, ní Samyɛli ga baa yére mii yɛ́ʔɛ ma, mii fúngi a tée pye ní syɛ́ɛnbèle naa ní í. Pe nɛnɛ mi núngo mii yɛ́ʔɛ ma, mi tórigo léelige, ki n yɛlɛ paa syée!

Zyeremii 27:18

Pe ga pye kanyaajoobéle, kapye Yawe syɛ́ɛnri i nyɛ be ma, ki n yɛlɛ pe Nyɛ̀ʔɛni Sùlasiibéle Kafɔlɔ Yawe nyɛ́ɛri, koro ga pye yayigeleri di kòro Yawe kpáagi, ní Zyuda fànʔafɔw kpaʔa, ní Zyerusalɛmi ni lè, ti a kɔ́ kári Babilɔni ma í.

Ezekyɛli 3:18

Mii ga gi joo syɛɛnpeew ma níì wi pye: ‹Mɔ a tɔ̀nɔ́ kùu wii.› Mɔ ga pye mɔ ga wi sàmi í, mɔ ga pye mɔ ga joo n syɛɛnpeew sàmi wi láʔa wi kobeegi na, jàngó bi wi sìíw syɔɔ í, syɛɛnpeew bee a kùu wi sìnzinmi ni, mii si a mɔ yíbe wi sìsyaanw kéele na.

Ezekyɛli 33:8

Lǎli ni mii ga gi joo syɛɛnpeeo ma lè níì jo: ‹Syɛɛnpeeo, mɔ a tɔ̀nɔ́ kùu!› Mɔ ga pye mɔ ga joo wi ma n wi sàmi wi tánʔaganmi kéele na í, syɛɛnpeew bee a kùu wi sìnzinmi kéele na, kàjáa mii a wi sìsyaanw kéele yíbe mɔ ma.

Levii ye sáriga-wòlori 6:4

Koro kàdoʔo ma wi a wi yaleri wòlo si tàa nikwɔɔ le, si cɔ́ɔngi koli bi yiri tɛɛkòrogi kàdoʔo ma bi kári ní gi ní fɔɔnrɔ fun tɛ́ɛgaa ma.

Levii ye sáriga-wòlori 6:7

« ‹Wee naa wi nyɛ làlwaw, míimi yakanʔa kéele na. Aarɔn jáabèle n yɛlɛ bàā gi wóo sáriga Yawe yɛ́ʔɛ ma sáriga-wòlo-yafaangi yɛ́ʔɛ ma.

Kapyegèle 8:24

A Siimɔn be yari: «Ki n yɛlɛ yele tiimaa í Kàfɔw nyɛ́ɛri mii kéeli na, koro ga pye gee yele joo lè, ki kàa faala a kɔ mii taa í.»

1 Korɛnti ye 14:4

Wee wi ga ni syɛɛnfeleraa nyuu lè, wee bee i kàa taari wiyɛɛ tágali na. Wee si wi kérigèle nyaagi ni nyuu lè, wee bee i kàa taari Egiliziw tágala na.

Heburubèle 1:1

Booma ni Kolocɔlɔɔ maa ni wi syɛ́ɛnri nyuu kanyaajoobèle ma, a be i di nyuu wolo tóolɛɛbèle ma làrigēle saʔa ni jooganmi féleye saʔa na,

Heburubèle 13:4

Ki n yɛlɛ cèpɔrigi kéele í kpɔ́ʔɔ yele myɛ ma, ki yasinɛgi si pye fɔɔnrɔ fun. Níì cán Kolocɔlɔɔ a ba kútiiw kúun kanɔnʔɔbyebèle, ní ceyuubèle, ní nànyuubèle na.

1 Zyan 5:16

Syɔɔnwaa ga wi senyɛnnɛ nyaa wi i kapeelaa kpéʔele li si o nyɛ kùu wólo í, ki n yɛlɛ wi nyɛ́ɛri Kolocɔlɔɔ ma wi kéeli na, Kolocɔlɔɔ a sìi kaan senyɛnw bee ma. Gee naa a gbǎn pye bele má be kapeegèle kpéʔele lè, ke si o nyɛ kùu wòʔolo í. Kapeelaa i yaà, li i nyɛ kùu wólo, mii ga jo syɔɔn í da nyɛ́ɛri lee bee kéele na í.

1 Samyɛli 12:19

A syɛ́ɛnbèle myɛ Samyɛli pye: «Yawe mɔ Kolocɔlɔw nyɛ́ɛri mɔ falipyebèle kéele na pe lè wolo, jàngó wolo a kɔ́ kùu í. Amɛɛ wolo fànʔafɔlɔ nyɛ́ɛri woyɛɛ kéeli na lè wolo n kapeeli bee fàra wolo kapeegèle gele myɛ na.»

1 Samyɛli 12:23

Bi láʔa mii a kɔ́ ra nyɛ́ɛri yele kéeli na í, gee bee a pye kapeele mii kpéʔele Yawe na. Ki n yɛlɛ sɔ̀nguri bee í léeli mii na. Kólogee gi nyɔɔ lè níì sín, koro na mii a ra yele tama.

1 Samyɛli 7:5

A Samyɛli jo: «Ye Isirayɛli ye myɛ kpóʔoro Misipa ma, mii a Yawe nyɛ́ɛri yele kéeli na.»

1 Samyɛli 7:8

A Isirayɛli ye Samyɛli pye: «Mɔ a kɔ́ kòro pyèrio í, da yákpoli wáa Yawe wolo Kolocɔlɔw kurugo wolo kéeli na, jàngó wi wolo syɔɔ Filisitini ye ma.»