Sélimɛ 2:2 - Cebaara Bible 2010

² Amɛɛ Kolocɔlɔɔ kwɔ́ɔ yáriri myɛ faanna na lè, a ki ga pye canya kɔrɔsiin wógi na, a wi ŋɔ́n n daa fáliw myɛ na wi kpéʔele lè.

Sélimɛ 2:2 Iomraidhean Croise

Sélimɛ 1:31

A Kolocɔlɔɔ wi yafaanri myɛ wéle n di nyaa a di tɔ̀nɔ n nyɔɔ gbanʔama. A gi pye cângwɔʔɔ nyɔ́ɔ, ní wɔ́ɔ baa pye nyɛ̀ʔɛ nyɔ́ɔ. Koro gi pye canya kɔrɔni wógi.

Sélimɛ 2:3

A Kolocɔlɔɔ si dùbaw taʔa canya kɔrɔsiin wógi na, níì gi sámaga n yaʔa wiyɛɛ ma, ncan cángi bee ni wi ŋɔ́n n daa fáliw myɛ na wi kpéʔele lè dulunyanw faanna na.

Yirile 23:12

Mɔ a mɔ fáliw kpéʔele canya kɔrɔni fúngo ni, kàjáa can-kɔrɔsiin wógi na, mɔ a mɔ fáliw yaʔa koro ga pye mɔ niyi, ní mɔ jofanibèle í ŋɔ́n daa. Mɔ púlocew pyà, ní mɔ nibɔnw n yɛlɛ bi ŋɔ́n daa.

Yirile 31:15

Fáliw a ra kpéʔele canya kɔrɔni fúngo ni, kàjáa canya kɔrɔsiin wógi a pye cândɛnɛgɛ, bi pye ŋɔ́ndaala canʔa, gee ki a yaʔa kɔlɔ̀ na Yawe ma lè. Syɔ́ɔnwee wi ga faliwaa kpéʔele lè cândɛnɛgi canʔa ni, pe a wee bee kpóo.

Yirile 31:17

Gee bee a kòro fɛ̀ɛ mii ní Isirayɛli ye níngi ni bàā syée yaà làla o làla. Níì cán Yawe n nyɛ̀ʔɛgèle ní tári sámaga canya kɔrɔni fúngo ni, a ki ga pye canya kɔrɔsiin wógi na, a wi fáliw yérige níì ŋɔ́n n daa.› »

Ezayi 58:13

«Mɔ ga mɔ tɔ́lɔyi cò cândɛnɛgi canʔa na, níì láʔa mɔ nyɛ́nɛ kérigèle kpéʔelele na mii canjǎngi ni, mɔ ga ni cândɛnɛgi yiri mɔ cannidaanmaga, ní i cángi bee córo Yawe canjànga, n gi pye cângbɔʔɔ, mɔ ga fɔ̀lɔ ni mɔ tánʔagèle kpéʔele í, mɔ ga pye mɔ o mɔ fáliw kpéʔele í wàlá ni nyùngo fun syɛ́ɛnri nyuu í,

Zyan 5:17

Kàjáa a Zyezu be yari: «Mii Tóow sèʔé i báara n baa nan níjanʔa na, a mii wɔ́ɔ i báara.»

Làlwaw Kaanziin 5:14

Kàjáa canya kɔrɔsiin wógi i nyɛ mii Yawe mɔ Kolocɔlɔw cândɛnɛgɛ. Mɔ a kɔ́ fali faala kpéʔele gi ni í. Mɔ ní mɔ piiwee wi lè nàɔn wàlá cɔlɔɔ, n fàra mɔ falipyenǎnw, ní mɔ falipyecew, ní mɔ nifalagi, ní mɔ jofaniw, ní mɔ yaweeri myɛ, ní nibɔnwee na wi baa tɛ́ɛn ní mɔ ní lè, koro ga pye mɔ falipyenǎnw ní mɔ falipyecew í ŋɔ́ndaa àmɛɛ mɔ ŋɔ́n n daa lè.

Heburubèle 4:10

Níì cán wee wi jée lè Kolocɔlɔɔ ŋɔ́ndaali ni, wi n wɔ́ɔ̀ ŋɔ́n n daa wi fáliw na àmɛɛ Kolocɔlɔɔ tiimaa da ŋɔ́n n daa wi wów na lè.

Heburubèle 4:4

Níì cán wi n gi joo sɛ́bɛw tɛ́ɛgaa ni canya kɔrɔsiin wógi kéele na níì jo: «Kolocɔlɔɔ maa wi fáliw myɛ foro níì ŋɔ́n n daa canya kɔrɔsiin wógi na.»