Sélimɛ 20:11 - Cebaara Bible 2010

¹¹ A Abirahami jo: «Mii maa gi tímana n jo Kolocɔlɔɔ yɛ́ɛgi fyáara a pye tɛ́ɛgi naa ni í. Pe a mii kpóo mii céw kéele na.

Sélimɛ 20:11 Iomraidhean Croise

Sélimɛ 12:12

Ezyipiti syɛ́ɛnbèle ga sáà mɔ nyaa, pe a jo: ‹Wi céw wii,› si mii kpóo si mɔ yaʔa sìi na.

Sélimɛ 20:10

A Abimelɛki níì Abirahami yari: «Nyàʔá mɔ da nyaa níì gee naa félege kpéʔele?»

Sélimɛ 20:12

N fàra gee bee na, ki i nyɛ kányɛʔɛ, wi i nyɛ mii senyɛnnɛ. Wo i nyɛ tofɔlɔ na, kàjáa wo o nyɛ nafɔlɔ na í, á wi baa pye mii cɔ́ɔ.

Sélimɛ 22:12

A wi Abirahami yari: «Mɔ kɔ́lɔ a kɔ́ nan pìíw na í. Mɔ a kɔ́ yafyɛn pye wi na í. Tɔ́ɔliw ni mii n náà gi cán mɔ i fɛ̀ɛgí mii Kolocɔlɔɔ na, àmɛɛ gi nyɛ lè mɔ ga cée mii ma mɔ jáaw na í, wi lè mɔ piinibingi.»

Sélimɛ 26:7

A tɛ́ɛgi bee syɛ̀ɛnnɛ i wi yíbe wi céw kéele na. A wi i gi nyuu be ma níì jo: «Mii senyɛnnɛ̀ wii.» Wi maa ni fɛ̀ɛgí bi jo woro cɔ́ɔ wii, jàngó tɛ́ɛgi bee syɛ̀ɛnnɛ a kɔ́ woro kpóo í. Níì cán Erebeka maa tɔ̀nɔ n nyɔɔ.

Sélimɛ 42:18

A ki ga pye candaanri wógi na, a Zyozɛfu be pye: «Ki n yɛlɛ ye gee naa kpéʔele koro ga pye yele í koro sìi na. Níì cán mii i fɛ̀ɛgí Kolocɔlɔɔ na.

Nehemii 5:15

Guvɛrinɛɛri-sélibèle be pye mii yɛ́ʔɛ ma lè, poro maa gi gbàn syɛ́ɛnbèle na, ni yaliiri, ní dùvɛɛnw syoo be ma n fàra wálifiio támabéle togoye siin-ziin na. Alí be falipye-nìgɔcaribèle maa ni fǎngi kpéʔele syɛ́ɛnbèle na. Mii si ga koro kàa kpéʔele í, àmɛɛ mii fɛ̀ɛgí Kolocɔlɔɔ na lè.

Zyɔbi 1:1

Nànwaa maa pye yaà Usi tári ni, pe i wi yiri Zyɔbi. Wi maa tɔ̀nɔ n pye kajoolo fun syɔ́ɔn, níì sín. Wi maa ni fɛ̀ɛgí Kolocɔlɔɔ na, ní i còʔoró kapeebyeri na.

Zyɔbi 28:28

Koro kàdoʔo ma a wi syɔɔn pye: ‹Wéle, gee gi nyɛ lè Kàfɔw yɛ́ʔɛ fyáara, koro gi nyɛ sícilimi. Bàā còʔoró kapeegi na, koro gi nyɛ cánni.› »

Ŋúnuyi 14:4

Kakolobyebèle ga yarigaa cán wii ì, poro bele be mii syɛ́ɛnbèle káa àmɛɛ be búru káa lè? Pe o Yawe mɛ́ɛgi yiri í.

Kàseegèle 1:7

Yawe yɛ́ɛgi fyáara di nyɛ cánni sélimɛ. Nilabalabèle i sícilimi ní tamani faari.

Kàseegèle 16:6

Funjǎngi ní kányɛɛgi a gbǎn kolomɔ kusulugo syɔɔ, syɔɔn si i láari kapeʔe pyele na Yawe yɛ́ɛgi fyáara báriga ni.

Kàseegèle 2:5

lǎli bee ni mɔ a Yawe yɛ́ɛgi fyáara kɔ́rɔ cán, mɔ si a Kolocɔlɔɔ cánni taa.

Kàseegèle 8:13

Kapeʔe parala i nyɛ Yawe yɛ́ɛgi fyáara. Kpɔ́ɔmi, ní nɛ̀ɛnyɛnɛgi, ní péemi kólogo, ní námara nyɔ́ɔgi, wéle, kérigèle bee n tɔ̀nɔ n mii bɛɛn.

Wɔrɔmi ye 3:18

Pe o fɛ̀ɛgí Kolocɔlɔɔ na nyáana í.»