Sélimɛ 2:16 - Cebaara Bible 2010

¹⁶ A Yawe Kolocɔlɔɔ syɛ́ɛnri naa joo n gbàn nǎnw ma níì wi pye: «Tíiree myɛ di nyɛ nángwɔɔw ni lè, mɔ a gbǎn ra di yasanri líi.

Sélimɛ 2:16 Iomraidhean Croise

Sélimɛ 1:29

A Kolocɔlɔɔ jo: «Wéle, mii n tári yaliire myɛ ní tiisanri kaan yele ma, ti nyɛ lè ní cèegēle ní, toro í pye yele yaliiri.

Sélimɛ 2:15

A Yawe Kolocɔlɔɔ nǎnw láa n sáà télege Edɛn nángwɔɔw ni waa wi fála, sáā wi kpáaw wéle.

Sélimɛ 2:9

Tiige o tiige gi nyɔɔ lè, ki yasanri si wɔ́ɔ i nyɛ lìijànna, a Yawe Kolocɔlɔɔ dee bee féleye myɛ yaʔa a di fìin n yiri tári na. Sìíw tíige maa wɔ́ɔ̀ pye nángwɔɔw nínge ni n fàra kacànna ní kapeele cánna tíige na.

Sélimɛ 3:3

Kàjáa tíigee gi nyɛ lè nángwɔɔw nínge ni, gee gi koro yasanri kéele kwɔ́ɔ lè, Kolocɔlɔɔ n jo: ‹Yele a kɔ́ gi kàa lìi í. Yele a caa kɔ́ tánga gi kàa na í, kapye koro ban í, yele a kùu.› »

1 Timɔte 4:4

Kolocɔlɔɔ yasamagari myɛ n nyɔɔ, syɔɔn ga yɛlɛ wi tàa faala cée í, ki n yɛlɛ waa fɔ̀lɔ́ di na, wáā bariga kaangi Kolocɔlɔɔ ma.

1 Timɔte 6:17

Ki joo mi gbàn dulunyanw naa lɔrɔfɔɔlɔ ma mí be pye, pe a kɔ́ ra peyɛɛ gbɔ́ʔɔgi í, mí wɔ́ɔ gi joo be ma pe a kɔ́ be sɔ̀ngumi taʔa lɔ́ri na í, níì cán ti i nyɛ yakwɔʔɔ, fwɔɔ pe be sɔ̀ngumi taʔa Kolocɔlɔɔ na, woro wee wi yáriri myɛ kaangi wolo ma lè wonɛʔɛrɛ ní, koro ga pye wolo í da fundaanra kpéʔele.

1 Samyɛli 15:22

A Samyɛli jo: «A sáriga-sórigow ní sárigasanw kéele Yawe dɛ́nɛ lé n sɔ̀lɔ Yawe jóomi lóʔolo na? Wéle, lóʔoli n pɔ́rɔ n sɔ̀lɔ sárigaw na. Bi miyɛɛ jɛ́rɛw n pɔ́rɔ n sɔ̀lɔ bàpɔbèle sìnmɛ na.