Sélimɛ 20:6 - Cebaara Bible 2010

⁶ A Kolocɔlɔɔ gi joo wi ma ŋúnɔgi na níì wi yari: «Mii n tɔ̀nɔ n gi cán mɔ fúngi n fílige kéeli naa pyele na. Koro na mii tiimaa wɔ́ɔ̀ mɔ yérige jàngó mɔ a kɔ́ kapeele pye mii na í. Koro na mii gi yaʔa mɔ a kɔ́ tánga wi na í.

Sélimɛ 20:6 Iomraidhean Croise

Sélimɛ 20:18

Níì cán Yawe maa Abimelɛki kpáagi wòolo myɛ yérige pìiseeri na Abirahami céw Sara kéeli na.

Sélimɛ 26:11

A Abimelɛki fala n gi joo n gbàn syɛ́ɛnbèle myɛ ma níì jo: «Wee wi ga nan lè nǎnw naa na, wàlá wi céw na lè, wo a syɔ́ɔnw bee kpóo.»

Sélimɛ 3:3

Kàjáa tíigee gi nyɛ lè nángwɔɔw nínge ni, gee gi koro yasanri kéele kwɔ́ɔ lè, Kolocɔlɔɔ n jo: ‹Yele a kɔ́ gi kàa lìi í. Yele a caa kɔ́ tánga gi kàa na í, kapye koro ban í, yele a kùu.› »

Sélimɛ 31:24

Kàjáa Kolocɔlɔɔ maa wiyɛɛ dɛ̀ɛn Laban na yébiligi ni ŋúnɔgɔ na, wi lè Arameyɛnw, níì wi pye: «Ki n yɛlɛ maa miyɛɛ kɔ̀rɔsíi. Mɔ a kɔ́ yarigaa faala joo Zyakɔbi ma àmɛɛ gi mɔ dɛ́nɛ lè í.»

Sélimɛ 31:7

Yele tóow si n mii jànváa níì mii sàraw kàriga tɔlɔyɔ kɛɛ. Kàjáa Kolocɔlɔɔ ga fɔ̀lɔ n gi yaʔa wi kapeʔe pye mii na í.

Sélimɛ 35:5

A be yìri beè n kári. A Kolocɔlɔɔ fyáakpɔɔrɔ wáa kěyi syɛ̀ɛnnɛ na, yee yi be màʔa lè, pe ga fɔ̀lɔ n yiri n taʔa Zyakɔbi jáabèle na ni nɛnɛ í.

Sélimɛ 39:9

Wàa faala ga kpɔ́ʔɔ n sɔ̀lɔ mii na kpáagi naa ni í. Wi ga mii yérige yarigaa faala na í kapye mɔ nibin na ban í. Níì cán mɔ wi nyɛ wi céw. Mɛ̀ɛ́ si mii a gbǎn kapeegi naa félege kpéʔele bi kapeele pye nya Kolocɔlɔɔ na?»

Ŋúnuyi 51:4

Mii wéli mi mii kolomi myɛ láʔa mii na, mii kapeeli jée mi láʔa mii na.

Ŋúnuyi 81:12

Kàjáa mii syɛ́ɛnbèle ga mii yákpoli lóʔo í, Isirayɛli ye ga fɔ̀lɔ ni mii caa í.

Ŋúnuyi 84:11

Bi canʔa nibin kwɔ́ɔ mɔ kpɔʔɔrɔli kpaʔa kàcoolo kadàagēle na, koro n pɔ́rɔ n sɔ̀lɔ canya saala kagunɔ kwɔ́ɔlɔ na tɛɛgaa nikwɔɔ ni. Bi yére mii Kolocɔlɔw kpaʔa kpaaweele na, mii n koro fúngo cán n sɔ̀lɔ tɛ́ɛnni na syɛɛnpeebèle fànikpaaya ni.

Yirile 34:24

Níì cán mii a syɛɛnfeleyi nɛnɛ yirige yi tɛ́ɛyi ni mɔ yɛ́ʔɛ ma, si mɔ tári láʔagoloyo lúrugo kàdoʔo ma. Mɔ ga ni maa lǎli ni lè tɔlɔyɔ taanri n ba ni yèré mii Yawe mɔ Kolocɔlɔw yɛ́ʔɛ ma, syɔɔn faala a tée nyabɛɛnnɛ taa mɔ tári na í.

Kàseegèle 21:1

Fànʔafɔw fúngo i nyɛ Yawe kɔ́gi ni àmɛɛ lɔ̀ʔɔ nyɛ, gee gi fóo lè, wi i gi kàragí ni tórogi kàbangee ma ki wi dɛ́nɛ lè.

Kàseegèle 6:29

Syɔ́ɔnwee wi syée wi syɛɛnnyɛnnɛ cɔ́ɔ kurugo lè, kánmi bee na syɔ́ɔnw bee nyɛ. Syɔ́ɔnwee wi ga tánga wi na lè, syɔ́ɔnw bee a gbǎn córo kolomɔ fun syɔ́ɔn í.

Levii ye sáriga-wòlori 6:2

«Syɛ́ɛnri naa joo mi gbàn Aarɔn ní wi jáabèle ma mí jo: ‹Sáriga-sórigow làlwa wi nyɛ wee naa: Sáriga-sórigow a kòro kàjeri na sáriga-wòlo-yafaangi na bi syɔ́ɔn, fwɔɔ bi ba nan nyǐngi nyɔ́ɔ na, sáriga-wòlo-yafaangi náa si kòro bàā nyín.

Matye 27:19

Lǎli ni wi pye lè wodɛ́ɛɔn ní kútiiceri-koli na, a wi céw tun wi ma níì jo: «Ki ga yɛlɛ mɔ í kɔ́ jée syɛɛnsinw bee kéele ni í, níì cán kèlē saʔa n mii fɔ̀rɔ ŋúnɔgɔ na pìlige ni wi kéeli na.»

1 Korɛnti ye 7:1

Kérigèle gele na yele da sɛ́bɛw tórigo naa mii ma lè, mii a joo ge kéeli na tɔ́ɔliw ni. Ki mǎà dée nyɔɔ kapye nàɔn ga tánga cɔlɔɔ na í.

2 Korɛnti ye 6:17

Gee bee na Kàfɔw jo: «Ye yiri be níngi ni, yé láʔa be na. Ye a kɔ́ tánga yanɔnʔɔgɔ na í, koro ga pye mii a fɔ̀lɔ yele na,

2 Tesaloniki ye 2:11

Gee bee na Kolocɔlɔɔ a wɔ́ɔ pùununi sábabu kaan be ma jàngó pe tága jànvaaw na.

2 Tesaloniki ye 2:7

Níì cán kapeebyeri kalarala tée i báara n kwɔ́ɔ, kàjáa kérigèle bee si a gbǎn foro í, fwɔɔ pe ga li yérigefɔw núngo yaà lǎlee ni lè.

1 Samyɛli 25:26

Tɔ́ɔliw ni, ni kàfɔlɔ, àmɛɛ Yawe nyɛ lè sìi na n wɔ́ɔ̀ mɔ yaʔa sìi na, Yawe wi mɔ yérige syɛɛnkpoori na, mɔ ga mɔ gɔlɔw wòlo í. Ni kàfɔlɔ, mɔ nigoobèle, ní bele be mɔ caa bi kapeele pye mɔ na lè, ki n yɛlɛ be pye Nabali félege.

1 Samyɛli 25:34

Yawe Isirayɛli ye Kolocɔlɔw tɔ̀nɔ́ i nyɛ sìi na, woro wee wi mii yérige lè bi kapeʔe pye mɔ na, kapye mɔ da wári n pan n baa mii fàra í, nɛɛ ní cángi tɛɛfololo ma, nàɔn nibin a dée kòro Nabali ma í.»