Sélimɛ 2:4 - Cebaara Bible 2010

⁴ Kánmi bee na nyɛ̀ʔɛni ní tári sélimɛ da pye lǎli ni di faan lè. Lǎli ni Yawe Kolocɔlɔɔ tári ní nyɛ̀ʔɛni faan n kwɔ́ɔ lè,

Sélimɛ 2:4 Iomraidhean Croise

Sélimɛ 1:1

Làrizelili ni Kolocɔlɔɔ maa nyɛ̀ʔɛni ní tári yirige.

Sélimɛ 1:28

A Kolocɔlɔɔ dùbaw taʔa be na níì be pye: «Ki n yɛlɛ yaa sii yaa nɛʔɛgi ye tári nyìn, yáā di kàragí. Ye tɛ́ɛn fábèle nyúngo na, ní féjɛɛnri nyúngo na di nyaari lè ǹjogi ni, n fàra yaweeri myɛ na di fulolo lè tári na.»

Sélimɛ 1:3

A Kolocɔlɔɔ jo: «Gbɛ̀ɛ́nmi n yɛlɛ bi yiri.» A gbɛ̀ɛ́nmi yiri.

Sélimɛ 1:31

A Kolocɔlɔɔ wi yafaanri myɛ wéle n di nyaa a di tɔ̀nɔ n nyɔɔ gbanʔama. A gi pye cângwɔʔɔ nyɔ́ɔ, ní wɔ́ɔ baa pye nyɛ̀ʔɛ nyɔ́ɔ. Koro gi pye canya kɔrɔni wógi.

Sélimɛ 1:4

A Kolocɔlɔɔ gi nyaa gbɛ̀ɛ́nmi n nyɔɔ. A wi gbɛ̀ɛ́nmi wàli n láʔa yébilimi na.

Sélimɛ 10:1

Lònɛʔɛgi sɔ̀lɔlɔ kàdoʔo ma, Nowe jáabèle be lè Sɛmi, ní Kami, ní Zyafɛti, a poro nànbiigéle see. Nowe jáabèle bee yòdaʔaya yi nyɛ yee naa:

Sélimɛ 11:10

Sɛmi yòdaʔayi wéle yee. Lǎli ni Sɛmi taa lè yɛ̀ʔɛlɛ dabata, a wi Aripakisyadi see. Koro n pye lònɛʔɛgi maa sɔ̀lɔ, a yɛ̀ʔɛlɛ siin kwɔ́ɔ.

Sélimɛ 2:3

A Kolocɔlɔɔ si dùbaw taʔa canya kɔrɔsiin wógi na, níì gi sámaga n yaʔa wiyɛɛ ma, ncan cángi bee ni wi ŋɔ́n n daa fáliw myɛ na wi kpéʔele lè dulunyanw faanna na.

Sélimɛ 25:12

Abirahami pìíw Isimayɛli yòdaʔayi yi yee naa: Sara pulocew Agari, wi da pye lè Ezyipiti ye wów, woro wi da pìíw bee see Abirahami ma.

Sélimɛ 25:19

Abirahami jáaw Izaaki yòdaʔayi yi nyɛ yee naa: Abirahami wi Izaaki see.

Sélimɛ 36:1

Ezau yòdaʔayi yi nyɛ yee naa, Ezau wi lè Edɔmi:

Sélimɛ 36:9

Edɔmi ye tóolɛɛgi gi lè Ezau, woro yòdaʔayi yi nyɛ yee naa, woro wee wi da sáà tɛ́ɛn lè Seyiiri nyanbelegi na.

Sélimɛ 5:1

Adami yòdaʔayi sɛ́bɛ wi nyɛ wee naa: Cángee na Kolocɔlɔɔ syɔɔn faan lè, wi maa wi sámaga a wi woro Kolocɔlɔɔ wíri.

1 Fànʔafɔbèle 18:39

Lǎli ni syɛ́ɛnbèle myɛ gee bee nyaa lè, a be too n be yɛ́ɛyi cíbele tári na níì jo: «Yawe wi nyɛ Kolocɔlɔɔ! Yawe wi nyɛ Kolocɔlɔɔ!»

2 Cányi kèlē 20:6

Wi n jo: «Yawe, wolo tóolɛɛbèle Kolocɔlɔɔ, mɔ ban wi nyɛ Kolocɔlɔɔ nyɛ̀ʔɛgèle ni ì? Mɔ ban wi nyɛ syɛɛnfeleyi fànya myɛ nyúngo na ì? Fǎngi ní séew i nyɛ mɔ kɔ́gi ni. Wàa faala a gbǎn yére mɔ sige í.

Zyɔbi 38:28

A tofɔlɔ i nyɛ lé zěgi na? Wàlá wìí syɔ́ɔn wi kásagi lòsɔ̄lɔgéle sii?

Zyɔbi 38:4

«Lǎli ni mii da tári kàpɔɔn le lè, san mɔ da pye? Ki joo mii ma, kapye mɔ sícilimi a gbǎn gi cán.

Ŋúnuyi 18:31

Kolocɔlɔɔ kólogi kèlē n tɔ̀nɔ n sín n foro, Yawe syɛ́ɛnri i nyɛ wozɛʔɛgwɔɔrɔ ní. Bele myɛ be làra wi ni lè, wi i nyɛ bele bee má tunmɔzige-yariga.

Ŋúnuyi 86:10

Níì cán mɔ n kpɔ́ʔɔ, mɔ i kakpoloyo kpéʔele, mɔ nibin wi nyɛ Kolocɔlɔɔ.

Yirile 15:3

Yawe i nyɛ kapɛɛnkpumɔɔn. Wi mɛ́ɛgi gi nyɛ Yawe.

Yirile 6:16

Levii jáabèle ní wi yòdaʔayi mɛ́ɛyɛ yi nyɛ yee naa: Gerisyɔmi, ní Kehati, ní Merarii. Levii sìíw yɛ̀ʔɛlɛ myɛ nyɔ́ɔ n pye togoye kɔrɔni ní kpɔrigɔ ní kɔrɔsiin.

Ezayi 44:6

Yawe wi lè Isirayɛli Fànʔafɔw, woro wee wi wi nyúngi syoo lè. Yawe wi nyɛ lè Nyɛ̀ʔɛni Sùlasiibéle Kafɔlɔ, wi n jo: «Mii wi nyɛ Wozeliw ní wɔ́ɔ i nyɛ Wozanw, wàa ní o nyɛ Kolocɔlɔɔ mii kàdoʔo ma í.

Tɛ̀ɛnnɛ 1:4

Mii Zyan a sɛ́bɛw naa tórigo yele Egilizibèle kɔrɔsiin ma ye nyɛ lè Azii tári ni, ki n yɛlɛ Kolocɔlɔɔ í kpɔ́ʔɔri ní fûnnyingi kaan yele ma, woro wee wi yaà lè, ní woro wee wi da pye yaà lè, ní woro wee wi maa lè, pìígèle kɔrɔsiin í di kaan yele ma, gele ge nyɛ lè wi fàngoli yɛ́ʔɛ ma.

Tɛ̀ɛnnɛ 1:8

Kàfɔw Kolocɔlɔɔ wi gi joo níì jo: «Mii wee wi nyɛ lè, ní mii wee wi da pye yaà lè, ní mii wee wi maa lè, mii wi nyɛ Alifa ní Omega, mii wi lè Séew Myɛ Kàfɔlɔ.»

Tɛ̀ɛnnɛ 11:17

níì jo: «Wolo i bariga kaangi mɔ ma, Kàfɔw Kolocɔlɔɔ, mɔ wi lè Séew Myɛ Kàfɔlɔ, mɔ wee wi nyɛ lè beè tɔ́ɔliw ni, ní wɔ́ɔ̀ pye yaà booma ni, níì cán mɔ n mɔ séekpɔɔw láa n baa tɛ́ɛn mɔ fangi na.

Tɛ̀ɛnnɛ 16:5

A mii gi lóʔo nyɛ̀ʔɛni tunduɔn ma, woro wee wi nyɛ lè lǒyi nyúngo na, a wi jo: «Mɔ n sín, mɔ wee wi nyɛ lè ní mɔ wee wi téè pye yaà lè, mɔ wi nyɛ Wojanw àmɛɛ mɔ kérigèle naa tímana lè.