Sélimɛ 2:22 - Cebaara Bible 2010

²² Kótiigee Yawe Kolocɔlɔɔ da wòlo lè nǎnw ni, a wi gee bee sámaga cɔlɔɔ n pan ní wi ní nǎnw ma.

Sélimɛ 2:22 Iomraidhean Croise

Sélimɛ 2:19

A Yawe Kolocɔlɔɔ tári tɛ́ʔɛ n sìnbirigi yaweere féleye myɛ, ní féjɛɛnri féleye myɛ sámaga n pan ní di ní nǎnw ma, si gi wéle kánmee na wi a ra di mɛ́ɛyi yiri lè. Mɛ́ʔɛ o mɛ́ʔɛ nǎnw ga le gi kàa na lè, gee bee í kòro gi mɛ́ɛgi.

Ŋúnuyi 127:1

Njogi lúgufɔɔlɔ ŋúnugo, Salomɔn wógi. Kapye Yawe o kpáagi faanri í, bele be gi faanri lè, pe i báara gbanzan. Kapye Yawe o kěgi kpáa wéle í, wee wi gi kpáaw wéle lè, wi i syɔ̀ɔ́n nyɛ̀nɛ na gbanzan.

Kàseegèle 18:22

Wee wi ga cɔlɔɔ caa n taa lè, wi n kacànga taa. Kpɔʔɔrɔ wi taa Yawe ma.

Kàseegèle 19:14

Kpaʔa ní lɔrɔ i taagi kɔrigɔ tofɔɔlɔ ma, kàjáa cesicilio i nyɛ Yawe yakanʔa.

1 Timɔte 2:13

Níì cán Adami be sélì faan, ní náà Ɛvi faan.

Heburubèle 13:4

Ki n yɛlɛ cèpɔrigi kéele í kpɔ́ʔɔ yele myɛ ma, ki yasinɛgi si pye fɔɔnrɔ fun. Níì cán Kolocɔlɔɔ a ba kútiiw kúun kanɔnʔɔbyebèle, ní ceyuubèle, ní nànyuubèle na.