Sélimɛ 20:2 - Cebaara Bible 2010

² Abirahami maa ni gi nyuu wi céw Sara kéeli na níì jo: «Wi i nyɛ mii senyɛnnɛ.» A Gerari fànʔafɔw Abimelɛki fala n tun a be sáà Sara láa n pan.

Sélimɛ 20:2 Iomraidhean Croise

Sélimɛ 12:15

A Faraɔnw syɛɛnkpolobéle wɔ́ɔ̀ wi nyaa, a be sáà wi kéeli joo n kpɔ́ʔɔ Faraɔnw ma. Lǎli bee ni a be céw kɔ́ri n kári Faraɔnw fànʔafɔ-gbaʔa ma.

Sélimɛ 20:12

N fàra gee bee na, ki i nyɛ kányɛʔɛ, wi i nyɛ mii senyɛnnɛ. Wo i nyɛ tofɔlɔ na, kàjáa wo o nyɛ nafɔlɔ na í, á wi baa pye mii cɔ́ɔ.

Sélimɛ 21:22

Lǎli bee ni Abimelɛki pan Abirahami ma, woro ní Pikɔli ní wi lè wi kapɛɛnkpumɔnbèle kàfɔlɔ. A wi baa Abirahami pye: «Kolocɔlɔɔ tɔ̀nɔ́ i nyɛ ní mɔ ní kérigèle myɛ ni mɔ kpéʔele lè.

Sélimɛ 26:1

A kateegaa níì too tári na gee kàdoʔo ma, gee ki da sélì too lè Abirahami lǎli ni. A Izaaki kári Gerari ma Filisitini ye fànʔafɔw ma, pe da ni yiri lè Abimelɛki.

Sélimɛ 26:16

A Abimelɛki Izaaki pye: «Yiri wolo níngi ni maa syée, níì cán mɔ fangi n kpɔ́ʔɔ n sɔ̀lɔ wolo wógi na.»

Sélimɛ 26:7

A tɛ́ɛgi bee syɛ̀ɛnnɛ i wi yíbe wi céw kéele na. A wi i gi nyuu be ma níì jo: «Mii senyɛnnɛ̀ wii.» Wi maa ni fɛ̀ɛgí bi jo woro cɔ́ɔ wii, jàngó tɛ́ɛgi bee syɛ̀ɛnnɛ a kɔ́ woro kpóo í. Níì cán Erebeka maa tɔ̀nɔ n nyɔɔ.

2 Cányi kèlē 19:2

Hananii jáaw Zyehu, wi lè kanyaaw, a woro yiri n sáà fànʔafɔw Zyozafati fàra níì wi pye: «A mɔ da yɛlɛ lé bi syɛɛnpeew dɛ̀ɛmɛ si tàmaga le ní bele ní Yawe kéeli bɛɛn lè? Koro na Yawe fúngi n tɔ̀nɔ n tanʔa mɔ kurugo.

2 Cányi kèlē 20:37

Lǎli bee ni Eliyezɛɛri wi pye lè Dodavahu jáaw, wi lè Maresya ye wów, a woro kérigèle nyaa n joo Zyozafati kánmi na níì jo: «Amɛɛ mɔ miyɛɛ bye lè Akazya pínɛnyɛnnɛ, koro na Yawe a mɔ fáliw kálagi.» A bàtobèle kálagi, pe ga gbàn n kári Tarisiisi ma í.

2 Cányi kèlē 32:31

Lǎli ni Babilɔni syɛɛnkpolobèle da pèle tun wi ma pe ba kakpɔɔgi kéele yíbe cán, gee gi kpéʔele tári ni lè, Kolocɔlɔɔ maa wi yaʔa wiyɛɛ ma kéeli bee ni jàngó bi wi sɛʔɛ wéle bi gi cán, gee myɛ gi nyɛ wi fúngi ni lè.

Kàseegèle 24:16

Níì cán syɛɛnsinw a gbǎn too tɔlɔyɔ kɔrɔsiin, si ní sèʔé yìri, kàjáa syɛɛnpeebèle i ŋɔrɔgi ni wáa wɔʔɔgi ni.

Kàseegèle 29:25

Syɛ́ɛnbèle yɛ́ʔɛ fyáara i karinyanga nii, wee si wi wiyɛɛ daʔa Yawe na lè, yafyɛn a nan wi na í.

Kàseegèle 6:29

Syɔ́ɔnwee wi syée wi syɛɛnnyɛnnɛ cɔ́ɔ kurugo lè, kánmi bee na syɔ́ɔnw bee nyɛ. Syɔ́ɔnwee wi ga tánga wi na lè, syɔ́ɔnw bee a gbǎn córo kolomɔ fun syɔ́ɔn í.

Syɛɛnjóow 7:20

Syɔɔn faala o beè woziɔn ní tári na, wee wi kacǎngèle kpéʔele lè, wi si o kapeele kpéʔele í.

Efɛzi ye 4:25

Gee bee na gi yɛlɛ yele í jànvaaw yaʔa, syɔɔn o syɔɔn n yɛlɛ yele ni waa kányɛʔɛ nyuu wi syɛɛnnyɛnnɛ ma. Níì cán wolo i nyɛ woyɛɛ céri tɛ́ɛyɛ.

Kɔlɔsi ye 3:9

Ki ga yɛlɛ yele í kɔ́ ra finɛ yeyɛɛ ma í, àmɛɛ yele kanlɛɛmi ní bi kapyegèle wòlo yeyɛɛ na lè,