Sélimɛ 2:18 - Cebaara Bible 2010

¹⁸ A Yawe Kolocɔlɔɔ jo: «Nǎnw ga yɛlɛ wi kòro nya wi nibin í. Mii a dɛ̀ɛmɛfɔlɔ sámaga bi kaan wi ma, wi pye wi pínɛnyɛnnɛ.»

Sélimɛ 2:18 Iomraidhean Croise

Sélimɛ 1:31

A Kolocɔlɔɔ wi yafaanri myɛ wéle n di nyaa a di tɔ̀nɔ n nyɔɔ gbanʔama. A gi pye cângwɔʔɔ nyɔ́ɔ, ní wɔ́ɔ baa pye nyɛ̀ʔɛ nyɔ́ɔ. Koro gi pye canya kɔrɔni wógi.

Sélimɛ 2:20

A nǎnw kěgi yaweere, ní féjɛɛnri, ní sìnbirigi yaweere myɛ mɛ́ɛyɛ le di na, kàjáa nǎnw ga wàa taa wiyɛɛ félege, wee wi a ra woro dɛ̀ɛmɛ́ lè í.

Sélimɛ 3:12

A nǎnw jo: «Céwee mɔ kaan mii ma wi pye mii pínɛnyɛnnɛ lè, woro wi tíigi bee yasangaa kaan mii ma a mii lìi.»

Kàseegèle 18:22

Wee wi ga cɔlɔɔ caa n taa lè, wi n kacànga taa. Kpɔʔɔrɔ wi taa Yawe ma.

1 Korɛnti ye 7:36

Pyà ga pye nànwaa ma, á wi lɛɛ n nan pe wi pɔri, wi si ga kɔ́ɔ̀ nàngeele cán í, á tofɔw gi nyaa fwɔɔ woro í wi yaʔa nàɔn ma wi wi pɔri kapye koro ban í ki a nyɔɔ í, gee wi caa bi kpéʔele lè, ki n yɛlɛ wi gi kpéʔele kapeele ban í. Ki n yɛlɛ pe cèpɔrigi kpéʔele.

1 Pyɛri 3:7

Kánmi bee na, yele nǎnbèle, yaa yele cébèle náari ní sícilimɛ ní, yé gi cán pe céri báriga n cɛ́rɛ yele wów na. Ki n yɛlɛ yaa be kpɔ́ʔɔgi, koro ga pye yafyɛn a kɔ́ yele nyɛ́ɛriyi yérige í, kpɔ́ʔɔri ti sìíw kaangi lè, pe wɔ́ɔ i nyɛ ní yele ní ti kɔriliinyɛ̀nnɛ.

Wuruti 3:1

Nowemii wi lè wi nǎnw nɔ́ɔ, a woro wi pye: «Ni pyà, mii i caa bi tɛɛ̀ŋɔndaala caa mɔ ma jàngó mɔ í pye fundaanra na.