Sélimɛ 2:3 - Cebaara Bible 2010

³ A Kolocɔlɔɔ si dùbaw taʔa canya kɔrɔsiin wógi na, níì gi sámaga n yaʔa wiyɛɛ ma, ncan cángi bee ni wi ŋɔ́n n daa fáliw myɛ na wi kpéʔele lè dulunyanw faanna na.

Sélimɛ 2:3 Iomraidhean Croise

Sélimɛ 1:31

A Kolocɔlɔɔ wi yafaanri myɛ wéle n di nyaa a di tɔ̀nɔ n nyɔɔ gbanʔama. A gi pye cângwɔʔɔ nyɔ́ɔ, ní wɔ́ɔ baa pye nyɛ̀ʔɛ nyɔ́ɔ. Koro gi pye canya kɔrɔni wógi.

Sélimɛ 2:2

Amɛɛ Kolocɔlɔɔ kwɔ́ɔ yáriri myɛ faanna na lè, a ki ga pye canya kɔrɔsiin wógi na, a wi ŋɔ́n n daa fáliw myɛ na wi kpéʔele lè.

Sélimɛ 2:4

Kánmi bee na nyɛ̀ʔɛni ní tári sélimɛ da pye lǎli ni di faan lè. Lǎli ni Yawe Kolocɔlɔɔ tári ní nyɛ̀ʔɛni faan n kwɔ́ɔ lè,

Nehemii 9:14

Mɔ n mɔ falipyew Mowizi láa n mɔ cândɛnɛjǎngi tɛ̀ɛn be na n fàra tundunro, ní kajoodɛɛngēle, ní làlwa na.

Yirile 23:12

Mɔ a mɔ fáliw kpéʔele canya kɔrɔni fúngo ni, kàjáa can-kɔrɔsiin wógi na, mɔ a mɔ fáliw yaʔa koro ga pye mɔ niyi, ní mɔ jofanibèle í ŋɔ́n daa. Mɔ púlocew pyà, ní mɔ nibɔnw n yɛlɛ bi ŋɔ́n daa.

Yirile 34:21

Ki n yɛlɛ maa báara canya kɔrɔni. Ki ga pye can-kɔrɔsiin wógi na, mi ŋɔ́n mi daa. Alí ki ga pye yaliilùgu-lǎli ni wàlá yaliilaa-lǎli ni, ki n yɛlɛ maa cândɛnɛgi jàtée.

Kàseegèle 10:22

Yawe dùbaw wi syɔɔn kpéʔele yarigaa fɔ́lɔ, wi o fɔ̀rɔgɔ faala fàrá wi na í.

Ezekyɛli 20:12

Mii n wɔ́ɔ̀ mii cândɛnɛyi kaan be ma, yoro í pye fɛ̀ɛ mii ní be níngi ni, koro ga pye pe gi cán mii wi nyɛ Yawe, mii wee wi poro yaari kɔlɔ̀ na niyɛɛ ma lè.

Levii ye sáriga-wòlori 23:3

Yele a ra báara canya kɔrɔni fúngo ni, kàjáa kɔrɔsiin wógi a pye cândɛnɛgɛ, ki a pye ŋɔ́ndaala canʔa, bi pye kpóʔorojànna, yele a fali faala kpéʔele í. Yawe cândɛnɛgi gii yele tɛɛkòroyi myɛ ni.

Mariki 2:27

A wi níì be pye: «Cândɛnɛgi n kpéʔele syɔɔn nyɔɔmi kéele na, syɔɔn ga kpéʔele cândɛnɛgi kéele na í.

Luki 23:56

níì lúru n kári n sáà nùndaanna míige ní nùndaanna sìnmɛ sámaga. Níì ŋɔ́n n daa cândɛnɛgi canʔa ni, n yɛlɛ ní Kolocɔlɔɔ kajooli ní.