Sélimɛ 2:17 - Cebaara Bible 2010

¹⁷ Kàjáa mɔ a kɔ́ kacǎnni ní kapeeli cánna tíige yasangaa lìi í. Mɔ ga gi kàa lìi cángee na lè, mɔ a kùu dɛ.»

Sélimɛ 2:17 Iomraidhean Croise

Sélimɛ 2:9

Tiige o tiige gi nyɔɔ lè, ki yasanri si wɔ́ɔ i nyɛ lìijànna, a Yawe Kolocɔlɔɔ dee bee féleye myɛ yaʔa a di fìin n yiri tári na. Sìíw tíige maa wɔ́ɔ̀ pye nángwɔɔw nínge ni n fàra kacànna ní kapeele cánna tíige na.

Sélimɛ 20:7

Tɔ́ɔliw ni ki n yɛlɛ mi nǎnw bee cɔ́ɔ lúrugo mi kaan wi ma. Kanyaajooo wi nyɛ wi nǎnw. Wi a Kolocɔlɔɔ nyɛ́ɛri mɔ kéeli na, mɔ a kùu í. Kàjáa mɔ ga pye mɔ ga wi lúrugo n kaan wi ma í, ki n yɛlɛ mi gi cán mɔ ní mɔ kpáagi wòolo myɛ a kùu.»

Sélimɛ 3:11

A Yawe Kolocɔlɔɔ si wi yíbe níì jo: «Wìí wi gi joo mɔ ma níì mɔ pye mɔ i nyɛ níbori? Tíigee yasanra mii da jo lè mɔ a kɔ́ lìi í, a mɔ tɔ̀ʔɔ̂ gi kàa lìi lé?»

Sélimɛ 3:17

A wi gi joo nǎnw ma níì jo: «Tíigee kéele mii da joo lè níì jo mɔ a kɔ́ gi yasangaa lìi í, àmɛɛ mɔ baa mɔ céw syɛ́ɛnrɛ lóʔo lè níì gi kàa lìi. Koro na tári n dánga mɔ kapeeli kéele na. Mɔ a ra wɔʔɔ gbanʔama si náa ra yaliire taagi di ni mɔ siiw canya myɛ ni.

Sélimɛ 3:19

Mɔ yɛ́ɛcɔɔli kakpege na mɔ a ra líi fwɔɔ bi taa mɔ í ba lúru jée tári ni, beè mɔ yirige lè. Níì cán mɔ i nyɛ támiige, támiigi si ni mɔ a lúru jée.»

1 Fànʔafɔbèle 2:37

Ki n yɛlɛ mi gi sámaga mi cán mɔ ga yiri nɛɛ naa n Sedurɔn jǐnlɔgi foro cángee na lè, mɔ a tɔ̀nɔ́ kùu wii, mɔ sisyaanw wolo kapeele si lúru kòro mɔ nyúngi ni.»

1 Fànʔafɔbèle 2:42

A fànʔafɔw tun a be sáà Syimeyii yeri, ní baa wi pye: «Mii da mɔ kɔ́ri a mɔ kàli Yawe na ì, níì gee naa joo n gbàn mɔ ma níì mɔ pye: ‹Ki n yɛlɛ mi gi sámaga mi cán mɔ ga yiri nɛɛ naa n kári tɛɛgaa faala ni cángee na lè, mɔ a kùu wii ì?› Mɔ da mii pye: ‹Ki n yɛlɛ! Mii n gi lóʔo› ì?

Zyeremii 26:8

Lǎli ni Zyeremii kwɔ́ɔ lè syɛ́ɛnri joolo na, dee myɛ Yawe da joo n gbàn wi ma níì jo wi di joo syɛ́ɛnbèle myɛ ma lè, a sáriga-wòlobèle ní kanyaajoobèle, ní syɛ́ɛnbèle myɛ wi cò níì jo: «Mɔ a kpóo wii!

Ezekyɛli 18:13

ní i fwɔɔlɔ nii tɔ̀nɔ kéele na, ní i tɔ̀nɔpeew syoo, jaafɔw bee félege si kòro lé sìi na? Wi a kòro sìi na í àmɛɛ wi kapeeyi bee myɛ kpéʔele lè. Pe a tɔ̀nɔ́ wi kpóo wii! Wi sìsyaanw wolo kapeele a kòro wi tiimaw na!

Ezekyɛli 18:32

Níì cán syɔɔnwaa faala kuu kéele tɔ̀nɔ́ o nyɛ mii kanidaanna í. Kàfɔw Yawe wi jo nya. Koro na, ye kàri, yé kòro sìi na.»

Ezekyɛli 18:4

Wéle, pìígèle myɛ i nyɛ mii wòʔolo. Tofɔw pìle ní jaafɔw pìle i nyɛ mii woʔolo, ke myɛ i nyɛ mii wòʔolo. Wee wi ga kapeeli pye lè, woro wi a kùu.

Ezekyɛli 33:14

Lǎli ni mii ga gi joo syɛɛnpeew ma lè níì jo: Mɔ a tɔ̀nɔ́ kùu wii! A wi láʔa wi kapeeli na, ní i táanri kányɛɛgi, ní sínni na,

Ezekyɛli 33:8

Lǎli ni mii ga gi joo syɛɛnpeeo ma lè níì jo: ‹Syɛɛnpeeo, mɔ a tɔ̀nɔ́ kùu!› Mɔ ga pye mɔ ga joo wi ma n wi sàmi wi tánʔaganmi kéele na í, syɛɛnpeew bee a kùu wi sìnzinmi kéele na, kàjáa mii a wi sìsyaanw kéele yíbe mɔ ma.

Córolo 26:65

Níì cán Yawe maa gi joo be kéeli na níì jo: «Pe a kùu fìími tára ni.» Pe wàa ga wɔ́ɔ̀ kòro í, kapye Kalɛbi ban í, wi lè Yefune jáaw, ní Zyozuwe wi lè Nun jáaw.

Wɔrɔmi ye 1:32

Bi gi taa gee Kolocɔlɔɔ joo lè kérigèle bee na wi nyɔɔsyɛɛnri ni, pe n gee bee fílige n cán, níì cán wi n jo: Bele be kérigèle bee félege kpéʔele lè, pe n yɛlɛ ní kùu ní, a be sèʔê fala kérigèle bee kurugo ni kpéʔele, àlí bele be kérigèle bee wonijangéle kpéʔele lè, pe i bele bee sòoló ke kpéʔeleli na.

Wɔrɔmi ye 6:16

Yele ga gi cán ncan yele ga yeyɛɛ gaan kàfɔwee ma lè n pye wi pulobèlē ni lúro wi ma, woro wee má yele lúro lè, yele i nyɛ wee bee púlobéle ì? Kapye kapeebyeri má yele lúro, gee bee kàdoʔo i nyɛ kùúw, ki si ga pye Kolocɔlɔɔ má yele lúro, gee bee kàdoʔo i nyɛ sínni.

Wɔrɔmi ye 6:23

Níì cán kapeebyeri sàra wi nyɛ kùúw, kàjáa kpɔ́ʔɔri Kolocɔlɔɔ kaan wolo ma lè, toro di nyɛ sìibangwɔɔw wolo Kàfɔw Zyezu Kirisi bárigaw ni.

Wɔrɔmi ye 8:2

Níì cán Pìicǎnni li sìíw kaangi syɔɔn ma Kirisi Zyezu ni lè, li làlwaw n mii yirige kapeebyeri ní kùúw làlwa púloro ni.

1 Korɛnti ye 15:22

Amɛɛ Adami pye lè sábabu syɛ́ɛnbèle myɛ na pé i kúu, ànbée Kirisi wɔ́ɔ̄ nyɛ sábabu syɛ́ɛnbèle myɛ na pé ní pye sìi na.

1 Korɛnti ye 15:56

Kùúw sɔ́ɔnrɔ di nyɛ kapeebyeri. Kapeebyeri fànʔa si gi nyɛ Mowizi làlwaw.

Galasi ye 3:10

Bele myɛ si be peyɛɛ daʔa lè Mowizi làlwaw kapyegèlē na, dángaw i nyɛ bele bee na, níì cán ki maa sɛ́bɛ níì jo: «Kérigèle ge sɛ́bɛ làlwaw sɛ́bɛ ni lè, syɔɔn o syɔɔn wi lè wi o gele bee myɛ kpéʔele ni forogi í, wee bee n dánga.»

Efɛzi ye 5:14

Níì cán keele o keele li yiri lè gbɛ̀ɛ́nmi na, li n kàri gbɛ̀ɛnmɛ. Gee bee na gi jo: «Yìri, mɔ wi ŋúnɔ lè, mi nyán mi yiri kúbèle nínge ni, koro ga pye Kirisi a gbɛ̀ɛnmɛ yirige mɔ ma.»

Làlwaw Kaanziin 27:26

‹Wee wi lè wi o làlwaw naa syɛ́ɛnrɛ jàtée ní i di forogi í, ki n yɛlɛ wi dánga!› Syɛ́ɛnbèle myɛ a gi joo si jo: Amiina!

Làlwaw Kaanziin 30:15

«Wéle, mii n sìíw ní kacǎnni tɛ́ʔɛ mɔ yɛ́ʔɛ ma níjanʔa, ní wɔ́ɔ̀ kùúw ní kapeegi tɛ́ʔɛ mɔ yɛ́ʔɛ ma.

Làlwaw Kaanziin 30:19

Mii i nyɛ̀ʔɛni ní tári yiri níjanʔa di pye séera yele kánmi na, ncan mii n sìíw ní kùúw, ní dùbaw ní dángaw tɛ́ʔɛ mɔ yɛ́ʔɛ ma, ki si n yɛlɛ mi sìíw nyɛ́nɛ mi wòlo, koro ga pye mɔ í kòro sìi na, mɔ ní mɔ yodaʔayi ní,

Kɔlɔsi ye 2:13

Amɛɛ yele da pye lè kapeebyeri ni, níì pye sìngɛnɛ ni yele tánʔaganlɛɛmi ni lè, yele maa pye woguubéle ní, Kolocɔlɔɔ si n yele nyán n wéege ní Kirisi ní níì yele kapeegèle myɛ kùsulugo syɔɔ.

1 Timɔte 5:6

Kàjáa wee wi ga kòro wi nyɛnɛ kérigèle na ni kpéʔele lè, wee bee n kùu n kwɔ́ɔ àlí n gi yaʔa wi i nyɛ sìi na.

Zyaki 1:15

Syɔɔn fundaagi n si baa ficɛnnɛ taa bi kapeele see. Kapeebyeri ga baa foro, ti n kùu see.

1 Zyan 5:16

Syɔɔnwaa ga wi senyɛnnɛ nyaa wi i kapeelaa kpéʔele li si o nyɛ kùu wólo í, ki n yɛlɛ wi nyɛ́ɛri Kolocɔlɔɔ ma wi kéeli na, Kolocɔlɔɔ a sìi kaan senyɛnw bee ma. Gee naa a gbǎn pye bele má be kapeegèle kpéʔele lè, ke si o nyɛ kùu wòʔolo í. Kapeelaa i yaà, li i nyɛ kùu wólo, mii ga jo syɔɔn í da nyɛ́ɛri lee bee kéele na í.

Tɛ̀ɛnnɛ 2:11

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro! Wee wi ga fànʔa taa lè, kùu siin wów a ní gbǎn yafyɛn kpéʔele wee bee na í.›

Tɛ̀ɛnnɛ 20:14

níì fala n kùúw ní kúbèle tɛɛkòrogo wáa naakpɔɔgi ni. Naakpɔɔgi bee gi nyɛ kùu siin wów.

Tɛ̀ɛnnɛ 20:6

Bele be lɛɛlɛ taa lè kúbèle nyán-yiri-zélile ni, bele bee i nyɛ dùba pìibēle, ní Kolocɔlɔɔ syɛɛncanbéle! Kùu siin wów a fànʔa taa bele bee wàa na í, pe a pye Kolocɔlɔɔ ní Kirisi sáriga-wòlobēle, si pye fǎngi na ní wi ní yɛ́ɛgèle saala kagunɔ.

Tɛ̀ɛnnɛ 21:8

Kàjáa fyáari fɔ̀ɔlɔ, ní sìndagabèle, ní syɛɛn-nɔ́nʔɔbèle, ní syɛɛnkpoobèle, ní kanɔnʔɔbyebèle, ní dɛ̀ɛ́bèle, ní yasunzunbèle, ní jànvaafɔbèle myɛ tɛɛkòrogo a pye naakpɔɔgi ni, gee ni dìrigíw sóori lè, gee bee gi nyɛ kùu siin wów.»

Jàbɔbèle 3:2

Koro n kpéʔele jàngó Isirayɛli ye yìrigèle syɛ̀ɛnnɛ í kapɛɛnni kéele cán si li tama, poro bele be lè pe da kɔ́ɔ̀ li cán í.

1 Samyɛli 14:39

Yawe woweew mɛ́ʔɛ na tɔ̀nɔ́gēle wi lè Isirayɛli syɔɔfɔw, àlí ki ga pye mii jáaw Zyonatan wi nyɛ kéeli pyefɔlɔ, wi a tɔ̀nɔ kùu wii.» Kàjáa syɛ́ɛnbèle myɛ nínge ni, wàa ga syɛɛnlurugoro kaan wi ma í.

1 Samyɛli 14:44

A Sawuli jo: «Mɔ a tɔ̀nɔ́ kùu wii, Zyonatan. Kapye koro ban í, wɔʔɔgi gi pee lè ki n yɛlɛ Kolocɔlɔɔ í koro taʔa mii na bi ní kàa fàra gi na.»

1 Samyɛli 20:31

Bi Izayi jáaw yaʔa beè sìi na tásaligi na, mɔ ní mɔ fangi a tée yɛɛ̀nyinge taa í. Tun tɔ́ɔliw ni pe pan ní wi ní, pan ní wi ní mii ma. Níì cán wi n yɛlɛ ní kùu ní.»

1 Samyɛli 22:16

A fànʔafɔw jo: «Ahimelɛki, a mɔ a kpóo wii, mɔ ní mɔ kpáagi wòolo myɛ ní.»