Sélimɛ 19:7 - Cebaara Bible 2010

⁷ Níì be pye: «Ni senyɛ̀nnɛ, mii i yele nyɛ́ɛri, yele a kɔ́ kapeegi naa kpéʔele í.

Sélimɛ 19:7 Iomraidhean Croise

Sélimɛ 19:4

Kàjáa n be yaʔa sìnzinɛ ni, a kěgi nànbēle myɛ pan n baa kpáagi màʔa, gee bee n jo Sodɔmi nǎnbèle myɛw, n séli nìgɔcaribèle na fwɔɔ n sáà nan nànlɛɛbèle na. Pe myɛ maa pye yaà, wàa da fɔ̀n yaà í.

Sélimɛ 19:6

A Lɔti yiri yaà be ma kpaaweeli na níì kɔ̀rigi tɔ́n wiyɛɛ kàdoʔo ma.

Sélimɛ 19:8

Pìibēle siin i naa mii ma pìcaala, bele be lè pe ga kɔ́ɔ̀ nàngeele cán í. Mii a bele bee yirige naa yele ma. Gee ga yele dɛ́nɛ lè, ye koro pye be na. Kàjáa yele a kɔ́ yafyɛn pye nǎnbèle naa na í, níì cán a pe baa tìrige mii ma wii, ki n yɛlɛ mii í da be kpáaw wéle.»

Levii ye sáriga-wòlori 18:22

Mɔ a kɔ́ sínɛ ní nàɔn ní àmɛɛ be sìnɛ́ ní cɔlɔɔ ní lè í, gee bee i nyɛ kapeekpɔʔɔ.

Levii ye sáriga-wòlori 20:13

Nàɔn ga sínɛ ní nàɔn ní àmɛɛ be sìnɛ́ ní cɔlɔɔ ní lè, pe myɛ siinw n kapeekpɔʔɔ pye. Pe a be kpóo. Pe sìsyaanw wolo kapeele a lúru kòro be na.

Kapyegèle 17:26

Wi n syɛɛnfeleyi myɛ yirige nàɔn nibin ni, níì be télege télege tári tɛ́ɛyɛ myɛ ni, níì gi kɔ̀rirɔ n be làrigèle ní be tɛɛ̀tɛ́nɛyi láʔagéle wòlo,

Wɔrɔmi ye 1:24

Gee bee na Kolocɔlɔɔ be yaʔa paa kanɔnʔɔri kèlē kpéʔele bi yɛlɛ ní be tiimaa fundaayi ní, páā fɛ̀ɛrɛ fun kérigèle kpéʔele ní peyɛɛ ní pe céri kánma na,

Làlwaw Kaanziin 23:17

Wi a tɛ́ɛn ní mɔ ní yele níngi ni bi fuguri, tɛ́ɛgee ni wi ga nyɛ́nɛ n wòlo lè mɔ kegaa ni, gee wi nyaa a gi yɛlɛ woro ma lè. Mɔ a kɔ́ mɔ fangi gbàn wi na í.

Zyudi 1:7

Kánmee na bele bee da cée lè, kánmi bee na Sodɔmi, ní Gomɔri, ní yi taana kěyi syɛ̀ɛnnɛ da baa cée níì peyɛɛ gaan kanɔnʔɔri ma, níì kòro fɛ̀ɛfɔnmi kèlē na ni kpéʔele ní peyɛɛ ní. Amɛɛ be wɔʔɔ lè bànvigi náagi ni, pe i nyɛ fɛ̀ɛ syɛ́ɛnbèle myɛ ma.

Jàbɔbèle 19:23

A kpáagi fɔ́lɔ yiri n baa be pye: «Eʔe, ni senyɛ̀nnɛ, mii i yele nyɛ́ɛri yele a kɔ́ kapeʔe pye í. Amɛɛ nǎnw naa baa jée mii kpáagi ni lè yele a kɔ́ fɛ̀ɛrɛ kéeli naa kpéʔele í.

Jàbɔbèle 9:26

A Ebɛdi jáaw Gaali ní wi senyɛnbèle pan Sisyɛmi ma, a Sisyɛmi mɛ́ɛyi fɔ̀ɔlɔ baa tága wi na.