Sélimɛ 19:9 - Cebaara Bible 2010

⁹ A be jo: «Núngo yaà!» Ní níì jo: «Nǎnw naa n pan wi nibin n baa tɛ́ɛn ní wolo ní nibɔnrɔ na, ní si i caa bi pye wolo kútiijooo. Tɔ́ɔliw ni gee wolo a kpéʔele mɔ na lè, ki a pee bi sɔ̀lɔ gee na wolo a kpéʔele be na lè.» A be fala n Lɔti sàra n sígi ní i syée kpaaweeli ma bi sa kɔ̀rigi kabi.

Sélimɛ 19:9 Iomraidhean Croise

Sélimɛ 11:6

A Yawe gi joo níì jo: «Wéle, àmɛɛ pe myɛ nyɛ lè syɛɛnfelege nibin, pe myɛ si i syɛɛnfele-níjanra nyuu, gee be séli ni kpéʔele lè gee, ki ga foro pe wógi na, yafyɛn a ní ba be láʔa pe nyɛnɛ kéelaa na í.

Sélimɛ 13:12

A Abirami kòro yaà Kanaan tári ni, á Lɔti sáà kòro tɛɛfiigi kèye ni, ní sáà wi fànikpaayi kóri Sodɔmi taana.

Yirile 2:14

A nǎnw bee wi yari: «Wìí syɔ́ɔn wi mɔ télege mɔ í pye wolo kùndigi ní wolo kútiijooo? A mɔ i caa lé bi mii kpóo àmɛɛ mɔ Ezyipiti ye nǎnw kpóo lè?» A Mowizi fala n fyáa, a wi jo: «Kányɛʔɛ na, kéeli naa n tɔ̀nɔ n cán.»

Kàseegèle 14:16

Síciliw i fɛ̀ɛgí ní i canʔana kapeegi na, kàjáa nilabalaw i keele kpéʔele funvuugo na, níì tága n tóro wiyɛɛ na.

Kàseegèle 17:12

Bi fàra ní ursicaʔa ní, gee gi bɔ̀nɔ gi pìibēle ni lè, koro n pɔ́rɔ n sɔ̀lɔ nilabalaga farala na ki nidolimi ni.

Kàseegèle 27:3

Kàdɛnɛgi n líbe, a táminyɔɔw líbe, kàjáa nidoligi fundanʔara n líbe n sɔ̀lɔ di tɛ́ɛyi siin na.

Syɛɛnjóow 10:13

Ki nyɔ́ɔgi syɛ́ɛnrɛ sélimɛ i nyɛ nidolimɔ, ki syɛ́ɛnri kwɔ́ɔmɔ si i nyɛ cúrobeemɛ.

Syɛɛnjóow 9:3

Kapeegaa wéle gee yee myɛ nínge ni yi kpéʔele tári na lè, koro gi nyɛ ncan kanijanna i pe myɛ taagi. A gi wɔ́ɔ i nyɛ ncan syɔɔn ye fúnyi n nyìn kapeeyi na, á nidolimi si i nyɛ be fúnyi ni pe wéemi làla ni. Koro kàdoʔo ma pe n kári kúbèle tɛ́ʔɛ ma.

Ezayi 65:5

Pe i gi nyuu níì jo: ‹Núngo yaà, mɔ a kɔ́ nùuni mii na í, níì cán mii a kɔ́ mɔ fóro.› Koro myɛ i nyɛ wírige mii fínaakoloyi ni, ní naà, gee gi sóori lè cángi myɛ ni.

Zyeremii 3:3

Koro na zěyi wɔ́ɔ̀ yére, zěseligi ga too í. Nànjaacɔɔ̀ gbáala n pye mɔ na, ki fɛ̀ɛrɛ ga mɔ taa í.

Zyeremii 6:15

Fɛ̀ɛrɛ maa yɛlɛ ti be taa yanɔnʔɔri kéele na be kpéʔele lè, kàjáa fɛ̀ɛrɛ ga téè be taa í, pe ga níì fɛ̀ɛrɛ cán í. Koro na pe a pínɛ da tuun ní bele ní be tuun lè, mii ga yìri be kurugo lǎlee ni lè, pe a kpírige too,» Yawe wi jo nya.

Zyeremii 8:12

Fɛ̀ɛrɛ maa yɛlɛ ti be taa yanɔnʔɔri kéele na be kpéʔele lè, kàjáa fɛ̀ɛrɛ ga téè be taa í, pe ga níì fɛ̀ɛrɛ cán í. Koro na pe a pínɛ da tuun ní bele ní be tuun lè, mii ga yìri be kurugo lǎlee ni lè, pe a kpírige too, Yawe wi jo nya.

Ezekyɛli 16:49

Wéle, gee gi pye lè Sodɔmi kolomi wi lè mɔ senyɛnjew, koro gi nyɛ nɛ̀ɛnyɛnɛgi maa pye wi ma, a yaliiri wi tín, wí i nyɛ sági kasɔngunɔ fun, woro ní wi calipiigèle ní, wi si da ni fànʔa nii fɔ̀rɔgɔfɔlɔ, ní foomɔfɔlɔ kɔ́yɔ ni í.

Matye 7:6

Gee be màra Kolocɔlɔɔ kpɔ̀ʔɔrɔli kéele na lè, ki ga yɛlɛ yele í da gi kaangi pɔ́nbèle ma í. Ki ga wɔ́ɔ̀ yɛlɛ yele í da yele lúluw cáan gbòyooyi taana yaa tánʔana si kɔ́ kàri baa yele nɔngi í.

1 Samyɛli 17:44

A wi níì jo: «Da maa naa mii ma, mii a ba mɔ céri kaan nyɛ̀ʔɛni féjɛɛnrɛ ní sìnbirigi yaweere ma.»

1 Samyɛli 2:16

Syɔ́ɔnw si ga wi pye: «Kaasǐnmi a sórigo gbɛnʔɛnɛ, koro kàdoʔo ma dee ga mɔ dɛ́nɛ lè, mɔ a náa toro wolo.» Falipyew n si wi yari: «Mii n cée! Mɔ a di kaan wii tɔ́ɔliw ni, kapye koro ban í, mii a di wòlo fànʔa na.»

1 Samyɛli 25:17

Tɔ́ɔliw ni ki n yɛlɛ mi gi wéle, gee mɔ yɛlɛ bi kpéʔele lè, mi koro cán. Níì cán wolo kàfɔw ní wi kpáagi wòolo myɛ kálagila kéele n kɔ̀rirɔ n tímana n kwɔ́ɔ, á wi zɔ̌nw si gbàn syɔɔn a gbǎn joo ní wi ní í.»