Sélimɛ 2:25 - Cebaara Bible 2010

²⁵ Nǎnw ní wi céw, pe myɛ siinw maa pye níboribéle, pe si da fɛ̀ɛrɛ cán í.

Sélimɛ 2:25 Iomraidhean Croise

Sélimɛ 3:7

Lǎli bee ni a pe myɛ siinw nyapiigéle fala n múgu, a be gi cán poro i nyɛ níboribéle, a be fala n děsyaan-wára jɔli tiyɛɛ na n pye fànnanya, n lúgo.

Ŋúnuyi 25:3

Syɛ́ɛnbèle bele myɛ pe be sɔ̀ngumi taʔa mɔ na lè, fɛ̀ɛrɛ a tée be taa í. Bele si be mɔ jànváa lè nyùngo fun, fɛ̀ɛrɛ a bele bee taa.

Ŋúnuyi 31:17

Mɔ yɛ́ɛgi gbɛ̀ɛnmɛ yirige mɔ falipyew ma, mii syɔɔ mɔ funjǎngi báriga ni!

Yirile 32:25

A Mowizi gi nyaa kánmee na syɛ́ɛnbèle jée kanyaʔamiri ni lè, ní wɔ́ɔ̀ gi cán Aarɔn wi da be yaʔa a be jée kanyaʔamiri bee ni n peyɛɛ gbéʔele yafaʔagéle pe kàsiitun-nyɛ́nbèle ma.

Ezayi 44:9

Bele be yasunyi kpéʔele lè, pe myɛ i nyɛ fúu, pe yakpéʔeleri wojanra o yafyɛn nyɔɔgi í, pe i nyɛ yi séerabéle, yi o nyaagi í, cánna o yi ma í, koro na fɛ̀ɛrɛ a wɔ́ɔ ba be taa.

Ezayi 47:3

Mɔ níborigi a múgu yaʔa, pe a mɔ fɛɛri nyaa, mii a gɔ̀lɔ́w wòlo, syɔɔn faala a gbǎn mii yérige gi pyeli na í.»

Ezayi 54:4

Mɔ a kɔ́ fyáa í, níì cán fɛ̀ɛrɛ a mɔ taa í, mɔ a kɔ́ mɔ nyúngi jùngu í, níì cán faʔara a tée too mɔ na í. Mɔ a fɛ̀ʔɛ mɔ cárimi làla fɛ̀ɛrɛ kèlē na, mɔ a ní tée sɔ̀ngí taa mɔ lɔguugi faʔara na í.

Zyeremii 17:13

Yawe, mɔ wi nyɛ Isirayɛli sɔ̀ngumi tɛɛtaʔaga! Bele myɛ pe mɔ yaʔa lè fɛ̀ɛrɛ a ba be taa, bele be láʔa mii na lè, pe mɛ́ɛyi a ba sɛ́bɛ támiigi ni, níì cán pe n be sìíw púloweele cée, li lè Yawe.

Zyeremii 6:15

Fɛ̀ɛrɛ maa yɛlɛ ti be taa yanɔnʔɔri kéele na be kpéʔele lè, kàjáa fɛ̀ɛrɛ ga téè be taa í, pe ga níì fɛ̀ɛrɛ cán í. Koro na pe a pínɛ da tuun ní bele ní be tuun lè, mii ga yìri be kurugo lǎlee ni lè, pe a kpírige too,» Yawe wi jo nya.

Ezekyɛli 16:61

Mɔ a sɔ̀ngi bi taa mɔ tánʔaganmi na, fɛ̀ɛrɛ si mɔ taa, lǎli ni mɔ a fɔ̀lɔ mɔ senyɛnjebèle na lè, wogbolobèle, ní wobiigèle, mii a be kaan mɔ ma mɔ piibéle, kàjáa gee bee a pye mɔ joogaanni kéele na mii kpéʔele ní mɔ ní lè í.

Zyowɛli 2:26

Yele a ra líi bàā tíngi, sáā Yawe mɛ́ɛgi kpɔ̀ʔɔrɔ́, wi lè yele Kolocɔlɔw, woro wee wi kakpoloyo kpéʔele yele ma lè, mii syɛ́ɛnbèle a ní pye fɛ̀ɛrɛ wòolo ní nyáana í.

Mariki 8:38

Níì cán wee wi ga ni fɛ̀ɛrɛ kpéʔele lè tɔ́ɔliw naa kanɔnʔɔbyebèlē nínge ni mii kéeli na, ní mii syɛ́ɛnri kéele na mii joo lè, Syɔɔn-pya a wɔ́ɔ ba fɛ̀ɛrɛ kpéʔele wee bee kéele na lǎli ni wi ga ni maa wi Tóow nìjangbɔɔrɔ ni lè ní wi tundunjanbèle ní.»

Luki 9:26

Níì cán wee wi ga ni fɛ̀ɛrɛ kpéʔele mii kéeli na lè, ní mii syɛ́ɛnri ní mii joo lè, Syɔɔn-pya a ba fɛ̀ɛrɛ kpéʔele wee bee kéele na lǎli ni wi ga ni maa lè wi tiimaa nìjangbɔɔri ni, ní wi Tóow nìjangbɔɔrɔ, ní wi tundunjanbèle wóro ní.

Wɔrɔmi ye 10:11

àmɛɛ syɛɛnsɛbɛri gi joo lè níì jo: «Syɔɔn o syɔɔn wi tága lè wi na, fɛ̀ɛrɛ a tée wee bee taa bi nyaa í.»