Sélimɛ 19:4 - Cebaara Bible 2010

⁴ Kàjáa n be yaʔa sìnzinɛ ni, a kěgi nànbēle myɛ pan n baa kpáagi màʔa, gee bee n jo Sodɔmi nǎnbèle myɛw, n séli nìgɔcaribèle na fwɔɔ n sáà nan nànlɛɛbèle na. Pe myɛ maa pye yaà, wàa da fɔ̀n yaà í.

Sélimɛ 19:4 Iomraidhean Croise

Sélimɛ 13:13

Sodɔmi syɛ́ɛnbèle si maa tɔ̀nɔ n pee. Pe maa ni kapeegèle kpéʔele Yawe yɛ́ʔɛ ma.

Sélimɛ 18:20

Lǎli bee ni a Yawe gi joo Abirahami ma níì jo: «Sùpiigèle be wáa lè Sodɔmi ní Gomɔri ye kéeli na, sùpiiwáari bee n níì kpɔ́ʔɔ n baa sɔ̀lɔ. Pe kapeegèle n líbe n baa sɔ̀lɔ.

Yirile 16:2

Lǎli bee ni a Isirayɛli syɛ́ɛnmi myɛ i Mowizi ní Aarɔn sànʔá fìími tára ni.

Yirile 23:2

Mɔ a kɔ́ taʔa syɛɛnnɛʔɛmi na si kapeʔe kpéʔele í. Mɔ a kɔ́ mɔ séeraw fàli syɛɛnnɛʔɛmi kéele na bi kútiiw kálagi í.

Kàseegèle 4:16

Níì cán bele bee i nyɛ kapye pe ga kapeʔe kpéʔele í, pe a gbǎn ŋúnɔ í. Kapye pe ga syɔɔn taa n cáan í, ŋúnɔmi n pɛ́ɛ be na.

Kàseegèle 6:18

ní fúngee gi kapeeye tímana lè, ní tɔ́lɔyee yi fé kelekele kapeʔe kurugo lè.

Zyeremii 5:31

Kanyaajoobèle i kérigèle nyaagi ni nyuu ní jànvaa ní. Sáriga-wòlobèle i be có ni yaari peyɛɛ fǎngi láara ni, á gi mii syɛ́ɛnbèle dɛ́nɛ gi pye nya! Nyàʔá si yele a kpéʔele tári nyɛ̀ʔɛnaw kéele na?

Misye 7:3

Pe kɔ́yi n wári kapeʔe pyele kurugo, fànʔafɔbili i yariraa caa fànʔa na, kútiijoow i fáliw pingi yakaanra kéele na, syɛɛnkpɔɔw wɔ́ɔ i wi fúngi yanidaanmaga caa, kánmi bee na pe myɛ wɔ́ɔ kanijanna na.

Wɔrɔmi ye 3:15

Pe i fé funvuugo na koro ga pye bàā syɛ́ɛnbèle taagi da kúu,

Jàbɔbèle 19:22

N be yaʔa fundaanri na, a kěgi nànvaʔayaa pan n baa kpáagi màʔa, níì kòro ni kɔ̀rigi kpúmɔn, ní i gi nyuu nànlɛɛw ma wi lè kpáagi fɔ́lɔ, níì jo: «Nǎnwee wi baa tìrige mɔ na lè, wi yirige naa koro ga pye wolo í ba sínɛ ní wi ní.»